ព័ត៌មានជាតិ

កម្លាំងអាវុធហត្ថរាជធានី និងក្រុមយុវតី “អប្សរា២៥ដួង” សរសេរប្រវត្តិរូបជូនជនពិការភ្នែក ជិត២០០នាក់

បានផុស

៦ years មុន

នៅ

ថ្ងៃព្រហស្បតិ៍ ៣ ធ្នូ ២០២០

ដោយ

លោកឧត្តមសេនីយ៍ឯក រ័ត្ន ស្រ៊ាង បានចាត់កម្លាំងអាវុធហត្ថរាជធានីភ្នំពេញ រួមជាមួយយុវតី “អប្សរា២៥ដួង” ដែលជាក្រុមរបាំជ័យលាភីឆ្នើមកិត្តិយសថ្នាក់ខ្ពស់ពីសម្តេចអគ្គមហាសេនាបតីតេជោ ហ៊ុន សែន អបអរទិវាវប្បធម៌ជាតិ៣មីនាឆ្នាំ២០២០ សរុបក្រុមការងារមានចំនួន២៤នាក់ ក្នុងការចុះជួយបំពេញបែបបទ និង ប្រវត្តិរូប ជូនជនមានពិការភាពភ្នែក និងកាយសម្បទា ចំនួនជិត២០០នាក់ នៅមជ្ឈមណ្ឌលប្រវត្តិសាស្ត្រវត្តភ្នំ ដើម្បីឲ្យពួកគាត់ទទួលបានសិទ្ធបោះឆ្នោតនាពេលខាងមុខ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សកម្មភាពទាំងនោះរួមមាន ការសម្រួលការចល័តទីរបស់ជនពិការដោយការដឹកដៃនាំផ្លូវ ការសាកសួរព័ត៌មាន ការចម្លងអត្តសញ្ញាណប័ណ្ណ ការជួយបិទរូបថត ការជួយសរសេរប្រវត្តិរូប ការជួយផ្តិតមេដៃ និង ការជួយបាញ់អាល់កុលលាងសម្អាតដៃជូនដល់ពួកគាត់ ដើម្បីបង្ការការរីករាលដាលនៃការចម្លងមេរោគកូវីដ-១៩ ស្របតាមការណែនាំរបស់ក្រសួងសុខាភិបាល។

គួរបញ្ជាក់ផងដែរថា សកម្មភាពនេះប្រព្រឹត្តឡើង ដើម្បីជួយដល់ជនមានពិការភាព នៅសមាគមតន្ត្រីសំនៀងជនពិការ ដែលមាន លោក ចាប តូ (ជនមានពិការភាពភ្នែក) ជាប្រធាន និង លោកជំទាវ ញ៉ែម មរកត អនុរដ្ឋលេខាធិការក្រសួងកិច្ចការនារី និងជាសមាជិកក្រុមប្រឹក្សាសកម្មភាពជនពិការ ជាប្រធានកិត្តិយស ក្រោមការយកចិត្តទុកដាក់ពីឯកឧត្តម ឃួង ស្រេង អភិបាលនៃគណអភិបាលរាជធានីភ្នំពេញ ផងដែរ៕

អត្ថបទ៖ វិមាន

Related Topics:កងរាជអាវុធហត្ថរាជធានីភ្នំពេញ

ព័ត៌មានអន្ដរជាតិ២ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា