កីឡា

បាល់បោះរទេះនារីកម្ពុជាជាក្រុមលេខ១ក្នុងពូលប៉ះឡាវយប់នេះ

បានផុស

២ years មុន

នៅ

ថ្ងៃព្រហស្បតិ៍ ១១ មករា ២០២៤

ដោយ

ក្រុមបាល់បោះរទេះនារីកម្ពុជានឹងប្រកួតជាមួយក្រុមបាល់បោះនារីឡាវវគ្គខ្វែងវេលាម៉ោង៧:៤០នាទីយប់នេះសម្រាប់វិញ្ញាសា៣ទល់៣ក្នុងព្រឹត្តិការណ៍ប្រកួតជើងឯកអាស៊ី-អូសេអានី IWBF AOZ Championship និងជម្រុះព្រឹត្តិការណ៍កីឡាប៉ារ៉ាឡាំពិក ឆ្នាំ២០២៤ នៅប្រទេសថៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមនារីកម្ពុជាធ្វើបានល្អឥតខ្ចោះសម្រាប់ការប្រកួតវគ្គសន្សំពិន្ទុក្នុងពូល ដោយឆ្លងកាត់៣ប្រកួតទទួលបានជ័យជម្នះទាំងអស់គឺលើកទី១ ឈ្នះក្រុមនារីអូស្ត្រាលី ១៣-៣, លើកទី២ ឈ្នះក្រុមនារីឥណ្ឌា ១៤-០ និងលើកទី៣ឈ្នះក្រុមនារីម្ចាស់ផ្ទះថៃ ៩-២។

ដូច្នេះក្រុមនារីកម្ពុជាបានឈរលេខ១ក្នុងពូល B ប្រកួតនៅវគ្គបន្តប៉ះក្រុមបាតតារាងក្នុងពូល A គឺឡាវ។ ចំណែកក្រុមលេខ១ក្នុងពូល A គឺក្រុមនារីចិន ត្រូវប្រកួតជាមួយក្រុមបាតតារាងពូល B គឺក្រុមនារីឥណ្ឌា។

ក្រុមលេខ២ក្នុងពូល B គឺ អូស្ត្រាលី ប៉ះក្រុមលេខ៣ក្នុងពូល A គឺហ្វីលីពីន ហើយក្រុមលេខ២ក្នុងពូល A គឺ ថៃ ប៉ះក្រុមលេខ៣ក្នុងពូល B គឺថៃ ដូចគ្នា ពីព្រោះការប្រកួតវិញ្ញាសា៣ទល់៣នេះ ប្រទេសម្ចាស់ផ្ទះថៃបានដាក់២ក្រុមចូលរួម។

ការប្រកួតនេះ ក្រុមឈ្នះបន្តប៉ះក្រុមឈ្នះដើម្បីឡើងទៅវគ្គបន្តរហូតដល់វគ្គផ្តាច់ព្រ័ត្រ ខណៈក្រុមចាញ់ត្រូវប្រកួតជាមួយក្រុមចាញ់ដើម្បីស្វែងរកចំណាត់ថ្នាក់។

ក្រុមដែលបានឈ្នះជើងឯកអាស៊ី-អូសេអានី IWBF AOZ Champions នឹងទទួលបានកៅអីទៅចូលរួមប្រកួតព្រឹត្តិការណ៍កីឡាប៉ារ៉ាឡាំពិក ឆ្នាំ២០២៤ (Paris 2024 Paralympics Games) នៅទីក្រុងបារីស ប្រទេសបារាំង។ សម្រាប់ក្រុមចំណាត់ថ្នាក់លេខ២ និងលេខ៣ នឹងទទួលបានកៅអីចូលរួមប្រកួតជើងឯក 2024 IWBF Women’s Repechage នៅទីក្រុង Osaka ប្រទេសជប៉ុន។

កម្មវិធីប្រកួតវគ្គបន្តយប់នេះ

ចិន vs ឥណ្ឌា (ម៉ោងប្រហែល ៦:៤០នាទីយប់)
អូស្ត្រាលី vs ហ្វីលីពីន (ម៉ោងប្រហែល ៧:០០នាទីយប់)
ថៃ B vs ថៃ A (ម៉ោងប្រហែល ៧:២០នាទីយប់)
កម្ពុជា vs ឡាវ (ម៉ោងប្រហែល ៧:៤០នាទីយប់)

លទ្ធផលវគ្គសន្សំពិន្ទុក្នុងពូល B របស់ក្រុមនារីកម្ពុជា

កម្ពុជា ឈ្នះ អូស្ត្រាលី ដោយពិន្ទុ ១០-៣
កម្ពុជា ឈ្នះ ឥណ្ឌា ដោយពិន្ទុ ១៤-០
កម្ពុជា ឈ្នះ ថៃ ដោយពិន្ទុ ៩-២

អត្ថបទ៖ វីរបុត្រ

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា