អាជីព
ជំនាញបង្កើតតុល្យភាព ការសរសើរនិងរិះគន់ សម្រាប់មេដឹកនាំម្នាក់ៗ
ការស្ទង់មតិមួយបានបង្ហាញថា អ្នកគ្រប់គ្រងចំនួន ៤៤ ភាគរយនិយមយកពេលប្រជុំមកផ្តល់មតិរិះគន់អវិជ្ជមាន បង្កឱ្យមានភាពតានតឹង ប៉ុន្តែ ៤០ ភាគរយនៃក្រុមដដែល សារភាពថា កម្រផ្តល់ការសរសើរវិជ្ជមានណាស់ ទាល់តែមានលទ្ធផលធំៗ។
និយោជិកត្រូវការតុល្យភាពទាំងការសរសើរនិងការរិះគន់។
នេះជាការពិតនិងមហាសំខាន់។ កុំយកការប្រជុំជាកន្លែងស្តីបន្ទោស ព្រោះការប្រជុំសម្រាប់ ពន្លឿនការងារនិងដោះស្រាយបញ្ហា ចំណែកការបន្ទោសពុំដែលបានដោះអ្វីទាំងអស់។
ដើម្បីទទួលបានជោគជ័យ ប្រសិនបើមេដឹកនាំ គ្រាន់តែចេះឆាតសរសើរមួយឃ្លា ចំពោះការងារណាមួយដែលខ្លួនពេញចិត្ត នឹងទទួលបានផលជាជាងការខលមកស្តីឱ្យភ្លាមៗដូចភ្លើងចំបើងដែលតែងធ្វើឱ្យនិយោជិកខកចិត្ត បាត់ការគោរពតែបែរជាខ្លបខ្លាច។
ទីណាមានបុគ្គលិកខ្លបខ្លាចច្រើន អំពើរណបនឹងកើនឡើងហើយសមត្ថភាពពិតលែងសូវមានការដុសខាត់ដោយសារ វប្បធម៌ល្បិច និងអែបអបចូលមកគ្របដណ្តប់។ មនុស្សមិនរៀនបានអ្វីពីការរិះគន់ទេ ព្រោះវប្បធម៌ស្តីបន្ទោស មិនជួយពួកគេឱ្យរីកចម្រើនឡើយ។
ការត្រួតពិនិត្យអាជីវកម្មរបស់ហាវ៉ាដនិយាយថាគោលការណ៍ល្អមួយគឺផ្តល់ការសរសើរច្រើនជាងការរិះគន់ ដែលបង្ហាញថា ក្រុមនិមួយៗត្រូវបានគេឃ្លាំមើលគុណសម្បតិ្តច្រើនជាងគុណវិបត្តិ។ ទីណាបុគ្គលិកមានការសរសើរជាទៀងទាត់ ពួកគេកាន់តែលត់ដំនិងធ្វើការបានខ្លាំង។
នេះមិនមែនមានន័យថា យើងត្រូវនិយាយកុហកបុគ្គលិកថាពួកគេធ្វើបានល្អទាំងមិនបានល្អនោះទេផ្ទុយទៅវិញ គឺទទួលស្គាល់ថា ពេលវេលានិងកន្លែងដែលត្រូវសរសើរ ពេលណាត្រូវលើកកំហុសមករៀនសូត្រ។
ការខិតខំប្រឹងប្រែងរបស់និយោជិក គួរតែទទួលបានរង្វាន់ជាប្រចាំនិងក្នុងលក្ខណៈទាន់ពេលវេលាចំណែកការបន្ទោសអាចពន្យាក៏បាន។
ការកោតសរសើរជាសាធារណៈ ការសរសើរជាលក្ខណៈឯកជនគឺជាឧបករណ៍គ្រប់គ្រងមនុស្សដែលបង្កើតទំនុកចិត្តនិងសុជីវធម៌ យ៉ាងមានប្រសិទ្ធិភាព។
ឧបមាថា យើងមានការប្រជុំម្តងក្នុងមួយសប្តាហ៍ គឺល្អប្រសើរក្នុងការដោះស្រាយភាពរអាក់រអួល ប៉ុន្តែប្រសិនលើកពីកំហុសមកក៏កុំចំាបាច់បញ្ចេញឈ្មោះអ្នកដែលត្រូវទទួលខុសត្រូវកំហុសនោះ។ ប៉ុណ្ណឹងគេអាម៉ាសគ្រប់ទៅហើយ មិនចាំបាច់ស្មុគស្មាញដល់ថ្នាក់ម្នាក់ៗងើបមុខលែងរូចទេ។
ចំនុចសំខាន់៖ អ្នកគ្រប់គ្រងល្អចាំបាច់ចេះលើកទឹកចិត្តអ្នកធ្វើការ ពុំមែនរុករកកំហុសទេ។ អ្នកគ្រប់គ្រងដ៏ឆ្នើមមានភាពសកម្មនិងចេះដោះស្រាយជម្លោះ ដោះបញ្ហាពីតូចទៅធំ ហើយនេះជាការងារពិតរបស់មេដឹកនាំ។
អ្នកពូកែបន្ទោស ពុំមែនជាមេដឹកនាំល្អទេ!
ប្រែសម្រួល៖ សុភា
ចុចអាន៖ ភាពឱនលំទោន ៥ យ៉ាងដែលអ្នកដឹកនាំគួរតែមានសម្រាប់ក្រុម
-
ចរាចរណ៍៦ ថ្ងៃ ago
បើករថយន្តវ៉ាជែងក្នុងស្ថានភាពគ្រោះថ្នាក់ ក្រឡាប់របួសធ្ងន់ស្រាលជាង១០នាក់
-
ព័ត៌មានជាតិ៥ ថ្ងៃ ago
កម្ពុជា អាចនឹងមានភ្លៀងធ្លាក់លាយឡំជាមួយខ្យល់កន្ត្រាក់ចាប់ពីថ្ងៃទី១៨ ដល់២០មេសា
-
ព័ត៌មានជាតិ១ ថ្ងៃ ago
គេហទំព័រ Weather៖ សប្តាហ៍នេះ កម្ពុជា នឹងក្តៅខ្លាំង ឈានដល់កម្រិតគ្រោះថ្នាក់ ៤០អង្សាសេ
-
ព័ត៌មានជាតិ៦ ថ្ងៃ ago
តួលេខផ្លូវការ ទេសចរដើរលេងចូលឆ្នាំមានជាង ២១ លាននាក់ និងខេត្តចំនួន ៥ ឈានមុខគេ
-
សន្តិសុខសង្គម៤ ថ្ងៃ ago
មកដឹងពីចម្លើយសារភាពរបស់ជនដៃដល់ដែលចាក់សម្លាប់នារីរងគ្រោះក្នុងបុរីឈូកវ៉ា២
-
ព័ត៌មានអន្ដរជាតិ៥ ថ្ងៃ ago
ក្រុមហ៊ុន Toyota នៅ ជប៉ុន ប្រមូលរថយន្ត Prius ជុំវិញពិភពលោក ចាប់ពីសេរ៊ីឆ្នាំ ២០២២ ឡើងទៅចូលរោងចក្រវិញ
-
សន្តិសុខសង្គម៥ ថ្ងៃ ago
ព័ត៌មានបឋម៖ ចូលចាក់សម្លាប់ស្ត្រីម្នាក់ដល់ក្នុងផ្ទះ រួចអារកសម្លាប់ខ្លួនឯងតាមក្រោយ
-
សេចក្ដីជូនដំណឹង២២ ម៉ោង ago
ចូលឆ្នាំខ្មែរបានសប្បាយជួបជុំហើយ បានទាំងរង្វាន់ពីគ្រុឌឈ្នះផ្អើលពេញភូមិ