បច្ចេកវិទ្យា

កុំឲ្យស្មាតហ្វូនឆាប់ឡើងកម្ដៅនិងខូចថ្ម គួរអនុវត្ត ៣ គន្លឹះនេះ

បានផុស

៣ years មុន

នៅ

ថ្ងៃសុក្រ ៦ វិច្ឆិកា ២០២០

ដោយ

ទូរសព្ទស្មាតហ្វូន ជាទូរសព្ទកំពុងពេញនិយមនាសម័យបច្ចុប្បន្ន សម្រាប់មនុស្សគ្រប់ស្រទាប់និងមាននៅគ្រប់ទីកន្លែង។ ទោះបីស្មាតហ្វូនថ្មីៗបានបំពាក់នូវបច្ចេកវិទ្យាទំនើបយ៉ាងណាក្ដី ក៏វានឹងចេះខូចដែរ ប្រសិនបើយើងប្រើប្រាស់មិនត្រូវតាមក្បួនខ្នាតទេនោះ។

ប៉ុន្តែបើអនុវត្តគន្លឹះទាំងនេះបាន ស្មាតហ្វូននឹងមិនងាយឡើងកម្ដៅឬឆាប់ខូចថ្មឡើយ!

បិទមុខងារ Multiple Task

នៅពេលដែលយើងបើក ឬប្រើប្រាស់កម្មវិធីណាមួយនៅលើទូរសព្ទដៃ វានឹងបង្ហាញនៅលើអេក្រង់ទាំងអស់។ នេះជាមូលហេតុដែលមុខងារនោះស៊ីថាមពលថ្ម និងធ្វើឲ្យដំណើរការក្នុងការប្រើប្រាស់កម្មវិធីផ្សេងទៀតយឺតផងដែរ ប្រសិនយើងមិនបានអូសវាចេញទេ។ ដូច្នេះ បើបានបើកមុខកម្មវិធីច្រើនទុកចោល យើងត្រូវបិទមុខងារទាំងនោះចេញ គឺត្រូវបើកមួយប្រើមួយ ទើបជាការល្អ។

បិទមុខងារមួយចំនួននៅលើទូរសព្ទដៃ

ក្នុងចំណោមមុខងារទាំងអស់នៅលើទូរសព្ទដៃរួមមាន មុខងារប៊្លូធូ (Bluetooth) ការចែកចាយអ៊ីនធឺណិតទៅកាន់ទូរសព្ទផ្សេងទៀត (Hotspot) ការបើកប្រព័ន្ធ Wi-Fi និងការបើកអ៊ីនធឺណិត (Mobile Data -3G ឬ 4G) បើយើងឈប់ប្រើមុខងារណាទេ ត្រូវបិទវាទាំងអស់។ ការបើកមុខងារទូសព្ទប៉ុន្មានខាងលើទុកចោលនោះនឹងធ្វើឲ្យថ្មទូរសព្ទឆាប់ខូច ឡើងកម្ដៅ និងស៊ីថាមពលថ្ម ហើយក៏នាំឲ្យខាតលុយក្នុងការប្រើប្រាស់អ៊ីនធឺណិតថែមទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បិទទូរសព្ទរយៈពេល ១ ទៅ ៣ នាទី

គ្រប់ឧបករណ៍ទាំងអស់ពិតជាត្រូវការពេលសម្រាកដោយមិនអាចដំណើរការបាន២៤ ម៉ោងក្នុងមួយថ្ងៃ និង ៧ ថ្ងៃក្នុងមួយសប្ដាហ៍បាននោះឡើយ។ ការដំណើរការទូរសព្ទមិនឈប់ មិនត្រឹមតែធ្វើឲ្យឡើងកម្ដៅខ្លាំងនៅពេលដែលកំពុងតែប្រើប្រាស់នោះទេ នោះក៏អាចធ្វើឲ្យថ្មឡើងប៉ោង ឬអាចផ្ទុះថ្មក៏មាន។ ដូច្នេះដើម្បីការពារនូវបញ្ហាទាំងអស់នោះយើងគួរតែបិទទូរសព្ទពី ១ ទៅ ៣ នាទីរៀងរាល់ថ្ងៃ រួចចាំបើកដំណើរការវិញដើម្បីឲ្យគ្រឿងម៉ាស៊ីនខាងក្នុងបានសម្រាកនិងបន្ថយកម្ដៅផងដែរ៕

ប្រែសម្រួល៖ សន្យា

ប្រភព៖ Brightside

ចុចអាន៖ប្រវត្តិនៃការបង្កើតបណ្ដាញ instagram ដំបូង

ចុចអាន៖ធ្វើដូចម្ដេចដណ្ដើមបាន follower លើបណ្ដាញសង្គម IG និងFecebook

Related Topics:បច្ចេកវិទ្យា