ស្តាប់​កីឡាករ​វ៉ូ​វី​ណា​ម​ឆ្នើម​ត្រកូល​ម៉េ​ត ២នាក់បងប្អូន​ ប្តេជ្ញាចិត្ត​ដណ្តើម​មេដាយ​ជូន​ជាតិ​ – Kampuchea Thmey Daily
Connect with us
Helistar Cambodia - Helicopter Charter Services

កីឡា

ស្តាប់​កីឡាករ​វ៉ូ​វី​ណា​ម​ឆ្នើម​ត្រកូល​ម៉េ​ត ២នាក់បងប្អូន​ ប្តេជ្ញាចិត្ត​ដណ្តើម​មេដាយ​ជូន​ជាតិ​

Published

on

​​កីឡាករ​វ៉ូ​វី​ណា​ម​ឆ្នើម​កម្ពុជា ​២​នាក់បងប្អូនបង្កើត​ត្រកូល​ម៉េ​ត ប្តេជ្ញាចិត្ត​ដណ្តើម​មេ ដាយ​កម្រិត​ណាមួយ​ជូន​ប្រទេសជាតិ​នៅ ក្នុង​ព្រឹត្តិការណ៍​ការប្រកួត​កីឡា SEA GAMES 2021 លើក​ទី​៣១ នៅ​ប្រទេស​វៀតណាម និង​ព្រឹត្តិការណ៍​ការប្រកួត​កីឡា SEA GAMES 2023 លើក​ទី​៣២ ដែល​ប្រទេស​កម្ពុជា​ធ្វើ​ម្ចាស់ផ្ទះ។

កីឡាករ​វ៉ូ​វី​ណា​ម​ឆ្នើម ម៉េ​ត សារី ម្ចាស់​មេ ដាយ​មាស​កម្រិត​ពិភពលោក បាន​រៀបរាប់​ប្រាប់​ឲ្យ​ដឹង​ថា ការប្រកួត​កីឡា​SEA GA MES លើក​ទី​៣០​នៅ​ហ្វីលីពីន រូប​ខ្ញុំ​មិន បាន​ចូលរួម​ទេ ប៉ុន្តែ​SEA GAMES 2021 លើក​ទី​៣១ នៅ​ប្រទេស​វៀតណាម​ខ្ញុំ​ប្តេជ្ញា​នឹង​ប្រឹងប្រែង​យ៉ាង​មុតមាំ​ ក្នុង​ការ​ដណ្តើម​មេដាយ​កម្រិត​ណាមួយ​ជូន​ប្រ​ទេស​ជាតិ​របស់ខ្ញុំ​ជានិច្ច ទោះបី​បញ្ហា​មេរោគ COVID-19 ធ្វើ​ឲ្យ​ពួក​យើង​មិន​អាច​ធ្វើការ​ហ្វឹកហាត់​ជុំគ្នា​ក៏ដោយ ក៏​ពួក​យើង​ធ្វើការ​ហ្វឹកហាត់​តាម​ផ្ទះ​រៀងៗ​ខ្លួន ដើម្បី​ពង្រឹង​សមត្ថភាព​និង​បច្ចេកទេស​តាម​កម្មវិធី​របស់​គ្រូ​យ៉ាង​ខ្ជាប់ខ្ជួន​។​

កីឡាករ​រូប​នេះ​បាន​បន្ត​ថា មុននឹង​ទទួល​បាន​គុណ​ផល​មកដល់​ថ្ងៃនេះ ខ្ញុំ​បាន​ចំណាយ​អស់​រយៈពេល​៥​ឆ្នាំ​ ដោយ​ចូលរួម​ហ្វឹកហាត់​កីឡា​វ៉ូ​វី​ណា​ម​ចាប់តាំងពី​ឆ្នាំ ២០ ១៦​មកដល់​ពេលបច្ចុប្បន្ន​នេះ ហើយ​បាន​ក្លាយ​ជា​កីឡាករ​ជម្រើស​ជាតិ​វ៉ូ​វី​ណា​ម​ក្នុង​ឆ្នាំ​២០១៧​។ ចូលរួម​ការប្រកួត​កីឡា​វ៉ូ​វី​ណា​ម​កម្រិត​អន្តរជាតិ​ជាច្រើន​រួមមាន​ការ ប្រកួត​កីឡា​វ៉ូ​វី​ណា​ម​ជើងឯក​អាស៊ីអាគ្នេយ៍​លើក​ទី ៤​នៅ​កម្ពុជា និង​ទី​៥ នៅ​ប្រទេស​មី​យ៉ាន់​ម៉ា​ទទួលបាន​មេដាយមាស​១ គ្រឿង មេដាយប្រាក់​១​គ្រឿង សំរិទ្ធ​២ គ្រឿង ការប្រកួត​កីឡា​វ៉ូ​វី​ណា​ម​ជើងឯក​អាស៊ី​លើក​ទី​៥​នៅ​ឥណ្ឌូណេស៊ី​ទទួល​បាន​មេដាយមាស​២ គ្រឿង មេ ដាយ​ប្រាក់​២ គ្រឿង សំរិទ្ធ ២​គ្រឿង​។​ការ ប្រកួត​កីឡា​វ៉ូ​វី​ណា​ម​ជើងឯក​និស្សិត​លើក​ទី​១៩ នៅ​ប្រទេស​មី​យ៉ាន់​ម៉ា​ទទួលបាន​មេ ដាយ​ប្រាក់​២ គ្រឿង​និង​ព្រឹត្តិការណ៍​ការ​ប្រកួត​កីឡា​វ៉ូ​វី​ណា​ម​ជើងឯក​ពិភពលោក លើក​ទី​៦ “The 6th WVVF World Vovin am Championships 2019” ដែល​កម្ពុជា​ធ្វើជា​ម្ចាស់ផ្ទះ ទទួលបាន​មេដាយ មាស ២ គ្រឿង មេដាយប្រាក់​២​គ្រឿង។

ចំណែក​កីឡាករ​វ៉ូ​វី​ណា​ម​ឆ្នើម ម៉េ​ត សុភ​ក្ត្រា​ វិញ​ក៏បាន​ប្រាប់​ឲ្យ​ដឹង​ដែរ​ថា ចំពោះ​ការប្រកួត​កីឡា SEA GAMES ទាំង​២ លើក​ខាងលើ ខ្ញុំ​សូម​ប្តេជ្ញាចិត្ត​ទាំង​កាយ​និង​កម្លាំងចិត្ត នឹង​ខិតខំ​ប្រឹងប្រែង​ហ្វឹក ហាត់ ដើម្បី​ដណ្តើម​មេដាយ​កម្រិត​ណាមួយ​ជូន​ជាតិ​។ ទោះបី​ឥឡូវនេះ យើង​កំពុង​ជួប​បញ្ហា​ប្រឈម​នោះ គឺ​មេរោគ​COVID-19 ធ្វើ​ឲ្យ​ពួក​យើង​មិនបាន​ហ្វឹកហាត់​ជុំ​គ្នា​ក៏ដោយ ក៏​កីឡាករ​-​កីឡាការិនី​យើង​ធ្វើការ​ហ្វឹកហាត់​តាម​ផ្ទះ​ជា​លក្ខណៈ​អន​ឡាញ​ ដោយមាន​ការ​បង្ហាត់ និង​ណែនាំ​ពី​សំណាក់​លោកគ្រូ​បរទេស និង​គ្រូខ្មែរ​បន្ថែម។

កីឡាករ​វ៉ូ​វី​ណា​ម​ឆ្នើម​រូបនេះ​បន្តថា សម្រា​ប់​រូបខ្ញុំ​ផ្ទាល់​សង្ឃឹមថា ឆ្នាំក្រោយ​ពួកយើង​អាច​ប្រមូលផ្តុំ​ហ្វឹកហាត់​ជុំគ្នា​ឡើងវិញ​ ឲ្យ​មាន​សមត្ថភាព​ផ្នែក​បច្ចេកទេស​ធ្វើជា​ដើម​ទុន​ចូលរួម​ការប្រកួត​កីឡា​SEA GAM ES 2021 លើក​ទី​៣១ នៅ​ប្រទេស​វៀតណា​ម​ដូចជា​កីឡា SEA GAMES 2023 លើក​ទី​៣២ ដែល​ប្រទេស​កម្ពុជា​ធ្វើ​ម្ចាស់ផ្ទះ​។ កីឡាករ​ម៉េ​ត សុភ​ក្ត្រ ចូលរួម​ហ្វឹកហាត់​កីឡា​វ៉ូ​វី​ណា​ម​ចាប់តាំងពី​ឆ្នាំ​២០១៤​មក​ដល់​ពេល​បច្ចុប្បន្ន​មាន​រយៈពេល​៦​ឆ្នាំ​ហើយ​ បាន​ក្លាយ​ជា​កីឡាករ​ជម្រើស​ជាតិ​វ៉ូ​វី​ណា​ម​ក្នុង​ឆ្នាំ​២០១៨ ។​

នៅក្នុង​ការប្រកួត​កីឡា​វ៉ូ​វី​ណា​ម​ជើងឯក​អាស៊ី​អាគ្នេ​យ៍​លើក​ទី​៤​នៅ​កម្ពុជា និង​ទី​៥ នៅ​ប្រទេស​មី​យ៉ាន់​ម៉ា​ទទួល​បាន​មេដាយ មាស​២​គ្រឿង និង​សំរិទ្ធ​១​គ្រឿង ការប្រកួត​កីឡា​វ៉ូ​វី​ណា​ម​ជើងឯក​អាស៊ី​លើក​ទី​៥​នៅ​ឥណ្ឌូណេស៊ី​ទទួល​បាន​មេដាយមាស​៣​គ្រឿង សំរិទ្ធ​១​គ្រឿង និង​ព្រឹត្តិការណ៍​ការប្រកួត​កីឡា​វ៉ូ​វី​ណា​ម​ជើងឯក​ពិភពលោក លើក​ទី​៦ “The 6th WVVF World Vovinam Championships 2019” ដែល​កម្ពុជា​ធ្វើជា​ម្ចាស់ផ្ទះ​ទទួល​បាន​មេដាយមាស ១ គ្រឿង មេដាយ​ប្រាក់​៣​គ្រឿង និង​មេដាយ​ប្រាក់​៥​គ្រឿង​៕

អត្ថបទ៖ ​វិ​សិទ្ធ​

សូមចុចអាន៖ ការប្រកួត​ប៉េតង់​ ពានរង្វាន់​មិត្តភាព​កម្ពុជា ​លើក​ទី​៤​និង​ពាន​មហាជន ​នៅ​ខេត្ត​តាកែវ

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services