Connect with us

ព័ត៌មានជាតិ

ជប៉ុន​ផ្តល់ជំនួយ​ជាង​២​លាន​ដុល្លារ​ ដើម្បី​ស្តារ​ឡើងវិញ ​នូវ​ផលប៉ះពាល់​ពី​គ្រោះទឹកជំនន់​នៅ​កម្ពុជា​

បានផុស

នៅ

​ភ្នំពេញ​ ៖​ រដ្ឋាភិបាល​ជប៉ុន​បានសម្រេច​បន្ត​ផ្តល់​ជំនួយឥតសំណង​ចំនួន​២០៩​លាន​យ៉េន ប្រមាណ​ជា​២​លាន​ដុល្លា​អាមេរិក​ ដល់​ព្រះរាជាណាចក្រ​កម្ពុជា តាមរយៈ​កម្មវិធី​ស្បៀងអាហារ​ពិភពលោក​(WFP) ដើម្បី​ស្តារ​ឡើង​វិញ​នូវ​ផលប៉ះពាល់​ពី​គ្រោះទឹកជំនន់​នា​ខែតុលា ​ឆ្នាំ​២០២០​ ដែល​បាន​បង្ក​ជា​ការ​ខូចខាត​ដល់​មនុ​ស្ស និង​ទ្រព្យសម្បត្តិ​យ៉ាងធ្ងន់ធ្ងរ​នៅ​ទូទាំងប្រទេស។

ពិធី​ចុះហត្ថលេខា​លើ​លិខិត​ប្តូរ​សារ​ស្តី​ពី​ជំនួយឥតសំណង​នេះ​បាន​ធ្វើឡើង​នៅ​ថ្ងៃទី​២២ ខែកុម្ភៈ​ ឆ្នាំ២០២១ ​ដែល​ចុះហត្ថលេខា​ដោយ​លោក មិ​កា​មិ មាសា​ហ៊ី​រ៉ូ ឯកអគ្គរាជទូត​វិសាមញ្ញ និង​ពេញ​សមត្ថភាព​នៃ​ប្រទេស​ជប៉ុន​ប្រចាំ​ព្រះរាជាណាចក្រ​កម្ពុជា និង លោកស្រី ឃ្លែ​រ កូ​ណាន់ តំណាង និង​ជា​នាយិកា​កម្មវិធី​ស្បៀងអាហារ​ពិភពលោក​ប្រចាំ​ព្រះរាជាណាចក្រ​កម្ពុជា​ដោយមាន​វត្តមាន​លោក ង៉ាន់ ចំរើន រដ្ឋលេខាធិការ​ក្រសួងមហាផ្ទៃ និង​ជា​ប្រធាន​លេខាធិការដ្ឋាន​នៃ​គណ​កម្ម​ធិ​ការ​ជាតិ​សម្រាប់​ការអភិវឌ្ឍន៍​តាម​បែប​ប្រជាធិបតេយ្យ​នៅ​ថ្នាក់ក្រោម​ជាតិ (​គ​.​ជ​.​អ​.​ប​) ចូល​រួម​ជា​សាក្សី​។

គំរោង​នេះ​ នឹង​ធ្វើ​ការវាយតម្លៃ​សន្តិសុខ​ស្បៀង និង​អាហារូបត្ថម្ភ​ដ៏​ទូលំទូលាយ​នៅក្នុង​តំបន់​ដែល​រង​ផលប៉ះពាល់ ហើយ​តាមរយៈ​ជំនួយ​នេះ គម្រោង​នឹង​ធ្វើ​ការ​គាំទ្រ​ដល់​ការស្តារ​ឡើងវិញ​របស់​សហគមន៍​តាមរយៈ​ការ​ធ្វើ​ឲ្យ​ប្រសើរ​ឡើងវិញ​នូវ​ហេដ្ឋារចនាសម្ព័ន្ធ​ដែល​ខូចខាត​ដូចជា​ប្រព័ន្ធ​ធារាសាស្ត្រ និង​ផ្លូវ​តាម​ទីជនបទ​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក មិ​កា​មិ មាសា​ហ៊ី​រ៉ូ បាន​មានប្រសាសន៍ថា​ «​ខ្ញុំ​សង្ឃឹមថា​គម្រោង​នេះ​នឹង​កាត់បន្ថយ​នូវ​ផល​ប៉ះពាល់​ជា​អវិជ្ជមាន​ទៅលើ​សន្តិសុខ​ស្បៀង​សម្រាប់​ក្រុម​គ្រួសារ​និង​សហគមន៍​ដែល​រង​ផលប៉ះពាល់​ដោយ​គ្រោះទឹកជំនន់ ហើយ​រួមចំណែក​លើកកម្ពស់​កិច្ចសហប្រតិបត្តិការ​រ​វាង​ប្រទេស​ទាំងពីរ​»​។​

យោង​តាម​ទិន្នន័យ​ផលប៉ះពាល់​នៃ​ជំនន់​ទឹកភ្លៀង​និង​ជំនន់​ទន្លេមេគង្គ​នៅ​ឆ្នាំ​២០២០​របស់​គណៈកម្មាធិការ​ជាតិ​គ្រប់គ្រង​គ្រោះមហន្តរាយ​បាន​ឲ្យ​ដឹងថា ​ជំនន់​ទឹកភ្លៀង​និង​ជំនន់​ទន្លេមេគង្គ​នៅ​ឆ្នាំ​២០២០​នេះ​បានធ្វើ​ឲ្យ​ប៉ះពាល់​ដល់​រាជធានី​ខេត្ត​ចំនួន​២៣​លើកលែង​ខេត្ត​កែប​និង​រតនគីរី​បណ្តាល​ឲ្យ​មនុស្ស​ស្លាប់​សរុប​ចំនួន​៤៧​នាក់​ប៉ះពាល់​ដល់​ប្រជាពលរដ្ឋ​២២២៨៩៨​គ្រួសារ​និង​ជម្លៀស​ប្រជាជន​១៧៥១៧​គ្រួសារ​ដោយ​ប្រើប្រាស់​កម្លាំង​ជួយសង្គ្រោះ​ប្រមាណ​ជិត​៣​ម៉ឺន​នាក់​និង​មធ្យោបាយ​ប្រមាណ​ជិត​១៥០០​គ្រឿង​។

របា​ការណ៍​ដដែល​បាន​បន្ត​ថា ​ជំនន់​ទឹកភ្លៀង​និង​ជំនន់​ទន្លេមេគង្គ​បាន​បង្ក​ឲ្យ​មាន​ប៉ះពាល់​ពាល់​ដល់​ស្រូវ​លិច​ទឹក​ចំនួន​៣០៤៨២១​ហិកតា​និង​ខូចខាត​១២៥៧៧០​ហិកតា​។​ លិច​វត្ត​២៥៣​កន្លែង សាលារៀន​៩៤៣​កន្លែង ប៉ះពាល់​ផ្លូវជាតិ​ផ្លូវ​ខេត្ត​និង​ផ្លូវ​ក្រុង​៦៧៣​គីឡូម៉ែត្រ​ខូចខាត​២៣២​គីឡូម៉ែត្រ​ផ្លូវលំ​ជនបទ​៥៣៨៩​គីឡូម៉ែត្រ​ខូចខាត​៣១៥៤​គីឡូម៉ែត្រ​និង​ប៉ះពាល់​ដល់​ប្រឡាយ​មេ​ប្រឡាយ​រង​និង​ប្រឡាយ​ស្រោចស្រព​ចំនួន​៧០២​គីឡូម៉ែត្រ​៕

ដោយ ៖ សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៩ នាទី មុន

ខេត្តរតនគិរីមានផ្ទៃដីក្រហមប្រមាណ៧០% អំណោយផលដល់ដំណាំកសិ-ឧស្សហកម្មគ្រប់ប្រភេទ

ព័ត៌មានជាតិ១ ម៉ោង មុន

ក្នុង​ឱកាស​បុណ្យចូលឆ្នាំ​ថ្មី​នេះ រដ្ឋបាល​រាជធានី​ហាម​ដាច់ខាត​ការ​លេង​ល្បែងស៊ីសង ការ​ជះ​ទឹក គប់​ស្បោង​ទឹក លាប​ធ្យូង ឬ​ប៉ាត​ម្សៅ​ទៅលើ​អ្នកដំណើរ

ព័ត៌មានជាតិ២ ម៉ោង មុន

កម្មករ និងសហជីព ពេញចិត្ត គាំទ្រដំណោះស្រាយទាំងបីចំណុចចំពោះករណីរោងចក្រ R.G

ជីវិតកម្សាន្ដ៥ ម៉ោង មុន

សុខ ស្រីម៉ុច អំពាវនាវពលរដ្ឋខ្មែរបន្តជួយថែរក្សាមរតកដូនតាខ្មែរ

ព័ត៌មានអន្ដរជាតិ៥ ម៉ោង មុន

វេទិកាបូអាវ ៖ សេដ្ឋកិច្ច អាស៊ី នឹងលូតលាស់ដល់ ៤.៥ ភាគរយក្នុងឆ្នាំនេះ

ព័ត៌មានជាតិ៥ ថ្ងៃ មុន

អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា

ព័ត៌មានជាតិ៣ ថ្ងៃ មុន

ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ

ព័ត៌មានជាតិ៣ ថ្ងៃ មុន

បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»

ព័ត៌មានជាតិ៤ ថ្ងៃ មុន

កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា

សេដ្ឋកិច្ច៤ ថ្ងៃ មុន

មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ

Sokha Hotels

ព័ត៌មានពេញនិយម