​បាក់ច្រាំងធ្លាក់ផ្ទះប្រជាពលរដ្ឋ ៧ ខ្នងចូលទន្លេ​

យ៉ាងហោចណាស់មានផ្ទះប្រជាពលរដ្ឋចំនួន ៧ ខ្នងស្ថិតនៅភូមិខ្ទរ សង្កាត់ព្រែកលៀប បានបាក់​ស្រុតធ្លាក់ចូលទន្លេ​នៅរសៀលថ្ងៃទី ១៩ ខែកញ្ញា។

សេចក្ដីរាយការណ៍បឋមបានឱ្យដឹងថា ករណីបាក់ច្រាំងបាក់ស្រុតចូលទន្លេប្រវែងប្រមាណ ១០០ ម៉ែត្រ ទទឹង ២០ម៉ែត្រ ស្ថិតនៅភូមិខ្ទរ សង្កាត់ព្រែកលៀប ខណ្ឌជ្រោយចង្វា រាជធានីភ្នំពេញ បណ្ដាល​ឱ្យប៉ះពាល់ផ្ទះប្រជាពលរដ្ឋ ៧ គ្រួសារបាក់ស្រុតចូលក្នុងទឹកទន្លេ តែមិន​ប៉ះពាល់រងគ្រោះ​ដល់​អាយុ​ជីវិតប្រជាពលរដ្ឋឡើយ។

​លោក កៅ សារ៉ាវុធ អភិបាលរងខណ្ឌជ្រោយចង្វារប្រាប់កម្ពុជាថ្មី នៅរសៀលថ្ងៃទី ២០ ខែកញ្ញា​នេះថា ​បច្ចុប្បន្នផ្ទះប្រជាពលរដ្ឋប្រមាណ ៧ ខ្នងរងផលប៉ះពាល់ ខណៈរដ្ឋបាលរាជធា នីភ្នំពេញ កំពុងចុះត្រួតពិនិត្យរកដំណោះស្រាយ។

ដោយឡែកនៅ ភូមិព្រែកតាគង់ សង្កាត់ព្រែកតាសេក ខណ្ឌជ្រោយចង្វា ក៏មានករណីបាក់ច្រាំងធ្លាក់ផ្ទះពលរដ្ឋ១ ខ្នងចូលទន្លេសាបផងដែរ៕