ព័ត៌មានជាតិ
រដ្ឋាភិបាលនឹងពិចារណាពន្យារបទបញ្ជាការហាមឃាត់ការធ្វើដំណើរបន្តទៀត
ភ្នំពេញ៖ សម្តេចនាយករដ្ឋមន្ត្រី ហ៊ុន សែន បានមានប្រសាសន៍ថា ប្រសិនបើស្ថានភាពជំងឺកូវីដ-១៩ នៅតែបន្តអូសបន្លាយយូរបន្តទៀត នោះសម្តេចនឹងពិចារណាបន្តអនុវត្តបទបញ្ជាការហាមឃាត់ការធ្វើដំណើរឆ្លងកាត់ចេញចូលពីខេត្តមួយទៅខេត្តមួយជាបន្តទៀត។
តាមរយៈសេចក្តីថ្លែងការណ៍ពិសេសនៅព្រឹកនេះ សម្តេចតេជោបានមានប្រសាសន៍ថា ការបន្តអនុវត្តបទបញ្ជាហាមឃាត់ការធ្វើដំណើរនេះគឺដើម្បីទប់ស្កាត់ការឆ្លងរីករាលដាលជំងឺកូវីដ-១៩ ព្រោះយើងមិនដឹងថាជំងឺនេះឆ្លងនៅតំបន់ណានោះទេ។
សម្តេចបានបន្តថា ប្រទេសនៅជិតខាងយើងនេះរួមមានថៃវៀតណាម និងឡាវ ហើយក្នុងចំណោមប្រទេសទាំង៣នេះ ឡាវគ្រប់គ្រងបានល្អជាងគេ ខណៈថៃកំពុងមានផ្ទុះជំងឺកូវីដនៅទីក្រុងបាងកកដូចនៅកម្ពុជាកំពុងផ្ទុះនៅរាជធានីភ្នំពេញដែរ។
សម្តេចបានបន្តថា៖ “ពីមុនយើងជាប្រទេសមួយមានការគ្រប់គ្រងបានល្អដោយសារការខិតខំប្រឹងប្រែងអនុវត្តបានល្អ។ប៉ុន្តែបច្ចុប្បន្នមានការផ្ទុះរាតត្បាតជំងឺនេះ។ តែខ្ញុំមិនបន្ទោសនោះទេនៅក្នុងដំណាក់កាលនេះ សំខាន់ត្រូវរួមគ្នាប្រយុទ្ធនឹងជំងឺនេះទាំងអស់គ្នា”។
សម្តេចតេជោបានដាក់បទបញ្ជាឱ្យពង្រឹងការធ្វើអភបាលកិច្ចឱ្យបានល្អ ដូចជាការធ្វើចត្តាឡីស័ក ការអនុវត្តច្បាប់ឱ្យបានតឹងរឹង ព្រោះថាការឆ្លងក្នុងសហគមន៍២០កុម្ភៈ នេះគឺបណ្តាលមកពីអភិបាលកិច្ចនេះហើយ។
កាលពីថ្ងៃទី០៦ ខែមសា ឆ្នាំ២០២១ រាជរដ្ឋាភិបាលកម្ពុជា បានសម្រេចបិទការធ្វើដំណើរឆ្លងកាត់ ចេញ-ចូលពីខេត្តមួយទៅខេត្តមួយជាបណ្តោះអាសន្នរយៈពេល១៤ថ្ងៃ ចាប់ពីម៉ោងសូន្យ នៅថ្ងៃទី៧ ខែមេសា ឆ្នាំ២០២១ រហូតដល់ថ្ងៃទី២០ ខែមេសា ឆ្នាំ២០២១ ដើម្បីទប់ស្កាត់ការឆ្លងរាលដាលជំងឺកូវីដ-១៩ ពីខេត្តមួយ ទៅខេត្តមួយទៀត។ ប៉ុន្តែសម្រាប់រាជធានីភ្នំពេញ និងខេត្តកណ្តាលត្រូវបានចាត់ទុកជាតំបន់មួយមិនស្ថិតនៅក្រោមវិសាលភាពនៃការហាមឃាត់ការធ្វើដំណើរឆ្លងកាត់ ចេញ-ចូល ទៅវិញទៅមកនោះទេ៕
អត្ថបទ៖ សំអឿន
-
ព័ត៌មានអន្ដរជាតិ១ សប្តាហ៍ ago
អ៊ីស្រាអែល វាយប្រហារកម្ទេចស្ថានកុងស៊ុលអ៊ីរ៉ង់ សម្លាប់ទាំងមេទ័ពកំពូល
-
ជីវិតកម្សាន្ដ៥ ថ្ងៃ ago
កូនស្រីបង្កើត Brad Pitt បង្ហាញចេតនាប្រឆាំងកូនចិញ្ចឹម Pax Thien ចង់ឲ្យគ្រួសារជុំគ្នាវិញ
-
ព័ត៌មានអន្ដរជាតិ១ ថ្ងៃ ago
ការស្ទង់មតិ ៖ សង្ក្រាន្តឆ្នាំនេះ ប្រជាជន ថៃ រាងពិបាកចាយវាយ ព្រោះម្នាក់ៗសុទ្ធតែជាប់បំណុលគេច្រើន
-
ព័ត៌មានអន្ដរជាតិ១ សប្តាហ៍ ago
តំបន់មួយរបស់កាណាដា ប្រកាសអាសន្ន មុនបាតុភូតសូរ្យគ្រាស មហាកម្រ
-
ព័ត៌មានជាតិ៥ ថ្ងៃ ago
សម្ពាធទាបគ្របដណ្ដប់មកលើ ឈូងសមុទ្រកម្ពុជា នឹងធ្វើឱ្យមានភ្លៀងធ្លាក់ និងផ្គរ រន្ទះ
-
ព័ត៌មានជាតិ២ ថ្ងៃ ago
អាកាសយានដ្ឋានចំនួន ០៨ ចុះបញ្ជីនៅកម្ពុជា មាន ៣ កំពុងដាក់ឲ្យដំណើការ
-
ជីវិតកម្សាន្ដ១ សប្តាហ៍ ago
តារាកំប្លែង ស្រីអ៊ីត ចេញមុខការពារ នាយ ចឺម ក្រោយរងការជេរប្រមាថពាក់ព័ន្ធបទចម្រៀងថ្មី
-
ព័ត៌មានអន្ដរជាតិ២ ថ្ងៃ ago
កូនក្រមុំ ចិន ត្រូវភ្ញៀវប្រុសៗចាប់សម្រាតសំលៀកបំពាក់ ដោយយកលេសថាជាប្រពៃណីបុរាណ