សន្តិសុខសង្គម

ឆេះផ្ទះមន្ត្រីបរិស្ថានមួយរូប ខូចខាតសម្ភារៈក្នុងផ្ទះទាំងស្រុង មានទាំងគ្រាប់កាំភ្លើង២០០គ្រាប់ (មានវីដេអូ)

បានផុស

៦ ខែ មុន

នៅ

ថ្ងៃពុធ ១២ មករា ២០២២

ដោយ

ផ្ទះរបស់មន្ត្រីបរិស្ថានមួយរូប មានទំហំ ៨×៤៥ ម៉ែត្រ ត្រូវបានអគ្គិភ័យលេបត្របាក់អស់ទាំងស្រុង ខូចខាតសម្ភារៈនិងរថយន្ដ២គ្រឿង មានទាំងគ្រាប់កាំភ្លើង២០០គ្រាប់ផងដែរ។

ករណីគ្រោះអគ្គិភ័យនេះ បានកើតឡើងកាលពីវេលាម៉ោង៤ទៀបភ្លឺ ថ្ងៃទី១២ ខែមករា ឆ្នាំ២០២២នៅខាងជើងអគារបួនជាន់ ចំណុចបង្គោលគីឡូម៉ែត្រលេខ៥៧៤ ក្នុងភូមិពោធិទាប ឃុំម្លូព្រៃមួយ ស្រុកឆែប ខេត្តព្រះវិហារ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមរបាយការណ៍សមត្ថកិច្ចបានឲ្យដឹងថា ម្ចាស់ផ្ទះដែលត្រូវអគ្គិភ័យឆាបឆេះនេះមានឈ្មោះ យ៉ាន់ ប៊ុនសឿង មុខរបរមន្ត្រីបរិស្ថានខេត្តព្រះវិហារ ខូចខាតផ្ទះទាំងស្រុងទំហំ៨×៤៥ ម៉ែត្រ ដំបូលប្រក់ស័ង្កសី ជញ្ជាំងក្តាររួមនឹងសម្ភារៈមួយចំនួនទៀតរួមមាន រថយន្តសាំយ៉ុងចំនួន០១គ្រឿង រថយន្ត Land Cruiser ចំនួន០១គ្រឿង កំព្យូទ័រចំនួន០២ គ្រឿង ម៉ាស៊ីនព្រីនចំនួន០១គ្រឿង និងឯកសារពាក់ពន្ធ័ដែនជម្រកមួយចំនួន គ្រាប់កាំភ្លើង២០០គ្រាប់ ម៉ាស៊ីនត្រង់ស៊ីន័រ១៥ គ្រឿង សាឡុង ០១ ឈុតគ្រែដេកចំនួន០៨ តុងឿ៣ ម៉ូតូចំនួន០២ គ្រឿង ។

សមត្ថកិច្ចបានបញ្ជាក់ថា មូលហេតុដែលនាំឲ្យកើតមានករណីអគ្គិភ័យនេះ គឺបណ្ដាលមកពីឆ្លងចរន្ដអគ្គិសនី។

ក្នុងប្រតិបត្តិការជួយអន្កតរាគមន៍ពន្លត់ កម្លាំងសមត្ថកិច្ចមិនបានចេញរថយន្តពន្លត់អគ្គិភ័យទេ ដោយសារទទួលបានព័ត៌មានយឺតពេលនិងផ្លូវឆ្ងាយ៕

អត្ថបទ៖ សុខុម

Related Topics:ករណីអគ្គិភ័យ