កីឡា

៥គូការប្រកួតជើងឯកស្វាយរៀងខាប់U18សប្តាហ៍ទី២លើទីលានតែមួយ

បានផុស

២ years មុន

នៅ

ថ្ងៃសុក្រ ២៥ សីហា ២០២៣

ដោយ

ការប្រកួតបាល់ទាត់ជើងឯកស្វាយរៀងខាប់អាយុក្រោម១៨ឆ្នាំ លើកទី១ ឆ្នាំ២០២៣ ឈានចូលសប្តាហ៍ទី២ នាចុងសប្តាហ៍នេះហើយដោយមានការប្រកួតចំនួន៥គូនៅលើទីលានវិទ្យាល័យ ហ៊ុន សែន ស្វាយរំពារ។

ក្រុមយុវជនតាពៅត្រូវប្រកួតជាមួយក្រុមយុវជន M.S.T. FC វគ្គសន្សំពិន្ទុក្នុងពូល ឃ វេលាម៉ោង២រសៀល ថ្ងៃសៅរ៍ ទី២៦ ខែសីហា ឆ្នាំ២០២៣។ នេះជាការប្រកួតលើកទី១សម្រាប់ក្រុមទាំងពីរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមយុវជនសាមគ្គី ត្រូវប្រកួតជាមួយ សសយក ស្វាយតាយាន ក្នុងពូល ក វេលាម៉ោង៤រសៀល ថ្ងៃសៅរ៍ ទី២៦ ខែសីហា។ កាលពីសប្តាហ៍ទី១ ក្រុមស្វាយតាយានស្មើ ១-១ ជាមួយក្រុម Rainbow FC ខណៈក្រុមយុវជនសាមគ្គីបានយកឈ្នះក្រុម ត្រកូនទែក ដោយលទ្ធផល ២-០។

ការប្រកួតនៅថ្ងៃអាទិត្យ ទី២៧ ខែសីហា ឆ្នាំ២០២៣ ក្រុមយុវជនគគីសោម ត្រូវប្រកួតជាមួយ យុវជនចុងព្រែក នៅក្នុងពូល ង វេលាម៉ោង៨ព្រឹក។ នេះជាការប្រកួតលើកទី១សម្រាប់ក្រុមទាំងពីរ។

ចំណែកនៅពូល ខ ក្រុមយុវជនព្រះខ័នរាជស្វាយរៀង U18 ត្រូវប្រកួតជាមួយ ក្រុមយុវជន United Sez វេលាម៉ោង២រសៀល។ កាលសប្តាហ៍ទី១ ក្រុមយុវជនព្រះខ័នរាជស្វាយរៀង U18 បានត្រឹមស្មើ ០-០ ជាមួយក្រុម ពូប្រុស ឡីងគួយ ខណៈក្រុម United Sez បានលត់ក្រុម យុវជនឆន្ទៈកីឡា ដោយលទ្ធផល ៥-០។

គូចុងក្រោយនៅថ្ងៃអាទិត្យនេះ ជាការប៉ះគ្នានៅក្នុងពូល ង ដោយក្រុម សាលាចំរើនសូនីតា ត្រូវប្រកួតជាមួយ យុវជនរមាសហែល វេលាម៉ោង៤រសៀល។ គូនេះកាលពីសប្តាហ៍ទី១មិនបានប្រកួតទេ។