បច្ចេកវិទ្យា
ទិញទំនិញអនឡាញបង់ប្រាក់មុន ប្រយ័ត្នអស់លុយមិនដឹងខ្លួន
ការបោកបញ្ឆោតតាមរយៈប្រព័ន្ធបច្ចេកវិទ្យាមានការកើនឡើងខ្លាំងចាប់តាំងពីឆ្នាំកន្លងទៅ ដោយសារតែការរីករាលដាលនៃជំងឺកូវីដ-១៩ ដែលជំរុញឱ្យប្រជាពលរដ្ឋជុំវិញពិភពលោកងាកមកប្រើប្រព័ន្ធបច្ចេកវិទ្យាដើម្បីប្រកបការងារ និងដើម្បីទិញសម្ភារៈ ឬម្ហូបអាហារជាដើម។
ជាឧទាហរណ៍ កាលពីពេលថ្មីៗនេះក្រុម FBI របស់សហរដ្ឋអាមេរិកបានបង្ហាញពីការកើនឡើងយ៉ាងខ្លាំង នៃបទល្មើសបច្ចេកវិទ្យាក្នុងរយៈពេល ១៤ ខែចុងក្រោយ ដែលមានចំនួនរហូតដល់ទៅមួយលានករណី។ របាយការណ៍នេះបានបង្ហាញថា ការបោកបញ្ឆោតភាគច្រើនពាក់ព័ន្ធនឹងករណី លួងលោមស្នេហាដើម្បីសុំប្រាក់ ឬក៏ប្រើប្រាស់រូបភាពអាសអាភាសដើម្បីគំរាមឱ្យបង់ប្រាក់។ ពេលខ្លះទៀតក្រុមជនខិលខូចបានបោកបញ្ឆោតជនរងគ្រោះឱ្យចូលប្រាក់ដើម្បីធ្វើជំនួញ ឬទិញភាគហ៊ុនដែលមិនមានប្រភពច្បាស់ ខណៈពួកគេមិនបានផ្ញើទំនិញឱ្យជនរងគ្រោះនោះទេ។
ទាក់ទងនឹងការបោកបញ្ឆោតខាងលើនេះ នាយកដ្ឋានប្រឆាំងបទល្មើសបច្ចេកវិទ្យាក៏សង្កេតឃើញមានការបោកបញ្ឆោតក្រោមរូបភាពលក់សម្ភារៈ ប៉ុន្តែមិនផ្ញើទំនិញជូនអតិថិជន បន្ទាប់ពីទទួលបានប្រាក់ ជាច្រើនមកហើយនៅក្នុងប្រទេសកម្ពុជា។
ដូច្នេះដើម្បីចៀសវាងការខាតបង់ប្រាក់កាស នាយកដ្ឋានសូមឱ្យប្រជាពលរដ្ឋចៀសវាងការបង់ប្រាក់ជាមុននៅពេលដែលទិញទំនិញតាមរយៈអនឡាញ ប្រសិនជាអាចធ្វើបាន។ ម្យ៉ាងវិញទៀតប្រសិនបើអ្នកទទួលបានសារដែលសុំឱ្យជួយថវិកា ឬខ្ចីប្រាក់ក្រោមរូបភាពណាមួយនោះ សូមទូរសព្ទបញ្ជាក់ជាមួយសាមីខ្លួនផ្ទាល់ មុននឹងធ្វើការផ្ញើលុយដើម្បីចៀសវាងការបោកបញ្ឆោតពីជនខិលខូច៕
ប្រភព៖ នាយកដ្ឋានប្រឆាំងបទល្មើសបច្ចេកវិទ្យា
ចុចអាន៖ ៧ ចំណុចបង្កើតលេខសម្ងាត់ពិបាកនឹងស្មាន ដើម្បីជួយការពារគណនីក្នុងប្រព័ន្ធឌីជីថល
ចុចអាន៖ ប្រយ័ត្នប្រយែង! កម្មវិធីទូសព្ទនៅលើ App Store មិនមានសុវត្ថិភាពទាំងអស់ទេ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៩ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង