Connect with us

ព័ត៌មានជាតិ

សម្ដេចធិបតី ណែនាំឱ្យសមាគមសិល្បករខ្មែរ​ ជួយចាស់ជរា ក្មេងកំព្រា   និងបន្តជួយទ្រទ្រង់ជីវភាពសិល្បករចាស់ជរា

បានផុស

នៅ

សម្ដេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានណែនាំឱ្យសមាគមសិល្បកខ្មែរ ជួយកិច្ចការសង្គម ជួយដល់កុមារ ជនរងគ្រោះ និងត្រូវបន្តជួយទ្រទ្រង់ជីវភាពសិល្បករខ្មែរដែលចាស់ជរា។ សម្ដេចធិបតី បានថ្លែងដូច្នេះ នៅក្នុងពិធីជួបសំណេះសំណាល និងពិសាអាហារសាមគ្គីជាមួយសិល្បករខ្មែរ ដែលធ្វើឡើងក្រោមប្រធានបទ « អ្នកស្នងមរតក» នាល្ងាចថ្ងៃទី៣១ ខែឧសភា ឆ្នាំ២០២៤។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្ដេចធិបតី បានថ្លែងសង្កត់ធ្ងន់ដូច្នេះ « សមាគមក៏ត្រូវគិតគូរ នឹងរួមចំណែកបង្កើនសកម្មភាពជួយសង្គម កុមារ ស្ត្រី ចាស់ជរា ជនពិការ និងអនាម័យបរិស្ថានជាដើម។ ជាពិសេស គឺបន្តយកចិត្តទុកដាក់ដល់សិល្បករ សិល្បការិនី វ័យចាស់ជរា ដែលមានជីវភាពលំបាក ដូចដែលធ្វើកន្លងមកនេះ»

ជាមួយគ្នានេះ ក្នុងពិធីដដែល​ សម្ដេចធិបតី បានណែនាំសិល្បករ សិល្បការិនីជំនាន់ក្រោយគ្រប់ត្រូវចេះដឹងគុណសិល្បកររាមច្បង។

ជាការកត់សម្គាល់ នៅមុនការណែនាំរបស់សម្ដេចធិបតី នាពេលនេះ ជាក់ស្ដែង ប្រធានសមាគមសិល្បករខ្មែរ អាណត្តិទី៦ បានធ្វើសកម្មភាពចុះសាកសួរសុខទុក្ខសិល្បករចាស់ជរា ភរិយាអតីតតារាចម្រៀង ដោយក្នុងពេលចុះសួរទុក្ខនោះ ក៏បានភ្ជាប់ទៅជាមួយថវិកាឧបត្ថម្ភមួយចំនួន។

តំណាងប្រធានសមាគមសិល្បករខ្មែរ ចូលរួមពិធីបុណ្យគម្រប់ខួប៧ថ្ងៃ អតីតអ្នកកំប្លែង នាយធុង។

តួយ៉ាងដូចជា កាលពីថ្ងៃទី៦ ខែឧសភា តំណាងប្រធានសមាគមសិល្បករខ្មែរ បានអញ្ជើញចូលរួមពិធីបុណ្យទក្ខិនុប្បទានគម្រប់ខួប៧ថ្ងៃរបស់អតីតអ្នកកំប្លែងនាយធុង និងក្នុងថ្ងៃដដែល ចូលរួមពិធីបុណ្យសពម្ដាយរបស់លោកស្រី​ ចាន់ តារាទី។

បន្ថែមពីនេះ ប្រធានសមាគមសិល្បករខ្មែរ អ្នកឧកញ៉ា ម៉ៅ​ ចំណាន​ នាថ្ងៃទី​០៩​ ខែឧសភា​ ឆ្នាំ២០២៤ បានទៅសួរសុខទុក្ខព្រឹទ្ធាចារ្យកោសល្យវោហារ គង់ ណៃ រសិល្បករចាប៉ីដងវែង​ ដែលសម្រាកព្យាបាលជំងឺនៅមន្ទីរពេទ្យមិត្តភាពខ្មែរ-សូវៀត(ពេទ្យរុស្ស៊ី)​  ព្រមទាំងឧបត្ថម្ភថវិការបស់សមាគម និងថវិកាផ្ទាល់ខ្លួនរបស់អ្នកឧកញ៉ា ជូនលោកព្រឹទ្ធាចារ្យ សម្រាប់ប្រើប្រាស់ និងព្យាបាលជំងឺ។

អ្នកឧកញ៉ា ម៉ៅ ចំណាន ប្រធានសមាគមសិល្បករខ្មែរ សួរសុខទុក្ខព្រឹទ្ធាចារ្យកោសល្យ គង់ ណៃ ក្នុងពេលសម្រាកព្យាបាលជំងឺ។

បន្ទាប់ពីនេះ​​ នៅថ្ងៃទី១១ ប្រធានសមាគម បានទៅទស្សនាការសម្ដែងល្ខោននិយាយរឿង«ផ្លែក្រៅដើម» សម្ដែងដោយក្រុមឥសីវ៉ូលេ ដែលប្រភេទទស្សនីយភាពខ្វះការគាំទ្រពីអ្នកទស្សនា។

អ្នកឧកញ៉ា ប្រធានសមាគម ក៏ធ្លាប់ទៅសួរសុខទុក្ខភរិយាលោកស្រី ខាវ ថងញ៉ុត ភរិយារបស់អធិរាជសំឡេងមាស ស៊ីន ស៊ីសាមុត ដែលកំពុងមានជំងឺប្រចាំកាយជាច្រើនមុខ។ ក្នុងពេលនោះ ប្រធានសមាគម បានឧបត្ថម្ភថវិការបស់សមាគម ជូនដល់ភរិយាអធិរាជសំឡេងមាស សម្រាប់ទុកព្យាបាលជំងឺ និងទុកសម្រាប់ធ្វើបុណ្យទានផងដែរ៕

អ្នកឧកញ៉ា ម៉ៅ ចំណាន ប្រធានសមាគមសិល្បករខ្មែរ សួរសុខទុក្ខភរិយាអធិរាជសំឡេងមាស លោក ស៊ីន ស៊ីសាមុត។
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៥ ម៉ោង មុន

ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក

ព័ត៌មានជាតិ៣ ម៉ោង មុន

ក្នុងឆ្នាំ២០២៤៖ ឧកញ៉ា អ្នកឧកញ៉ា ៤នាក់ ត្រូវដកហូតគោរមងារ ក្រោយរកស៊ីបោកប្រាស់ និងបាញ់ប្រហារពលរដ្ឋ

ព័ត៌មានជាតិ៦ ម៉ោង មុន

រាជ​ដំណាក់​ព្រះមហាក្សត្រ​ខ្មែរ ​លើ​កំពូលភ្នំ​បូកគោ រង់ចាំអនុញ្ញាតពីព្រះបរមរាជវាំង ​ជួសជុលតាម​គំរូ​ដើម​ឡើង​វិញ

ព័ត៌មានជាតិ៤ ម៉ោង មុន

ដំណាំកសិកម្មជាង ១ ម៉ឺនហិកតា កំពុងរងការវាយប្រហារពីសត្វដង្កូវហ្វូង

សេចក្ដីជូនដំណឹង៨ ម៉ោង មុន

តើអ្នកយល់យ៉ាងណាចំពោះក្រុមហ៊ុនផាសអ៊ែប (PassApp) បានធ្វើរឿងមួយនេះ???

Sokha Hotels

ព័ត៌មានពេញនិយម