ព័ត៌មានជាតិ
បណ្ឌិត សួន រ៉ានី៖ មនុស្សម្នាក់ៗទោះពូកែយ៉ាងណា ក៏មិនអាចខ្វះភាព ជាអ្នកដឹកនាំបានឡើយ
លោកបណ្ឌិត សួន រ៉ានី អ្នកជំនាញផ្នែកសេដ្ឋកិច្ចនៅរាជបណ្ឌិត្យសភាកម្ពុជា បានលើកឡើងថា មនុស្សគ្រប់រូបទោះបីជាមានជំនាញរឹងខ្លាំងប៉ុណ្ណា ក៏មិនអាចខ្វះជំនាញទន់ គឺភាពជាអ្នកដឹកនាំក្នុងជីវិតបានឡើយ ព្រោះភាពជាអ្នកដឹកនាំមានតម្លៃខ្លាំងណាស់។
ការលើកឡើងរបស់លោកបណ្ឌិតបែបនេះ នៅក្នុងបាឋកថា “តើភាពជាអ្នកដឹកនាំមានតម្លៃបែបណាសម្រាប់យើងម្នាក់ៗ?” ដែលរៀបចំឡើងដោយរាជបណ្ឌិត្យសភាកម្ពុជា នៅថ្ងៃទី០៥ ខែកក្កដា ឆ្នាំ២០២៣នេះ។
លោកបណ្ឌិត សួន រ៉ានី អះអាងថា មនុស្សម្នាក់ៗតែងតែមានភាពជាអ្នកដឹកនាំនៅក្នុងខ្លួនតាំងពីកំណើតមកម្ល៉េះ គ្រាន់តែតិច និងច្រើន តាមការអប់រំនៅក្នុងគ្រួសារ និងសាលារៀនជាដើម។ ពោល គឺប្រសិនបើមនុស្សម្នាក់ស្ថិតក្នុងគ្រួសារមួយដែលមានការអប់រំល្អ និងត្រឹមត្រូវ បុគ្គលនោះនឹងមានជំនាញទន់ល្អនៅក្នុងខ្លួនដូចគ្នា។
លោកបណ្ឌិតសង្កត់ធ្ងន់ថា នៅក្នុងវិស័យការងារចាំបាច់ណាស់ មានទាំងជំនាញរឹង និងជំនាញទន់ ចេះបត់បែនគ្រប់កាលៈទេសៈ ធ្វើយ៉ាងណាឱ្យមនុស្សជុំវិញខ្លួនគោរព គាំទ្រ លើកទឹកចិត្ត និងទទួលស្គាល់ពីមនសុ្សជុំវិញខ្លួន។ ជាមួយគ្នានោះ បើចង់ឱ្យមានអ្នកទទួលស្គាល់ និងដើរតាម គឺត្រូវមានលក្ខខណ្ឌសំខាន់ៗចំនួន៣ ។ ទី១. សមត្ថភាព ទី២.សីលធម៌ និងទី៣. គឺស្រស់សមសួន។
មួយវិញទៀត ក្នុងវិស័យការងារ តម្រូវឱ្យមនុស្សចេះបត់បែន រៀបឫកពាឱ្យបានត្រឹមត្រូវ ដើម្បីងាយស្រួលចុះចំណោមជាមួយមនុស្សក្នុងសង្គម។ នៅពេលដែលបុគ្គលម្នាក់ៗ មិនចាប់អារម្មណ៍ជាមួយឥរិយាបថប្រចាំថ្ងៃរបស់ខ្លួនទេ មជ្ឈដ្ឋានជុំវិញខ្លួនងាយស្រួល នឹងវាយតម្លៃបំផុត។ ដូច្នេះ ដើម្បីឱ្យមានភាពល្អប្រសើរ បុគ្គលនោះ ត្រូវចេះសង្កេតពីឥរិយាបថរបស់ខ្លួន និងប្រឹងប្រែងកែប្រែឱ្យមានភាពល្អប្រសើរ ពង្រឹងសមត្ថភាពឱ្យកាន់តែពូកែបន្ថែមទៀត។ នេះជាការបញ្ជាក់បន្ថែមរបស់លោកបណ្ឌិត សួន រ៉ានី។
លោកបណ្ឌិត សួន រ៉ានី ជាបុគ្គលមួយរូបដែលបានបញ្ចប់ថ្នាក់បណ្ឌិតនៅបរទេស។ លោកសិក្សាជំនាញសេដ្ឋកិច្ច និងទេសចរណ៍។ នៅឆ្នាំ២០០០ លោកបានមកកម្ពុជាវិញ និងចូលបម្រើការងារនៅក្រសួងទេសចរណ៍ ហើយឆ្នាំ២០០១ បានចូលបង្រៀននៅរាជបណ្ឌិត្យសភាកម្ពុជាជំនាញសេដ្ឋកិច្ច។
តាមបទពិសោធន៍បម្រើការងារក្នុងក្រសួងទេសចរណ៍ លោកបណ្ឌិត បានបញ្ជាក់ថា លោកមានឱកាសគ្រប់គ្រងបុគ្គលិកផ្សេងៗទៀត ដែលមានទាំងវ័យចាស់ និងក្មេង ជាហេតុធ្វើឱ្យមានភាពលំបាកដល់លោក ទោះបីជាលោកមានជំនាញពូកែយ៉ាងណា ប៉ុន្តែ ការងាររបស់លោកបណ្ឌិត មិនបានរលូនល្អនោះទេ ដោយខ្វះជំនាញទន់ គឺភាពដឹកនាំនៅក្នុងខ្លួននេះឯង។
ដោយឃើញពីកង្វះខាតរបស់ខ្លួនបែបនេះ លោកបណ្ឌិតបានសិក្សា និងស្រាវជ្រាវអស់រយៈពេល៦ឆ្នាំ ទើបអាចរកដំណោះស្រាយសម្រាប់ខ្លួនឯងបាន គឺទាក់ទងជាមួយនឹងភាពដឹកនាំនៅក្នុងខ្លួន។ សព្វថ្ងៃ មិនត្រឹមតែជាសាស្រ្តាចារ្យបង្រៀននៅរាជបណ្ឌិត្យសភាប៉ុណ្ណោះទេ លោកបណ្ឌិត សួន រ៉ានី ក៏ជាអនុរដ្ឋលេខាធិការក្រសួងមុខងារសាធារណៈ ព្រមទាំងបានសរសេរជាសៀវភៅជាច្រើនក្បាល ពាក់ព័ន្ធជាមួយនឹងភាពជាអ្នកដឹកនាំ និងវិស័យទេសចរណ៍ថែមទៀតផង៕
ដោយ៖ អុន ស្រីមាន
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៥ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ