ព័ត៌មានអន្ដរជាតិ
ស្រ្តីអាហ្វហ្គានីស្ថាន ប្រឈមគ្រោះថ្នាក់បំផុត ក្រោមការគ្រប់គ្រងរបស់ក្រុមតាលីបង់
ស្ត្រីអាហ្វហ្គានីស្ថានត្រូវបានគេបារម្ភថា ជាមនុស្សដែលមានហានិភ័យបំផុត ក្រោមការដឹកនាំរបស់រដ្ឋាភិបាលតាលីបង់ថ្មី។
នៅពេលក្រុមឥស្លាមនិយមនេះ ឡើងកាន់អំណាចក្នុងឆ្នាំ១៩៩៦ បន្ទាប់ពីសង្គ្រាមស៊ីវិលដ៏រន្ធត់ ពួកគេបានដាក់ចេញនូវលទ្ធិផ្តាច់ការ ហើយបានធ្វើទារុណកម្មស្ត្រីនិងក្មេងស្រីយ៉ាងឃោរឃៅ។
ពលរដ្ឋអាហ្វហ្គានីស្ថានដែលរត់គេចពីក្រុមសកម្មប្រយុទ្ធនេះ បានប្រាប់រឿងរ៉ាវអំពីរបៀបដែលមេដឹកនាំតាលីបង់ ទាមទារឲ្យពួកគេប្រគល់ស្ត្រីនិងក្មេងស្រី យកមកធ្វើជាប្រពន្ធរបស់ពួកគេហើយ ចាប់រំលោភ។
កាសែត Wall Street Journal ក៏បានរាយការណ៍ផងដែរថា ជនស៊ីវិលនិងទាហានដែលត្រូវចាប់បាន គឺត្រូវបានសម្លាប់ដោយអង្គការភេរវកម្មឥស្លាមនេះ។
មានសេចក្តីរាយការណ៍ថា ហាងនានាមានបិទសេចក្តីជូនដំណឹង ដោយព្រមានពួកគេមិនឲ្យចូលបើមិនដូច្នោះទេ ពួកគេត្រូវប្រឈមមុខនឹងផលវិបាក។ ក្រុមយុទ្ធជនតាលីបង់ក៏ត្រូវបានគេរាយការណ៍ផងដែរថា បានបាញ់សម្លាប់ស្ត្រីម្នាក់ដែលពាក់អាវរឹប ហើយនៅតំបន់ខ្លះស្ត្រីមិនអាចចេញពីផ្ទះបានទេបើគ្មានបុរសជាប្ដីទៅជាមួយ។
របាយការណ៍ផ្សេងទៀតនិយាយថា ស្ត្រីត្រូវបានបង្ខំឲ្យពាក់ក្រណាត់បិទមុខនិង Burqas ខណៈ Al-Jazeera បានរាយការណ៍កាលពីថ្ងៃចន្ទថា ក្រុមជ្រុលនិយមនេះ បានប្រាប់និយោជិកស្រីនៅធនាគារមួយចំនួន មិនឲ្យវិលត្រឡប់ទៅធ្វើការងារវិញ។
កាលពីដើមសប្តាហ៍នេះ ម្ចាស់ហាងកែសម្ផស្សម្នាក់ត្រូវបានគេថតជាប់ កំពុងលាបថ្នាំពណ៌លើរូបភាពរបស់តារាម៉ូដែលស្រីនៅខាងក្រៅហាងរបស់គាត់ ហើយវីដេអូរបស់ក្មេងស្រីម្នាក់យំដោយសារការបាត់បង់អនាគតរបស់នាង ត្រូវបានគេចុចមើលជាង ១.៦លានដង។
របាយការណ៍ទាំងនេះ បានបង្កឲ្យមានការភ័យខ្លាចអំពីអំពើឃោរឃៅលើស្ត្រីអាហ្វហ្គានីស្ថានក្រោមការគ្រប់គ្រងរបស់ក្រុមតាលីបង់ ដោយអគ្គលេខាធិការអង្គការសហប្រជាជាតិលោក Antonio Guterres បាននិយាយថា លោកមានការព្រួយបារម្ភចំពោះការរំលោភសិទ្ធិមនុស្សលើស្ត្រីនិងក្មេងស្រីអាហ្វហ្គានីស្ថានដូចកាលទសវត្សរ៍ឆ្នាំ១៩៩០។
នៅក្រោមច្បាប់ Sharia ដ៏តឹងរ៉ឹង ស្ត្រីនិងក្មេងស្រីភាគច្រើនត្រូវបានបដិសេធការសិក្សាឬការងារ។ Burqas ដែលជាឈុតបិតបាំងមុខនិងរាងកាយ បានក្លាយជាកាតព្វកិច្ចជាសាធារណៈ, ស្ត្រីមិនអាចចេញពីផ្ទះដោយគ្មានដៃគូបុរសទេ ហើយការវាយដំនិងការប្រហារជីវិតជាសាធារណៈរួមទាំងការគប់ដុំថ្មផងដែរសម្រាប់អំពើផិតក្បត់ ត្រូវបានធ្វើឡើងនៅទីលានទីក្រុងនិងពហុកីឡដ្ឋាន៕
ប្រែសម្រួល៖ Vann Vann
ប្រភព៖ Daily Mail
-
សេចក្ដីជូនដំណឹង៤ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ២ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៤ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៥ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សេដ្ឋកិច្ច១ សប្តាហ៍ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
សន្តិសុខសង្គម៣ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ១ សប្តាហ៍ agoពូទីន ចំណាយជាង ២៦ពាន់លានដុល្លារ ស្វែងរកវិធីពន្យារជីវិត
-
ព័ត៌មានអន្ដរជាតិ១ សប្តាហ៍ agoលោក ត្រាំ ទ្រាំលែងបាន ជះសម្តីធ្ងន់ៗ ដាក់លោក ណេតាន់យ៉ាហ៊ូ ដែលបំផ្លាញផ្លូវទៅរកសន្តិភាព