ព័ត៌មានអន្ដរជាតិ

គុយបាកំពុងចួបប្រទះវិបត្តិ៥ បន្ទាប់ពីអាមេរិកលែងឱ្យនាំចូលប្រេង

បានផុស

៣ ខែ មុន

នៅ

ថ្ងៃពុធ ២៥ មីនា ២០២៦

ដោយ

បណ្តាញអគ្គិសនីរបស់ប្រទេសគុយបា បានដាច់ទាំងស្រុងនៅថ្ងៃសៅរ៍ ធ្វើឱ្យប្រទេសនេះគ្មានអគ្គិសនីប្រើប្រាស់ជាលើកទីបីនៅក្នុងខែមីនា ខណៈរដ្ឋាភិបាលកុម្មុយនីស្តគុយបាកំពុងតស៊ូជាមួយហេដ្ឋារចនាសម្ព័ន្ធដ៏ទ្រុឌទ្រោម និងរងការបិទផ្លូវប្រេងដោយសហរដ្ឋអាមេរិក។

យោងតាម CBC ផ្សាយថ្ងៃទី២១ខែមីនា ប្រធានអគ្គិសនីគុយបាគ្រប់គ្រងដោយរដ្ឋ បានរាយការណ៍ពីការដាច់ចរន្តអគ្គិសនីទាំងស្រុងនៅទូទាំងកោះនេះ ដោយមិនបានផ្តល់មូលហេតុនៃការដាច់ចរន្តអគ្គិសនីនោះទេ។

អាជ្ញាធរលើកឡើងថា ពួកគេកំពុងធ្វើការដើម្បីស្តារថាមពលឡើងវិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការដាច់ចរន្តអគ្គិសនីក្នុងប្រទេសនេះកាន់តែធ្ងន់ធ្ងរឡើង ដោយការដាច់ប្រចាំថ្ងៃរហូតដល់ ១២ម៉ោងក្នុងមួយថ្ងៃ បណ្តាលមកពីកង្វះខាតប្រេងឥន្ធនៈ ដែលធ្វើឱ្យប្រព័ន្ធថាមពលមិនស្ថិតស្ថេរ។

ការដាច់ចរន្តអគ្គិសនីទូទាំងប្រទេសលើកចុងក្រោយបានកើតឡើងនៅថ្ងៃចន្ទ ទី២៣ ខែមីនា និងគឺលើកទីពីរក្នុងសប្តាហ៍មុន និងទីបីក្នុងខែមីនា។

ខាងក្រោមជាផលវិបាកចំនួន៥ ដែលប្រទេសគុយបាកំពុងចួបប្រទះនាពេលបច្ចុប្បន្នរួមមាន៖

ទី១ ការដាច់ចរន្តអគ្គិសនីទូទាំងប្រទេស៖ ប្រទេសគុយបារងការដាច់ចរន្តអគ្គិសនីលើកទីបីទូទាំងប្រទេសរបស់ខ្លួននៅក្នុងខែមីនា ឆ្នាំ២០២៦ ដោយបណ្តាញអគ្គិសនីទាំងមូលបានដួលរលំ។ ការដាច់ចរន្តអគ្គិសនីទាំងនេះកើតឡើងជាញឹកញាប់ដោយសារតែហេដ្ឋារចនាសម្ព័ន្ធចាស់ទ្រុឌទ្រោម និងកង្វះខាតប្រេងឥន្ធនៈ។

ទី២ ការខ្វះខាតប្រេងឥន្ធនៈ៖ ការហាមឃាត់ប្រេងរបស់សហរដ្ឋអាមេរិកបានកាត់ផ្តាច់ការដឹកជញ្ជូនប្រេងពីបរទេសអស់រយៈពេលបីខែ។ ប្រទេសគុយបាផលិតប្រេងឥន្ធនៈបានត្រឹមតែប្រហែល ៤០% នៃប្រេងឥន្ធនៈដែលមាន ធ្វើឱ្យប្រទេសនេះមិនអាចទ្រទ្រង់តម្រូវការថាមពលរបស់ខ្លួនបាន។

ទី៣ ផលប៉ះពាល់លើជីវិតប្រចាំថ្ងៃ និងមន្ទីរពេទ្យ៖ ការដាច់ចរន្តអគ្គិសនីមានរយៈពេលរហូតដល់ ១២ ម៉ោងក្នុងមួយថ្ងៃ ដែលរំខានដល់ការចម្អិនអាហារ ទូរទឹកកក និងការងារ។ មន្ទីរពេទ្យកំពុងស្ថិតនៅក្រោមសម្ពាធធ្ងន់ធ្ងរ ដែលកំពុងតស៊ូដើម្បីដំណើរការដោយគ្មានអគ្គិសនី និងប្រេងឥន្ធនៈដែលអាចទុកចិត្តបាន។

ទី៤ ក្តីបារម្ភផ្នែកមនុស្សធម៌៖ អង្គការសហប្រជាជាតិបានព្រមានពីវិបត្តិមនុស្សធម៌មួយ ខណៈកង្វះខាតអគ្គិសនី ទឹក និងប្រេងឥន្ធនៈធ្វើឱ្យស្ថានភាពរស់នៅក្នុងប្រទេសនេះកាន់តែអាក្រក់ទៅៗ។

ទី៥ បរិបទនយោបាយ៖ រដ្ឋាភិបាលគុយបាស្តីបន្ទោសពីការបិទថាមពលរបស់សហរដ្ឋអាមេរិក ខណៈរដ្ឋបាល លោក ដូណាល់ ត្រាំ ទាមទារឱ្យមានកំណែទម្រង់នយោបាយ និងដោះលែងអ្នកទោសនយោបាយជាថ្នូរនឹងការលើកលែងទណ្ឌកម្ម៕

ប្រែសម្រួល៖ ណឺ មិនា

Related Topics:ប្រទេសគុយបា សហរដ្ឋអាមេរិក វិបត្តិប្រេង

ព័ត៌មានអន្ដរជាតិ២ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា