សន្តិសុខសង្គម
កម្លាំងជំនាញកំពុងសិក្សាលើទិដ្ឋភាពច្បាប់ ចំពោះករណីបុរសម្នាក់ស្រែកគំរាមដកស័ក្ដិ និងរកវាយទៅលើនគរបាល
សមត្ថកិច្ចជំនាញ កំពុងសិក្សាលើទិដ្ឋភាពច្បាប់ ចំពោះករណីបុរសម្នាក់ស្រែកគំរាមដកស័ក្ដិ និងរកវាយទៅលើនគរបាល កំពុងអនុវត្តច្បាប់ចរាចរណ៍ផ្លូវគោក នៅចំណុចស្ពានអាកាសស្ទឹងមានជ័យ បន្ទាប់ពីជិះម៉ូតូមិនមានពាក់មួកសុវត្តិភាព និងជិះបញ្ច្រាសទិសដៅចរាចរណ៍។
លោកវរសេនីយ៍ឯក សាន សុខសីហា អ្នកនាំពាក្យ នៃស្នងការដ្ឋាននគរបាលរាជធានីភ្នំពេញ មានប្រសាសន៍ប្រាប់កម្ពុជាថ្មី នៅព្រឹកថ្ងៃទី ២៦ ខែវិច្ឆិកានេះថា លោកមានការសោកស្ដាយ ដែលបន្ទាប់ពីកើតហេតុភ្លាមៗ បុរសរូបនោះ បានចេញ ពីកន្លែងកើតហេតុ ដោយមិនមានការឃាត់ខ្លួន ដើម្បីសួរនាំឡើយ។ លោកថា តាមគោលការណ៍ ដែលត្រូវអនុវត្ត គឺមិនត្រូវអនុញ្ញាតឲ្យបុរសរូបនោះ ចេញកន្លែងកើតនោះទេ ពោលគឺសមត្ថកិច្ចអាចឃាត់ខ្លួនយក ដើម្បីយកមកអនុវត្តតាមនីតិវិធីបន្ត។
ទោះជាយ៉ាងណាក៏ដោយលោកវរសេនីយ៍ឯក សាន សុខសីហា បានបញ្ជាក់ថា កម្លាំងសមត្ថកិច្ចជំនាញ កំពុងស្វែងរកបុរសរូបនោះ ដើម្បីយកមកអនុវត្តតាមនីតិវីធីបន្ត។ អ្នកនាំពាក្យ នៃស្នងការដ្ឋាននគរបាលរាជធានីភ្នំពេញ បានបញ្ជាក់ទៀតថា «យើងកំពុងសិក្សាលើចំណុចច្បាប់ដែរ ថាតើនៅលើបទល្មើសអ្វីខ្លះ ដែលយើងអាចចោទប្រកាន់បាន ទាក់ទងនឹងការជេរប្រមាថគំរាមកំហែង មកលើមន្ត្រីរាជការសាធារណៈ ឬក៏ការគេចវេសពីគោលដៅអនុវត្តច្បាប់ ឬក៏អ្វីផ្សេងទៀត យើងនឹងសិក្សាបន្ថែមពីបញ្ហាហ្នឹង»។
លោកវរសេនីយ៍ឯក សាន សុខសីហា បានគូសបញ្ជាក់បន្ថែមថា កម្លាំងសមត្ថកិច្ចជំនាញ កំណត់បានគោលដៅរបស់បុរសរូបនោះស្នាក់នៅហើយ និងថា ត្រូវតែនាំខ្លួនមកសួរនាំឲ្យបាន។ គួររំលឹកថា បុរសម្នាក់បានស្រែកគំរាមដកស័ក្ដិ និងរកវាយទៅលើនគរបាលចរាចរណ៍ ដែលកំពុងអនុវត្តច្បាប់ចរាចរណ៍ផ្លូវគោក នៅចំណុចស្ពានអាកាសស្ទឹងមានជ័យ បន្ទាប់ពីជិះម៉ូតូមិនមានពាក់មួកសុវត្តិភាព និងជិះបញ្ច្រាសទិសដៅចរាចរណ៍។
ហេតុការណ៍ បានកើតឡើងកាលពីវេលាម៉ោង ១ និង៤០នាទីរសៀល ថ្ងៃទី ២៥ ខែវិច្ឆិកា ឆ្នាំ ២០២១ នៅចំណុចក្រោមស្ពានអាកាសស្ទឹងមានជ័យ សង្កាត់ស្ទឹងមានជ័យទី ២ ខណ្ឌមានជ័យ រាជធានីភ្នំពេញ។ យោងតាមប្រភព បានឲ្យដឹងថា មុនពេលកើតហេតុកម្លាំងការិយាល័យ នគរបាលចរាចរណ៍ជើងគោក នៃស្នងការដ្ឋាននគរបាលរាជធានីភ្នំពេញ បានអនុវត្តច្បាប់ចរាចរណ៍ នៅចំណុចក្រោមស្ពានអាកាសស្ទឹងមានជ័យ ដូចសព្វរាល់ដងតាមការណែនាំ របស់ស្នងការនគរបាលរាជធានីភ្នំពេញ។
ខណ:កំពុងតែអនុវត្តស្រាប់តែមានបុរសម្នាក់ ជិះម៉ូតូស្មាសរីវ៉ូ ពណ៌ខ្មៅមួយគ្រឿងពាក់ស្លាកលេខ ភ្នំពេញ 1-BG 5792 ធ្វើដំណើរក្នុងទិសដៅពីកើតទៅលិច បម្រុងនិងបត់ឆ្វេង ពេលឃើញកម្លាំងសមត្ថកិច្ច ស្រាប់តែបុរសរូបនោះ បានបត់ត្រលប់ក្រោយ និងជិះបញ្ច្រាសទិសបណ្តាលដួលម៉ូតូ តែមិនបណ្តាលឲ្យរងរបួសនោះទេ។ ពេលនោះកម្លាំងសមត្ថកិច្ចបានដើរទៅសួរនាំ ស្រាប់តែបុរសនោះស្ទុះដេញវាយសមត្ថកិច្ច និងគំរាមដកស័ក្ដិចោលទៀតផង៕
អត្ថបទ៖ ឃួន សុភ័ក្រ
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?