Connect with us

ព័ត៌មានជាតិ

លោក​បណ្ឌិត លី ធុជ ដឹកនាំ​កិច្ចប្រជុំ​តាម​ប្រព័ន្ធ​អន​ឡាញ ដើម្បី​ជំរុញ​កិច្ចសហប្រតិបត្តិការ និង​ពង្រឹង​អនុលោមភាព​នៃ​អនុសញ្ញា​អូ​តា​វ៉ា​ក្នុងចំណោម​រដ្ឋ​ភាគី​

បានផុស

នៅ

ភ្នំពេញ ៖ ថ្ងៃទី​២៧ ខែមីនា ឆ្នាំ​២០២៤ លោក​បណ្ឌិត លី ធុជ ប្រធាន​អនុសញ្ញា​អូ​តា​វ៉ា​ឆ្នាំ​២០២៤ អញ្ជើញ​ដឹកនាំ​កិច្ចប្រជុំ​តាម​ប្រព័ន្ធ​អន​ឡាញ​ជាមួយ​គណៈកម្មការ​ស្តីពី​ការជំរុញ​អនុលោមភាព​កិច្ចសហប្រតិបត្តិការ (Committee on Cooperative Compliance) និង​ក្រុមការងារ​សម្របសម្រួល​សកលភាវូបនីយកម្ម (Universalization Coordinating Group) នៃ​អនុសញ្ញា​ហាម​ការប្រើប្រាស់​មីន​ប្រឆាំង​មនុស្ស (​អនុសញ្ញា​អូ​តា​វ៉ា​)​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កិច្ចប្រជុំ បាន​ពិភាក្សា​លើ​វិធានការ​ក្នុង​ការជួយ​សម្របសម្រួល​ដល់​ការអនុវត្ត​បទដ្ឋាន តម្លាភាព និង​ការពង្រឹង​អនុលោមភាព​នៃ​អនុសញ្ញា​អូ​តា​វ៉ា​ក្នុងចំណោម​រដ្ឋ​ភាគី ក្នុង​នោះបាន​ផ្តោតលើ​របៀបវារៈ​ចំនួន ០៣ រួមមាន ទី​១/.​ការចោទប្រកាន់​រដ្ឋ​ភាគី​ចំនួន ៣ ដូចជា ស៊ូដង់ អ៊ុយ​ក្រែ​ន និង​យេ​ម៉ែន ដែល​បាន​កំពុង​ប្រើប្រាស់​គ្រាប់មីន​ប្រឆាំង​មនុស្ស ទី​២/.​កាតព្វកិច្ច​ផ្នែក​ច្បាប់​នៃ​មាត្រា​៩(​វិធានការ​អនុវត្ត​ថ្នាក់ជាតិ​នៃ​រដ្ឋ​ភាគី​)​នៃ​អនុសញ្ញា និង​ទី​៣/.​ការជំរុញឱ្យ​រដ្ឋ​ភាគី​បញ្ជូន​នូវ​របាយការណ៍​មាត្រា​៧(​តម្លាភាព​នៃ​ការអនុវត្ត​អនុសញ្ញា​)​។ ជាមួយគ្នា​នោះ អង្គប្រជុំ​ក៏បាន​ផ្តោត​សំខាន់​លើ​វឌ្ឍនភាព​នៃ​ការធ្វើ​សកលភាវូបនីយកម្ម នៃ​រដ្ឋ​មិនទាន់​ក្លាយជា​រដ្ឋ​ភាគី ឱ្យ​ក្លាយជា​រដ្ឋ​ភាគី​នៃ​អនុសញ្ញា​អូ​តា​វ៉ា​។​

​អង្គប្រជុំ បាន​ជំរុញ​ឱ្យ​បន្ត​ត្រួត​ពិ​ត្យ​ឡើងវិញ​ចំពោះ​រដ្ឋ​ភាគី​ដែល​ត្រូវបាន​ចោទប្រកាន់ថា​កំពុង​ប្រើប្រាស់​គ្រាប់មីន​ប្រឆាំង​មនុស្ស ដែល​ផ្ទុយ​ពី​បទដ្ឋាន​នៃ​អនុសញ្ញា​។ ជាមួយគ្នា​នោះ អង្គប្រជុំ ក៏បាន​ពិនិត្យឡើងវិញ​អំពី​ស្ថានភាព​នៃ​រដ្ឋ​ភាគី​ចំនួន ៤៦ ដែល​មិនបាន​អនុវត្ត​ត្រឹមត្រូវ​តាម​មាត្រា​៩ នៃ​អនុសញ្ញា ដោយសារ​ហេតុផល​នានា របស់​រដ្ឋ​ភាគី​នីមួយៗ​។ ពាក់ព័ន្ធ​នឹង​របាយការណ៍​មាត្រា​៧ មាន​រដ្ឋ​ភាគី​ចំនួន ៥៧ បាន​រាយការណ៍​អំពី​តម្លាភាព និង​ការប្តេជ្ញាចិត្ត​ក្នុងការ​អនុវត្តតាម​បទដ្ឋាន​នៃ​អនុសញ្ញា ហើយ​គណៈកម្មការ​កំពុង​រង់ចាំ​របាយការណ៍​ពីរ​ដ្ឋ​ភាគី​ដទៃទៀត​រហូតដល់​ខែឧសភា ឆ្នាំ​២០២៤ ។

​ជាមួយគ្នា​នោះ អង្គប្រជុំ បន្ត​ជំរុញ​ឱ្យ​រដ្ឋ​ភាគី​ទាំងអស់​ពង្រឹង​ការអនុវត្ត​អនុលោមភាព តម្លាភាព និង​កាតព្វកិច្ច​នៃ​អនុសញ្ញា ព្រមទាំង​ផ្ញើ​នូវ​របាយការណ៍​វឌ្ឍនភាព និង​កិច្ចខិតខំ​ប្រឹងប្រែង​រប​ស់​ខ្លួន មកកាន់​គណៈកម្មការ​ឱ្យទាន់​ពេលវេលា ដើម្បី​ត្រៀម​រៀបចំ​កិច្ចប្រជុំ​អន្តរកាល​ស្តីពី​ស្ថានភាព​ទាក់ទង​នឹង​កាតព្វកិច្ច ក្នុង​ខែមិថុនា ឆ្នាំ​២០២៤ នៅ​ទីក្រុង​ហ្សឺ​ណែវ ប្រទេស​ស្វី​ស ខាងមុខ៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៥ ថ្ងៃ មុន

អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា

ព័ត៌មានជាតិ២ ថ្ងៃ មុន

ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ

ព័ត៌មានជាតិ២ ថ្ងៃ មុន

បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»

ព័ត៌មានជាតិ៣ ថ្ងៃ មុន

កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា

ជីវិតកម្សាន្ដ៧ ថ្ងៃ មុន

ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»

Sokha Hotels

ព័ត៌មានពេញនិយម