សន្តិសុខសង្គម
ប្រកាសសាលក្រមកំបាំងមុខឈ្មួញគ្រឿងញៀនម្នាក់ ដាក់ពន្ធនាគារ ២៥ ឆ្នាំ និងចេញដីកាស្វែងរកចាប់ខ្លួន
កាលពីព្រឹកថ្ងៃទី ១២ ខែសីហា ឆ្នាំ ២០២៤ នេះ សាលាដំបូងរាជធានីភ្នំពេញ បានប្រកាសសាលក្រមកំបាំងមុខ ផ្ដន្ទាទោសលើឈ្មួញគ្រឿងញៀនម្នាក់ ឈ្មោះ សេក មិត្ត ហៅ កាយ ម៉េង មានទីលំនៅខេត្តកំពង់ចាម ដាក់ពន្ធនាគារកំណត់ ២៥ ឆ្នាំ និងពិន័យជាប្រាក់ចូលថវិការដ្ឋចំនួន ៤០ លានរៀល និងចេញដីកាឲ្យតាមចាប់ខ្លួនជននេះ ដើម្បីយកមកអនុវត្តទណ្ឌកម្មទោសតាមសាលក្រមដែលបានកំណត់ ពីបទ រក្សទុក ដឹកជញ្ជូន និងជួញដូរដោយខុសច្បាប់នូវសារធាតុញៀន ប្រមាណជិត ២ គីឡូក្រាម ប្រព្រឹត្តកាលថ្ងៃទី ៦ ខែមេសា ឆ្នាំ ២០២១ នៅរាជធានីភ្នំពេញ។
សាលក្រមបានប្រកាសជាសាធារណៈ ដោយទុកសិទ្ធិឲ្យប្តឹងឧទ្ធរណ៍តាមកំណត់ច្បាប់។ សំណុំរឿងគ្រឿងញៀនមួយនេះ ដំបូងឡើយ សមត្ថកិច្ចបានធ្វើការចាប់ខ្លួនជាក់ស្ដែងជនសង្ស័យចំនួន ៣ នាក់ គឺ ៖ ១.ឈ្មោះ អ៊ឹម ឈួន អតីតស្នងការរងនគរបាលខេត្តកំពត ,២.ឈ្មោះ កែវ ទិត្យមេសា ,៣.ឈ្មោះ ហុង គា កាលពីថ្ងៃទី ៦ ខែមេសា ឆ្នាំ ២០២១ នៅម្តុំបឹងកក់ ស្ថិតក្នុងខណ្ឌដូនពេញ រាជធានីភ្នំពេញ ខណៈជនសង្ស័យទាំង ៣ នាក់ ដើរចេញពីផ្សារទំនើប”ខាលែនឌែនម៉ល” បំណងឡើងជិះរថយន្ត។ ពេលចាប់ខ្លួន សមត្ថកិច្ចបានឆែកឆេររកឃើញវត្ថុតាងថ្នាំញៀនក្នុងរថយន្តជិត ២ គីឡូក្រាម តែជនសង្ស័យទាំង ៣ នាក់ បានបដិសេធថា អត់ដឹង និងឆ្លើយដាក់ទៅលើឈ្មោះ សេក មិត្ត ហៅ កាយ ម៉េង ជាម្ចាស់ថ្នាំញៀននោះ។ ក្នុងនោះ ដោយសារ សេក មិត្ត ហៅ កាយ ម៉េង បានយករថយន្តនេះទៅជិះប៉ុន្មានថ្ងៃហើយមកដល់តាមផ្លូវមុនសមត្ថកិច្ចចាប់ខ្លួនពួកគេទាំង ៣ នាក់ ឈ្មោះ សេក មិត្ត បានចុះគេចខ្លួនបាត់ទៅ។ តែទោះជាយ៉ាងណាក្តី សំណុំរឿងនេះត្រូវបានសមត្ថកិច្ចបញ្ជូនជនសង្ស័យទាំង ៣ នាក់ ទៅសាលាដំបូងរាជធានីភ្នំពេញ តាមនីតិវិធី បន្ទាប់មកតំណាងអយ្យការក៏បានធ្វើការចោទប្រកាន់ និងចាត់បញ្ជូនទៅចៅក្រមស៊ើបសួរ។ ចៅក្រមស៊ើបសួរ ក៏បានសម្រេចឃុំខ្លួនជនសង្ស័យដាក់ពន្ធនាគារជាបណ្ដោះអាសន្ន។
ការឃុំខ្លួនបានធ្វើឡើងមួយរយៈខ្លី ជនសង្ស័យទាំង ៣ នាក់ ត្រូវបានដោះលែងឲ្យមានសេរីភាពវិញ ដោយដាក់ឲ្យស្ថិតនៅក្រោមការត្រួតពិនិត្យតាមផ្លូវតុលាការ។ បន្ទាប់មកទៀត តុលាការបានបើកការស៊ើបអង្កេត ទំនងរកមិនឃើញបទល្មើសជាក់ស្ដែងដូចការចោទប្រកាន់នោះ ទើបបំបែកសំណុំរឿងជនសង្ស័យទាំង ៣ នាក់ ចេញពីសំណុំរឿងគ្រឿងញៀននេះ។
តុលាការសម្រេចផ្ដន្ទាទោសកំបាំងមុខតែឈ្មោះ សេក មិត្ត ហៅ កាយ ម៉េង ម្នាក់គត់ ដាក់ពន្ធនាគារកំណត់ ២៥ ឆ្នាំ ករណី រក្សាទុក ដឹកជញ្ជូន និងជួញដូរគ្រឿងញៀនជិត ២ គីឡូក្រាម ដោយខុសច្បាប់នោះ៕
អត្ថបទ ៖ មករា
ថ្នាលបណ្ដុះកូនឈើថ្នាក់តំបន់ទី ១ ស្រោចស្រពដោយថាមពលពន្លឺព្រះអាទិត្យ បានបើកការដ្ឋានសាងសង់
និយ័តករពីររួមគ្នាចាត់វិធានការលើបណ្តាញសង្គមនានាដែលផ្សព្វផ្សាយលើគម្រោងវិនិយោគដែលគ្មានច្បាប់អនុញ្ញាត
ចោទប្រកាន់តារាចម្រៀង Lee Ha-neul ពីបទបរិហារកេរ្តិ៍ និងផ្សព្វផ្សាយព័ត៌មានមិនពិត
អ្នកជំនាញ៖សេដ្ឋកិច្ចមួយមិនអាចរីកចម្រើនអស់លទ្ធភាពបានទេបើវិស័យមូលបត្រមិនមានការរីកចម្រើន
ក្នុងពេលអវត្តមានព្រះមហាក្សត្រ និងប្រធានព្រឹទ្ធសភា តើឥស្សរជនណាត្រូវទទួលភារៈជាប្រមុខរដ្ឋស្ដីទីបន្ត?
វៀតណាម ជួបគ្រោះផ្ទួនៗ ព្យុះទីហ្វុងផង រញ្ជួយដីផង
រថយន្តដឹកអ្នកដំណើរ បុករះម៉ូតូ-រថយន្ត ចំនួន ៤ គ្រឿង ស្លាប់មនុស្ស ៣ នាក់
ត្រីសមុទ្ររាប់រយក្បាល ផ្អើលឡើងគោកនៅឆ្នេរសមុទ្រវៀតណាម ដោយសារព្យុះ យ៉ាកជី
បើករថយន្ដមិនប្រកាន់ស្ដាំបុកម៉ូតូមួយគ្រឿងបណ្តាលស្លាប់ម្នាក់រួចគេចខ្លួនបាត់
ស្រុកបន្ទាយស្រីមានចម្ការប្រណីតមួយ រង់ចាំស្វាគមន៍ទេសចរកម្ពុជាទៅទស្សនាកម្សាន្ត
-
ជីវិតកម្សាន្ដ៦ ថ្ងៃ agoខេត្តចំនួនបីរបស់ប្រទេសថៃ ដែលផ្តល់កន្លែងទេសចរណ៍គួរជាទីចាប់អារម្មណ៍សម្រាប់វិស្សមកាលនេះ
-
ព័ត៌មានអន្ដរជាតិ១ ថ្ងៃ agoវៀតណាម មានមនុស្សស្លាប់និងរបួសសរុប ៨២នាក់ ដោយឥទ្ធិពលព្យុះ យ៉ាកជី
-
ចរាចរណ៍៤ ថ្ងៃ agoចាប់វាយខ្នោះលោក ម៉ៃ សុគន្ធ បន្ទាប់ពីព្យាយាមបើករថយន្ដគេចពីសមត្ថកិច្ចរហូតបង្កគ្រោះថ្នាក់ចរាចរណ៍
-
សន្តិសុខសង្គម២ ថ្ងៃ agoអ្នកលក់អនឡាញ Madam da ត្រូវមហាជនរិះគន់យ៉ាងខ្លាំង ក្រោយជិះម៉ូតូមិនពាក់មួក ប្រសេចប្រសាចពេញទីក្រុង
-
ព័ត៌មានអន្ដរជាតិ៤ ម៉ោង agoវៀតណាម ជួបគ្រោះផ្ទួនៗ ព្យុះទីហ្វុងផង រញ្ជួយដីផង
-
សេចក្ដីជូនដំណឹង៦ ថ្ងៃ agoព្រះសង្ឃគង់នៅវត្ត ជោតិវ័ន ហៅវត្តត្រពាំងក្របៅ ត្រូវរង្វាន់ ១២៥លានរៀលពីខារ៉ាបាវ
-
ចរាចរណ៍៣ ម៉ោង agoរថយន្តដឹកអ្នកដំណើរ បុករះម៉ូតូ-រថយន្ត ចំនួន ៤ គ្រឿង ស្លាប់មនុស្ស ៣ នាក់
-
ព័ត៌មានអន្ដរជាតិ៥ ថ្ងៃ agoរុស្ស៊ី វាយប្រហារយ៉ាងសាហាវលើអ៊ុយក្រែន, ស្លាប់និងរបួសមនុស្សជាង ៣០០នាក់