ព័ត៌មានជាតិ
រដ្ឋមន្ត្រីការបរទេសថ្មី របស់វៀតណាមប្តេជ្ញាពង្រឹងកិច្ចសហប្រតិបត្តិការ ជាមួយកម្ពុជាលើបញ្ហាព្រំដែន សន្តិសុខ ពាណិជ្ជកម្ម និងវិនិយោគ…
ការប្តេជ្ញារបស់រដ្ឋមន្ត្រីការបរទេសថ្មីវៀតណាមនេះ បានធ្វើឡើងនៅក្នុងកិច្ចសន្ទនាតាមទូរសព្ទ រវាងលោកប្រាក់ សុខុន ឧបនាយករដ្ឋមន្ត្រីរដ្ឋមន្ត្រីការបរទេស និងសហប្រតិបត្តិការអន្តរជាតិ នៃព្រះរាជាណាចក្រកម្ពុជា ជាមួយលោក ប៊ូយ ថាញ់សឺន រដ្ឋមន្ត្រីការបរទេស នៃសាធារណរដ្ឋសង្គមនិយមវៀតណាម កាលពីថ្ងៃទី០៩ ខែមេសា ឆ្នាំ២០២១។
នៅក្នុងជំនួបនោះ លោកឧបនាយករដ្ឋមន្ត្រី ប្រាក់ សុខុន បានអបអរសាទរប្រទេសវៀតណាម ដែលទទួលបានជោគជ័យក្នុងការរៀបចំមហាសន្និបាតបក្សកុម្មុយនិស្តវៀតណាមលើកទី១៣ និងសម័យប្រជុំទី១១ នីតិកាលទី១៤ នៃរដ្ឋសភាវៀតណាម ការធ្វើជាប្រធានអាស៊ានឆ្នាំ២០២០ និងការចុះហត្ថលេខាលើកិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយតំបន់ (RCEP)។ លោកក៏បានសម្តែងនូវជំនឿជឿជាក់ផងដែរថា ជាមួយនឹងបទពិសោធន៍ការទូត និងជំនាញដ៏ទូលំទូលាយរបស់លោក ប៊ូយ ថាញ់សឺន ប្រទេសវៀតណាម នឹងដើរតួនាទីកាន់តែសំខាន់ឡើងនៅក្នុងកិច្ចការតំបន់ និងអន្តរជាតិ។
ជាការឆ្លើយតប លោក ប៊ូយ ថាញ់សឺន បានថ្លែងអំណរគុណយ៉ាងជ្រាលជ្រៅជូនចំពោះ លោក ប្រាក់ សុខុន សម្រាប់សារអបអរសាទរ និងសាធុការពរ ដែលជាការលើកទឹកចិត្តសម្រាប់លោកក្នុងការបំពេញភារកិច្ចថ្មី។
ក្នុងអំឡុងកិច្ចសន្ទនាតាមទូរស័ព្ទ រដ្ឋមន្ត្រីការបរទេសទាំងពីរបានពិភាក្សាដោយស្មោះត្រង់ និងភាតរភាព អំពីទំនាក់ទំនងទ្វេភាគី និងបានសម្តែងនូវការពេញចិត្តចំពោះការកើនឡើងជាលំដាប់នូវចំណងមិត្តភាព និងកិច្ចសហប្រតិបត្តិការរវាងប្រទេសទាំងពីរនៅលើវិស័យជាច្រើន រួមមាន វិស័យ អប់រំ ពាណិជ្ជកម្ម វិនិយោគ ថាមពល ការតភ្ជាប់ និងសន្តិសុខ ស្របពេលជាមួយការផ្ទុះឡើងនូវជំងឺ កូវីដ-១៩។ រដ្ឋមន្ត្រីការបរទេសទាំងពីរ ក៏បានសម្តែងនូវការប្តេជ្ញាចិត្តរឹងមាំ ក្នុងការធ្វើការជាមួយគ្នាកាន់តែជិតស្និទ្ធ ដើម្បីលើកកម្ពស់ទំនាក់ទំនងរវាងប្រទេសទាំងពីរឱ្យឈានឡើងខ្ពស់មួយកម្រិតថែមទៀត តាមរយៈការអនុវត្តប្រកបដោយប្រសិទ្ធភាពនូវរាល់កិច្ចព្រមព្រៀង និងការសម្រេចចិត្តនានា របស់ថ្នាក់ដឹកនាំ នៃប្រទេសទាំងពីរ ដែលរួមមាន ការគ្រប់គ្រងព្រំដែន ការការពារសន្តិសុខ នៅតាមបណ្តោយព្រំដែន ការសម្របសម្រួលសកម្មភាពពាណិជ្ជកម្ម និងវិនិយោគ និងការឆ្លងកាត់របស់ប្រជាជន និងទំនិញនៅតាមប៉ុស្តិ៍ត្រួតពិនិត្យព្រំដែន។
រដ្ឋមន្ត្រីការបរទេសទាំងពីរ បានកោតសរសើរចំពោះវិធានការ និងកិច្ចសហការរវាងភាគីទាំងពីរ ក្នុងការប្រយុទ្ធប្រឆាំងនឹងជំងឺរាតត្បាតកូវីដ-១៩។ ក្នុងន័យនេះ លោក ប្រាក់ សុខុន បានថ្លែងអំណរគុណរដ្ឋាភិបាល និងប្រជាជនវៀតណាម ដែលបានផ្តល់សម្ភារៈវេជ្ជសាស្ត្រ និងការគាំទ្រផ្នែកហិរញ្ញវត្ថុ ជូនចំពោះរាជរដ្ឋាភិបាលកម្ពុជា នៅក្នុងកិច្ចខិតខំប្រឹងប្រែងដើម្បីប្រយុទ្ធប្រឆាំងជំងឺរាតត្បាតកូវីដ-១៩។
ក្រៅពីកិច្ចសហប្រតិបត្តិការទ្វេភាគី រដ្ឋមន្ត្រីការបរទេសទាំងពីរ ក៏បានផ្លាស់ប្តូរទស្សនៈគ្នាលើបញ្ហាតំបន់ និងអន្តរជាតិ ដែលជាផលប្រយោជន៍រួម។ ក្នុងបរិបទនេះ លោករដ្ឋមន្ត្រីការបរទេសវៀតណាម បានបញ្ជាក់ជាថ្មីនូវការគាំទ្រដ៏ពេញលេញរបស់ប្រទេសវៀតណាម ចំពោះប្រទេសកម្ពុជាក្នុងនាមជាម្ចាស់ផ្ទះនៃកិច្ចប្រជុំកំពូលអាស៊ី-អឺរ៉ុបលើកទី១៣ (ASEM13) នៅចុងឆ្នាំ២០២១ និងធ្វើជាប្រធានប្ដូរវេនអាស៊ាននៅឆ្នាំ ២០២២ ខាងមុខ។
នៅចុងបញ្ចប់នៃការសន្ទនា លោកប្រាក់ សុខុន បានអញ្ជើញលោក ប៊ូយ ថាញ់សឺន មកបំពេញទស្សនកិច្ចផ្លូវការនៅព្រះរាជាណាចក្រកម្ពុជា ក្នុងពេលវេលាសមស្រប និងធ្វើជាសហប្រធានកិច្ចប្រជុំគណៈកម្មការចម្រុះកម្ពុជា-វៀតណាម (JC) លើកទី១៩ ដែលគ្រោងនឹងរៀបចំនៅកម្ពុជា នាចុងឆ្នាំ២០២១ នេះ។
ចំណែកលោក ប៊ូយ ថាញ់សឺន ក៏បានអញ្ជើញ លោក ប្រាក់ សុខុន ទៅបំពេញទស្សនកិច្ចនៅវៀតណាមក្នុងពេលវេលាសមស្របផងដែរ។ រដ្ឋមន្ត្រីការបរទេសទាំងពីរ បានទទួលយកការអញ្ជើញនេះដោយសេចក្តីសោមនស្សរីករាយ៕
អត្ថបទ៖ កោះកែវ
សូមចុចអាន៖ រដ្ឋាភិបាល នឹងបង់ថ្លៃទឹកភ្លើង និងជំនួយដល់គ្រួសារនៅតំបន់បិទ និងគ្រួសារអ្នកជំងឺកូវីដ-១៩
ជំនន់ទឹកភ្លៀង ធ្វើឲ្យប៉ះពាល់ដល់ពលរដ្ឋ ខេត្តបន្ទាយមានជ័យជាង ២ម៉ឺននាក់ និងមានស្លាប់ម្នាក់
ដំណោះស្រាយ រវាងក្រុមរថយន្តដឹកផ្លែឈើ ជាមួយគយច្រកអន្តរជាតិដូង ត្រូវផ្អែកលើគោលការណ៍ ៣ចំណុច
ប្រទះឃើញ រោងសង្វៀនប្រជល់មាន់ នៅកណ្តាលព្រៃសហគមន៍ តំបន់ការពារធម្មជាតិ វាលកំបោរ
ឆ្នាំក្រោយ ពិភពលោក មានថ្នាំព្យាបាលកូវីដហើយ!
ខេត្តបន្ទាយមានជ័យ ផ្អាកចរាចរណ៍រថយន្តធុនធំ លើកំណាត់ផ្លូវខេត្តលេខ ២៦៨អា ដោយសារជំនន់ទឹកភ្លៀង
(មានសំឡេង) ខ្ញុំឃើញភ្ញៀវរត់ចេញប្រសាច ស្ថានការណ៍ក្លាយជាច្របូកច្របល់ ពួកយើងភាន់ភាំង…
មកស្គាល់សាលាកូនអ្នកមានទាំង ៥ នៅភ្នំពេញ មួយឆ្នាំបង់លុយរៀនខ្ទង់ម៉ឺនដុល្លារ ទើបទៅរួច
ដំណឹងដ៏រំភើប! កម្ពុជា នឹងទទួលបានវ៉ាក់សាំងកូវីដពី UNICEF
ដំណឹងល្អ! កម្ពុជានិងប្រទេសអាស៊ីអាគ្នេយ៍៥ទៀតនឹងទទួលបានវ៉ាក់សាំងកូវីដ
ឃាត់ខ្លួនជនដៃដល់ដែលបាញ់ប្រហារស្រ្តីម្នាក់នៅខេត្តសៀមរាប
-
សុខភាព៨ ម៉ោង មុនចាក់ AstraZeneca រួច ចេញអាការទាំង៦នេះ គឺជាសញ្ញានៃការកកឈាម
-
ព័ត៌មានជាតិ១ សប្តាហ៍ មុនចៅហ្វាយស្រុកបន្ទាយស្រីបញ្ជាក់ពីការភាន់ច្រឡំថា អ្នក ឧកញ៉ា ឡេង ណាវ៉ាត្រាទិញដីមិនស្របច្បាប់
-
ព័ត៌មានជាតិ៥ ថ្ងៃ មុនបន្ទាប់ពី Ford រោងចក្រដំឡើងរថយន្តថ្មីមួយទៀត នឹងបើកដំណើរការនៅកម្ពុជា
-
ព័ត៌មានជាតិ៤ ថ្ងៃ មុនតាអាចារ្យ និងកូនសិស្សវត្តនាគវ័ន រកឃើញវិជ្ជមានកូវីដ ចំថ្ងៃបិណ្ឌ១ អាជ្ញាធរ បិទខ្ទប់វត្តជាបន្ទាន់
-
ជីវិតកម្សាន្ដ១ សប្តាហ៍ មុនទោះបីបាត់បង់ជីវិត តែតារាកំប្លែង ៥ដួងនេះបានបន្សល់ទុកកេរ្តិ៍ឈ្មោះល្បីរន្ធឺសម្រាប់អ្នកគាំទ្រ
-
ព័ត៌មានជាតិ១ សប្តាហ៍ មុនសាក្សី៖ ស្ត្រីជនជាតិចិនបើកឡានទំនើប បុកបុរសម្នាក់កំពុងដើរ រួចជ្រុលទៅបុកឡានផ្សេង ថយក្រោយប្រុងរត់ កិនជនរងគ្រោះថែមស្លាប់ភ្លាមៗ
-
ព័ត៌មានជាតិ១ សប្តាហ៍ មុនចៅអធិការវត្តមួយក្នុងស្រុកបាទីឆ្លងកូវីដ១៩ គ្រូពេទ្យចុះតេស្តព្រះសង្ឃតាជីយាយជី ៥១ អង្គ/នាក់
-
សុខភាព១១ ម៉ោង មុនទោះស្រដៀងផ្តាសាយមែន តែរោគសញ្ញាសំខាន់ចំនួន ២ បញ្ជាក់ថា អ្នកកើតកូវីដហើយ
