ព័ត៌មានជាតិ

ប្រធានផ្សារនៅភ្នំពេញ អះអាងថា អាជីវករសឹងតែ ១០០% បានចាក់វ៉ាក់សាំងដូសទី ៣-៤ និងប្រមាណ ៥០% បានចាក់ដូសទី ៥

បានផុស

៤ years មុន

នៅ

ថ្ងៃសុក្រ ២៩ កក្កដា ២០២២

ដោយ

ប្រធានផ្សារមួយចំនួននៅក្នុងរាជធានីភ្នំពេញ បានអះអាងស្រដៀងគ្នាថា ចំពោះអាជីវករលក់ដូរអីវ៉ាន់នៅក្នុងផ្សារ សឹងតែ ១០០% ហើយបានទទួលការចាក់វ៉ាក់សាំងដូស ៣ និងទី ៤ និងមានអាជីវករប្រមាណ ៥០% ដែលបានចាក់ដូសទី ៥ ដើម្បីចូលរួមបង្ការ និងទប់ស្តាត់ជំងឺកូវីដ-១៩ ទៅតាមការណែនាំរបស់សម្តេចតេជោហ៊ុន សែន នាយករដ្ឋមន្ត្រី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រធានគណៈកម្មការផ្សារទួលទំពូង លោក ចំរើន សុខលីម បានមានប្រសាសន៍បញ្ជាក់ឲ្យដឹងនៅព្រឹកថ្ងៃទី ២៩ ខែកក្កដានេះថា គិតមកដល់ពេលនេះ សម្រាប់បងប្អូន អាជីវករផ្សារទួលទំពូង ដែលមានចំនួន ១៣៧៤ តូប (តូបខ្លះ មានម្នាក់ ២ នាក់ និងខ្លះមាន ៣ នាក់អាស្រ័យទៅលើតូបធំ តូច) បានចាក់វ៉ាក់សាំងការពារជំងឺកូវីដ-១៩ ដូសទី ៣ និងដូសទី ៤ បាន ១០០ ភាគរយហើយ ចំណែកដូសទី ៥ បានចាក់ជាង ៤០ភាគរយ។ ប៉ុន្តែលោកប្រធានផ្សារ នៅតែធ្វើការអំពាវនាវឲ្យអាជីវករ បន្តទៅចាក់ឲ្យបានគ្រប់ៗគ្នា និងបន្តអនុវត្តវិធានការពាររបស់សម្តេចតេចជោ ៣ កុំ ៣ ការពារ។

លោក ចំរើន សុខលីម បានបន្តថា សម្រាប់អតិថិជនចេញ ចូលទិញអីវ៉ាន់នៅក្នុងផ្សារ គណៈកម្មការផ្សារ បានរៀបចំឲ្យមានការអនុវត្តវិធានការរបស់ក្រសួងសុខាភិបាល ក៏ដូចជាការណែនាំរបស់អាជ្ញាធររាជធានីភ្នំពេញ ដោយបាញ់អាល់កុល វាស់កម្ដៅ នឹងការណែនាំឲ្យមានការពាក់ម៉ាសជាដើម។ ប៉ុន្តែទោះបីជាយ៉ាងណាក្តី បងប្អូនប្រជាពលរដ្ឋ ដែលចេញចូលផ្សារហាក់មានការយល់ដឹងច្រើនជុំវិញវិធានការការពារខ្លួន ដើម្បីទប់ស្កាត់ជំងឺកូវីដ-១៩នេះ។

ដោយឡែក បើតាមលោក គួច ចំណាន ប្រធានផ្សារច្បារអំពៅ បានឲ្យដឹងថា ចំពោះផ្សារច្បារអំពៅ គណៈកម្មការផ្សារតែងតែបានប្រកាសតាមមីក្រូ ដល់អាជីវករ ក៏ដូចអតិថិជន ចេញចូលផ្សារ បន្តរក្សាគម្លាត អនាម័យខ្ពស់ ដោយជំរុញដល់អាជីវករ បន្តចាក់វ៉ាក់សាំង ការពារកូវីដ១៩ ដូសជំរុញដូសទី ៤ ពិសេសដូសទី ៥ ឲ្យបានគ្រប់ៗគ្នា។ ដើម្បីយើងមានសុខភាពល្អ មានពេលវេលារកទទួលទានបាន។ ចំពោះអាជីវករផ្សារច្បារអំពៅ និងផ្សារបន្លែ គឺអ្នកចាក់លើកទី ៤ បានប្រហែល ៨៥% ទៅ ៩០% និងអ្នកចាក់លើកទី ៥ ប្រហែល ៤៥% ទៅ ៥០%។

លោក សាន់ ប៊ុនណា ប្រធានផ្សារបន្លែច្បារអំពៅ បានឲ្យដឹងថា ចំពោះផ្សារបន្លែង គឺមានការលក់ដូរតែព្រឹកៗទេ ហើយគណៈកម្មការផ្សារ បានដាក់ប៉ុស្តិ៍ត្រួតពិនិត្យ ៣ គោលដៅ ដើម្បីត្រួតពិនិត្យ ដល់អតិថិជន៕

អត្ថបទ៖ ស្រីរ័ត្ន

Related Topics:អាជីករ

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា