កីឡា
៤ចំណុចឆ្ពោះទៅរកជ័យជម្នះរៀងៗរវាង Brandon Vera និង Arjan Bhullar
គូឯកនៃព្រឹត្តិការណ៍ ONE: DANGALគឺជាជំនួបដណ្ដើមខ្សែក្រវាត់ ONE Heavyweight World Title រវាងម្ចាស់ខ្សែក្រវាត់ Brandon “The Truth” Vera និង Arjan “Singh” Bhullar នាថ្ងៃសៅរ៍ទី ១៥ ខែ ឧសភា នេះ។ Bhullar ក៏ចង់ក្លាយជាកីឡាករឥណ្ឌាទី១ដែលឈ្នះខ្សែក្រវាត់នៅសង្វៀនលំដាប់ពិភពលោក ខណៈ Vera ចង់គ្រងខ្សែក្រវាត់ទម្ងន់ធ្ងន់នេះឲ្យយូរថែមទៀត។ សូមតាមដានចំណុចខ្លាំង ៤ យ៉ាងដែលអ្នកទាំងពីរអាចនឹងមានទំនុកចិត្ត និងទទួលជ័យជម្នះរៀងខ្លួន។
Bhullar ខ្លាំងខាងប្រដាល់សកលអ្នកលេងគុនចម្រុះឥណ្ឌាដាក់ផែនការស្ពាយខ្សែក្រវាត់ចេញពីសិង្ហបុរី។ គេនឹងបង្ហាញសមត្ថភាពដែលស័ក្តិសមជាជើងឯកពិភពលោក និងប្រើជំនាញប្រដាល់សកលរបស់ខ្លួនដើម្បីយកឈ្នះ Vera។
កណ្ដាប់ដៃរបស់ Bhullar ពិតជាគ្រោះថ្នាក់ ដែលនាំឲ្យរូបគេជឿជាក់ថានឹងប្រើក្បាច់វ៉ៃឈរពីចម្ងាយប្តូរជាមួយម្ចាស់ខ្សែក្រវាត់។ បន្ថែមលើជំនាញវ៉ៃឈរដ៏មានប្រសិទ្ធភាព កីឡាករឥណ្ឌារូបនេះនឹងប្រើជំនាញចំបាប់របស់ខ្លួនដែលធ្លាប់ប្រើក្នុងការប្រកួតលំដាប់ពិភពលោកកន្លងមក។
Vera មានស្នៀតវាយបកល្អម្ចាស់ខ្សែក្រវាត់ Vera ក៏គ្រោងប្រើជំនាញប្រដាល់សេរីរបស់ខ្លួនឲ្យបានល្អផងដែរ។ ដោយផ្អែកលើជ័យជម្នះ៤លើកចុងក្រោយរនៅសង្វៀន ONE កីឡាករកូនកាត់ហ្វីលីពីន-អាមេរិក មានប្រៀបខ្លាំងលើដៃគូ និងផ្តួលឲ្យសន្លប់ក្នុងទឹកទី១ទាំងអស់តាមរយៈកណ្ដាប់ដៃ។
អ្នកលេងទម្ងន់ធ្ងន់ Mauro “The Hammer” Cerilli, Igor Subora, និង Paul Cheng សុទ្ធតែដើរចូលយ៉ាងអង់អាច ប៉ុន្តែត្រូវរងកណ្តាប់ដៃឆ្វេងពិឃាដដេកក្នុងទឹកទី១ដូចគ្នា របស់ Vera។ ក្រៅពីការប្រើកណ្តាប់ដៃដ៏អស្ចារ្យ ម្ចាស់ខ្សែក្រវាត់រូបនេះក៏មានស្នៀតទាត់ក្រោម និងដងខ្លួនខ្លាំងៗផងដែរ។ ការវាយបកនេះ គឺនឹងធ្វើឲ្យ Bhullar ពិបាកទប់មិនខាន។
Bhullar មានល្បឿនថេរការប៉ះទង្គិចគ្នានៅទឹកទី១របស់ Vera ច្បាស់ជាវាយសន្ធាប់លើកីឡាករឥណ្ឌាជាក់ជាមិនខានឡើយ ប៉ុន្តែមានរឿងគួរឲ្យចាប់អារម្មណ៍នឹងកើតមានឡើង ប្រសិនបើ Bhullar អាចទប់ទល់បាន និងធ្វើឲ្យម្ចាស់ខ្សែក្រវាត់លំបាកខ្លាំង។
រយៈពេល១០ឆ្នាំមកហើយ ដែល Vera មិនដែលបញ្ចប់ទៅដោយលទ្ធផលឈ្នះ ឬ ចាញ់ពិន្ទុឡើយ ខណៈកីឡាករឥណ្ឌាបានបង្ហាញពីជំនាញឥតខ្ចោះសម្រាប់ការវ៉ៃពីចម្ងាយដោយមានចលនាបម្លាស់ទីយ៉ាងល្អក្នុងរយៈពេលប៉ុន្មានឆ្នាំចុងក្រោយ។ ជារួម Bhullar ទទួលបានជ័យជម្នះដោយពិន្ទុដល់ទៅ៧ដង។
ការប្រកួតលើកដំបូងនៅ ONE ជាមួយ Cerilli ជើងខ្លាំងឥណ្ឌាកាន់តែវ៉ៃកាន់តែមានកម្លាំងស៊ុហ្វពោលគឺវ៉ៃមិនចេះថមថយកម្លាំងឡើយ។ ទាំងកម្លាំងស៊ុហ្វ ចលនាបម្លាស់ទី និងចេញស្នៀតនៅតែរក្សាភាពថេររបស់ខ្លួនតាំងពីដើមរហូតដល់ចប់ទឹក។ បើ Vera ហ៊ានបន្តដល់ ៥ ទឹកច្បាស់ជាចប់របស់ Bhullar មិនខានឡើយ។
Vera ខ្លាំងខាងទាត់ក្រោមជារឿយៗម្ចាស់ខ្សែក្រវាត់ត្រូវបានគេមើលឃើញថា ផ្តួលដៃគូតាមរយៈកណ្តាប់ដៃឆ្វេង ប៉ុន្តែកីឡាកររូបនេះទាត់ក្រោមក៏គ្រោះថ្នាក់ដែរ។
Vera មានទម្ងន់ជើងទាត់ធ្ងន់ណាស់ ជាពិសេសរាល់ពេលដែលដៃគូព្យាយាមដាក់សម្ពាធ និងចូលវ៉ៃផ្នែកខាងលើពេលមិនសូវខ្វល់នឹងល្វែងក្រោមឡើយ។ ចន្លោះនេះហើយជាឱកាសដែលម្ចាស់ខ្សែក្រវាត់អាចយកជើងឆ្វេងទាត់លើភ្លៅរបស់ដៃគូឲ្យដួល និងប្រកួតលែងកើត៕
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម៤ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល