រូបភាព និងវីដេអូ អំពីផលប៉ះពាល់ ក្រោយការរញ្ជួយដីដ៏ខ្លាំងក្លានៅ អាហ្វហ្គានីស្ថាន

ការរញ្ជួយដីដ៏ខ្លាំងក្លា បានវាយប្រហារភាគខាងកើតប្រទេសអាហ្វហ្គានីស្ថាន ដោយសម្លាប់មនុស្សជាង ១០០០នាក់ បើគិតត្រឹមថ្ងៃព្រហស្បតិ៍ទី ២៣ខែមិថុនា។

ការរញ្ជួយដីកម្រិត ៦.១រ៉ិចទ័រ ដែលជាការរញ្ជួយដីសម្លាប់មនុស្សច្រើនបំផុតរបស់ប្រទេសនេះ ក្នុងរយៈពេលពីរទសវត្សរ៍ចុងក្រោយ បានបំផ្លាញផ្ទះយ៉ាងតិច ២០០០ខ្នង និងកម្ទេចភូមិរាប់រយភូមិ។

មនុស្សប្រហែល ១៥០០ នាក់ បានរងរបួសនៅក្នុងការរញ្ជួយដី ដែលវាយប្រហារខេត្ត Paktika កាលពីយប់ថ្ងៃអង្គារទី២១ខែមិថុនា។

វីដេអូពីខេត្ត Paktika នៅជិតព្រំដែនប៉ាគីស្ថាន បានបង្ហាញជនរងគ្រោះត្រូវបានគេសែងចូល ឧទ្ធម្ភាគចក្រ ដើម្បីដឹកចេញពីតំបន់នោះ។

ស្របពេលជាមួយគ្នានោះដែរ រូបភាពដែលចែកចាយយ៉ាងទូលំទូលាយតាមអ៊ីនធឺណិតពីខេត្តនេះ បានបង្ហាញផ្ទះថ្ម ត្រូវខ្ទេចខ្ទី ខណៈប្រជាពលរដ្ឋស្វែងរករបស់នានា តាមគំនរបាក់បែក។

តោះទៅទស្សនារូបភាពនិងវីដេអូ អំពីផលប៉ះពាល់ ក្រោយការរញ្ជួយដីនេះទាំងអស់គ្នា!

ប្រែសម្រួល៖ Vann Vann

ប្រភព៖ Daily Mail

ចុចអាន៖ តាលីបង់ អំពាវនាវសុំជំនួយពីអន្តរជាតិ ខណៈអ្នកស្លាប់ក្នុងគ្រោះរញ្ជួយដី កើនលើស ១០០០នាក់