Connect with us

សន្តិសុខសង្គម

ប៉េអិមស្រុកឱរ៉ាល់ ចាប់អាប៊ុលមួយគ្រឿង ដែលឈូសឆាយដីព្រៃឈើសហគមន៍ដោយខុសច្បាប់​

បានផុស

នៅ

កម្លាំង​កងរាជអាវុធហត្ថ​ស្រុក​ឱរ៉ាល់ ឃាត់​គ្រឿងចក្រ​មួយ​គ្រឿង ដែល​ធ្វើ​សកម្មភាព​ឈូស​ឆាយដី​ព្រៃឈើ​សហគមន៍​ឧត្ដម​ស្រែ​ខ្ពស់​ដោយ​ខុសច្បាប់ ខណៈ​តៃកុង និង​ថៅកែ​គ្រឿងចក្រ បាន​រត់​គេច​ខ្លួន​បាត់។​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក​វរសេនីយ៍ទោ សោម ពុទ្ធតារា មេបញ្ជាការ​កងរាជអាវុធហត្ថ​ស្រុក​ឱរ៉ាល់ បាន​ដឹកនាំ​កម្លាំង​សហការ​ជាមួយ​ប៉េអិម​លើ​ផ្ទៃ​ប្រទេស ​ឃាត់​គ្រឿងចក្រ​មួយ​គ្រឿង ប្រភេទ​ប៊ុល ស័រ (D60) ដែល​ធ្វើ​សកម្មភាព​ឈូស​ឆាយ ទន្ទ្រាន​ដី​ព្រៃ​របស់​រដ្ឋ​ដោយ​ខុសច្បាប់ កាលពី​ថ្ងៃ​ទី ០៥ ខែ​តុលា ឆ្នាំ ២០២២ កន្លង​មក​នេះ។

លោក សោម ពុទ្ធតារា បាន​បញ្ជាក់​ថា មុន​ពេល​កម្លាំង​មូលដ្ឋាន​កងរាជអាវុធហត្ថ​ស្រុក​ឱរ៉ាល់ និង​កម្លាំង​កងរាជអាវុធហត្ថ​លើ​ផ្ទៃ​ប្រទេស ចុះទៅ តៃកុង​គ្រឿងចក្រ ព្យាយាម​បើក​រត់​យក​ទៅ​លាក់ ប៉ុន្តែ​មិន​អាច​គេច ក៏​ឃាត់​បាន ហើយ​ម្ចាស់​រត់​បាត់។

សូម​បញ្ជាក់​ថា គ្រឿងចក្រ​ខាងលើ បាន​ធ្វើ​សកម្មភាព​ឈូស​ឆាយ ទន្ទ្រាន​រំលោភ​ដី​ព្រៃឈើ​សហគមន៍​ឧត្តម​ស្រែ​ខ្ពស់​ដោយ​ខុសច្បាប់ ស្ថិត​ក្នុង​ភូមិ​ពោធិ៍​មាស ឃុំ​ត្រពាំង​ជោ ស្រុក​ឱរ៉ាល់ ខេត្ត​កំពង់ស្ពឺ។

បច្ចុប្បន្ន គ្រឿងចក្រ​ដែល​ឈូស​ឆាយ​ដី​ព្រៃឈើ​សហគមន៍​ដោយ​ខុសច្បាប់​នោះ ត្រូវ​បាន​ប៉េអិម​ប្រគល់​ឲ្យ​ទៅ​មន្ត្រី​ជំនាញ​បរិស្ថាន​ដែន​ជម្រក​សត្វ​ព្រៃ​ភ្នំ​ឱរ៉ាល់ ដើម្បី​រក្សាទុក និង​ចាត់​ការ​បន្ត​តាម​នីតិវិធី​ច្បាប់៕

អត្ថបទ ៖ ភួង រដ្ឋា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៦ ថ្ងៃ មុន

អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា

ព័ត៌មានជាតិ៤ ថ្ងៃ មុន

ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ

ព័ត៌មានជាតិ៤ ថ្ងៃ មុន

បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»

ព័ត៌មានជាតិ៤ ថ្ងៃ មុន

កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា

សេដ្ឋកិច្ច៥ ថ្ងៃ មុន

មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ

Sokha Hotels

ព័ត៌មានពេញនិយម