នយោបាយ
លោកសុខ ឥសាន៖ការចង់ឱ្យអាមេរិកដកសញ្ជាតិពីពលរដ្ឋខ្មែរ គឺបញ្ជាក់ច្បាស់ថា លោកសម រង្ស៊ី មិនមែនអ្នកប្រជាធិបតេយ្យទេ
អ្នកនាំពាក្យគណបក្សប្រជាជនកម្ពុជា លោកសុខ ឥសាន បានអះអាងនៅថ្ងៃនេះថា ការដែលលោកសម រង្ស៊ី ដែលត្រូវបានចាត់ទុកថា ជាទណ្ឌិតមេឧទ្ទាមក្រៅច្បាប់ចង់ឱ្យរដ្ឋាភិបាលអាមេរិកដកសញ្ជាតិអាមេរិកាំងចេញពីពលរដ្ឋខ្មែរដោយមូលហេតុមិនគ្រាំទ្រខ្លួននោះ គឺបញ្ជាក់យ៉ាងច្បាស់ថា រូបលោកមិនមែនជាអ្នកប្រជាធិបតេយ្យទេ។ លោក សុខ ឥសាន បានអះអាងទៀតថា លោកសម រង្ស៊ី ក៏មិនមែនជាចៅហ្វាយនាយរបស់សហអាមេរិកនោះដែរ។
ការគូសបញ្ជាក់របស់លោកសុខ ឥសាននេះ គឺបន្ទាប់ពីលោកសម រង្ស៊ី ចង់ស្នើ និងរំពឹងថា រដ្ឋាភិបាលអាមេរិកាំងនឹងដកសញ្ជាតិអាមេរិកពីប្រជាពលរដ្ឋខ្មែរដែលគាំទ្រគណបក្សប្រជាជនកម្ពុជា។ លោកថា យោងច្បាប់សហរដ្ឋអាមេរិក គឺ មន្ត្រី និងសមាជិកគណបក្សប្រជាជនកម្ពុជាដែលមានសញ្ជាតិពីរ គឺសញ្ជាតិខ្មែរផង និងសញ្ជាតិអាមេរិកាំងផង អាចនឹងត្រូវរដ្ឋាភិបាលអាមេរិកដកហូតសញ្ជាតិអាមេរិកាំង។
ក៏ប៉ុន្តែ លោកសុខ ឥសាន បានបញ្ជាក់ថា ការចង់ឱ្យដកសញ្ជាតិបរទេសពីអ្នកដែលមិនគាំទ្រខ្លួនរបស់លោកសម រង្ស៊ីនេះ គឺបញ្ជាក់ពីចរិតអាត្មានិយមរបស់អ្នកប្រជាធិបតេយ្យក្លែងក្លាយ។ លោកសុខ ឥសាន បានបន្ថែមថា ប្រទេសកុំមុយនីស្តក៏ដោយ ប្រទេសលោកសេរីក៏ដោយ សុទ្ធតែជាមនុស្សដូចគ្នា គឺមានសិទ្ធិដូចគ្នានិងមានប្រាជ្ញាដូចគ្នា។
កាលពីថ្ងៃទី២៣ ខែវិច្ឆិកា សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានសម្តែងនូវការហួសចិត្តដែលលោកសម រង្ស៊ី បានស្នើឱ្យរដ្ឋាភិបាលអាមេរិកដកសញ្ជាតិពីប្រជាពលខ្មែរនៅអាមេរិកដែលគាំទ្ររដ្ឋាភិបាល និងគណបក្សប្រជាជនកម្ពុជា។ សម្តេចបានលើកឡើងថា ប្រជាពលរដ្ឋខ្មែរដែលគាំទ្រគណបក្សប្រជាជនកម្ពុជានៅអាមេរិក គួរតែនាំគ្នាងើបឈរឡើង ហើយទៅតវ៉ាសួរនាំថ្នាក់ដឹកនាំអាមេរិកថា តើពិតជាមានការចង់ដកសញ្ជាតិមែន ឬអត់?៕
អត្ថបទ៖ វណ្ណ សុគន្ធា
-
ព័ត៌មានជាតិ១ សប្តាហ៍ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ២ ថ្ងៃ ago
កម្ពុជា ជាមេកន្ទ្រាញគ្រងលើអត្រាស្ទុះងើបឡើងវិញនៃវិស័យទេសចរណ៍ខ្ពស់ជាងគេនៅអាស៊ាន
-
ព័ត៌មានជាតិ១ សប្តាហ៍ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
KPT+១ ថ្ងៃ ago
ខ្លះៗពីទិវាកុហក ១ មេសា ឬ April Fools’ Day
-
ព័ត៌មានជាតិ២ ថ្ងៃ ago
មន្ត្រីរាជការ កងកម្លាំងប្រដាប់អាវុធ ពាក់ព័ន្ធការទន្ទ្រានយកដីរដ្ឋ នឹងត្រូវបញ្ចប់តួនាទី
-
ចរាចរណ៍៤ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ១ ថ្ងៃ ago
ក្រុមហ៊ុនអ្នកឧកញ៉ា គិត ម៉េង ប្រកាសបង្កើតតំបន់សេដ្ឋកិច្ចពិសេសថ្មីមួយទៀតនៅខេត្តកណ្តាល
-
ព័ត៌មានអន្ដរជាតិ១១ ម៉ោង ago
អ៊ីស្រាអែល វាយប្រហារកម្ទេចស្ថានកុងស៊ុលអ៊ីរ៉ង់ សម្លាប់ទាំងមេទ័ពកំពូល