ទីបំផុត! VJ សុភា ត្រូវដោះលែងឱ្យនៅក្រៅឃុំហើយ ក្រោយម្ចាស់កាមេរ៉ាដកពាក្យបណ្តឹង

ទីបំផុតអតីតផលិតករ និងជាពិធីករល្បីរបស់ស្ថានីយទូរទស្សន៍ MyTV លោក VJ សុភា ត្រូវបានដោះលែងឱ្យមានសេរីភាពឡើងវិញហើយ (នៅក្រៅឃុំ)ក្រោយបន្លំចូលលួចកាមេរ៉ាតម្លៃប្រមាណ ២ម៉ឺនដុល្លារពីក្រុមហ៊ុនអ្នកនាង អុឹម សុគន្ធា ។

ជាការពិតកាលពីថ្មីៗនេះ មហាជនអ្នកគាំទ្រមានការភ្ញាក់ផ្អើលក្រោយអ្នកនាង អុឹម សុគន្ធា ទម្លាយវីដេអូអតីតផលិតករនិងជាពិធីករល្បីរបស់ទូរទស្សន៍ MyTV គឺលោក VJ សុភា បានចូលលួចកាមេរ៉ានៅក្នុងក្រុ មហ៊ុនរបស់ខ្លួន។ប៉ុន្តែទោះយ៉ាងណាដោយក្តីអាណិតអាសូរចំពោះអ្នកម្តាយVJ សុភា អ្នកនាង អុឹម សុគន្ធា បានដកពាក្យបណ្តឹងមិនទារសំណងទេ។

ជាក់ស្តែង តាមការជូនដំណឹងឱ្យដឹងពីសំណាក់លោក អុឹម ជីវ៉ា នៅថ្ងៃទី៣០ខែមីនាឆ្នាំ២០២៦នេះបានបញ្ជា ក់ថាពេលនេះលោក VJ សុភា បានចេញពីកន្លែងឃុំខ្លួនវិញហើយ ខណ:អ្នកនាង អុឹម សុគន្ធា យល់ព្រមឱ្យមានការដោះលែង VJ សុភា នៅក្រៅឃុំ បន្ទាប់ពីបន្លំចូលលួចកាមេរ៉ាដែលមានតម្លៃប្រមាណ ២ម៉ឺនដុល្លារពីក្រុមហ៊ុន អុឹម សុគន្ធា ។

បន្ទាប់ពីមានការដោះលែងភ្លាមៗនោះ VJ សុភា បានចេញមកសំពះសុំទោសនិងថ្វាយបង្គំអ្នកម្តាយ-ឪពុកព្រមទាំងអ្នកនាង អុឹម សុគន្ធា ដោយសន្យាថា ចាប់ពីពេលនេះ នឹងបញ្ឈប់កំហុសឆ្លងហើយសាងខ្លួនជាមនុស្សនៅក្នុងសង្គមថ្មីឡើងវិញ។ ទន្ទឹមគ្នានេះអ្នក នាង អុឹម សុគន្ធា ក៏បានយល់ព្រមលើកលែងទោសកំហុស VJ សុភា ហើយថែមទាំងជូនថវិកាមួយចំនួនដល់ម្តាយឪពុកវីជេ សុភា ទៀតផង។

គួររម្លឹកថាអ្នកនាង អុឹម សុគន្ធា កាលពីប៉ុន្មានថ្ងៃនេះបានទម្លាយពីសកម្មភាពរបស់ VJ សុភា លួចកាមេរ៉ា ដោយអ្នកនាង អុឹម សុគន្ធា បានបញ្ជាក់ថាកាមេរ៉ាដែ លត្រូវបានលួចយកទៅនោះគឺមានតម្លៃប្រមាណជិត ២ម៉ឺនដុល្លារ ខណ:សកម្មភាពនោះក៏ត្រូវបានបង្ហោះឡើងកាលពីថ្ងៃទី ២១ ខែមីនា ឆ្នាំ២០២៦ កន្លងទៅ៕ ដោយ: ចាន់រ៉ា