ព័ត៌មានជាតិ
កំណាត់ផ្លូវចាក់បេតុងជុំវិញផ្សារបានលុងកំពុងនិងស្ថាបនា
រតនគិរី ៖ អាជ្ញាធរខេត្តបានរៀបចំសាងសង់ប្រព័ន្ធលូតាមដងផ្លូវជុំវិញផ្សារបានលុងដើម្បីរំដោះទឹក ខណៈឆ្នាំកន្លងមក ពេលចូលរដូវវស្សាម្តងៗ ភ្លៀងបានធ្លាក់ជោកជាំបង្កការលំបាកដល់ជីវភាពរស់នៅប្រចាំថ្ងៃដល់ប្រជាពលរដ្ឋ។ និងសាង់សង់ផ្លូវបេតុងសម្រួលដល់ការធ្វើដំណើរឲ្យបានមានភាពរលូន។
ស្របតាមដំណាក់កាលដែលប្រជាពលរដ្ឋចង់បានផងនោះ ការអភិវឌ្ឍន៍កសាង ប្រព័ន្ធលូរ ផ្លូវបេតុង គឺជាការរួមចំណែកធ្វើឲ្យវិស័យហេដ្ឋារចនាសម្ព័ន្ធក្នុងខេត្ត កាន់តែប្រសើរឡើង។ ផ្លូវគមនាគមន៍ជាសរសៃឈាមសេដ្ឋកិច្ចដ៏សំខាន់របស់ខេត្ត និងធ្វើឲ្យបងប្អូនប្រជាពលរដ្ឋងាយស្រួលក្នុងការទំនាក់ទំនងគ្នាលឿនរហ័ស ជាពិសេសប្រជាពលរដ្ឋនៅតាមបណ្តាខេត្តផ្សេងៗ ចូលមកលេងកម្សាន្តនៅតាមរមណីយដ្ឋាននានាក្នុងខេត្តរតនគិរី ដែលជាខេត្តមួយដាច់ស្រយាលពីរាជធានីភ្នំពេញ និងមានព្រំប្រទល់ជាប់និងប្រទេសវៀតណាមផងដែរ។
យោងតាមរបាយការណ៍ពីរដ្ឋបាលសាលាខេត្តបានឲ្យដឹងថា ក្នុងឆ្នាំ២០២២ នេះ រដ្ឋបាលខេត្តមានគម្រោងស្ថាបនាផ្លូវបេតុង និងរៀបចំប្រព័ន្ធដាក់លូ ព្រមទាំងរៀបចំការ៉ួឡាអមសងខាងផ្លូវជុំវិញផ្សារបានលុង ស្ថិតនៅក្នុងភូមិជ័យជំនះ សង្កាត់ឡាបានសៀក ក្រុងបានលុង ដែលមានចំនួន៤ខ្សែជុំវិញផ្សារ លើកំណាត់ផ្លូវលេខ៤១.៤៣.៦៦ (ពីខាងកើត ខាងត្បូង និងខាងលិចផ្សារបានលុង) ដែលមានប្រវែង៧៦០ម៉ែត្រ មានទទឹងផ្លូវ១៤ម៉ែត្រ និងផ្លូងលេខ២៧ ផ្លូវចូលពីខាងជើងផ្សារ មានប្រវែង៧០ម៉ែត្រ ដែលមានទទឹង២១ម៉ែត្រ សរុប១២.១១០ម៉ែត្រការ៉េ ដែលផ្លូវបេតុងទាំងនេះ មានកម្រាស ០.១៥ម៉ែត្រ។
របាយការណ៍បានបញ្ជាក់ទៀតថា ក្រៅពីការសាងសង់ផ្លូវបេតុង គឺមានរៀបចំដាក់លូមូលដែលមានមុខកាត់០.៨ម៉ែត្រ សរុបប្រវែង ១.៦០៥ម៉ែត្រ រួមជាមួយនឹងការរៀបចំការ៉ូឡា អមសងខាងផ្លូវលើផ្លូវទាំង៤ខ្សែនោះ សរុបប្រវែង ១.០៣០ម៉ែត្រការ៉េ អស់ថវិកាសរុបចំនួន ៦.៦៩០,០០លានរៀល។ ហើយការសាងសង់កំណាត់ផ្លូវចាក់បេតុងជុំវិញផ្សារនេះ ឯកឧត្តម អភិបាលខេត្តពន្លឿនឲ្យក្រុមបច្ចេកទេសសាងសង់ធ្វើយ៉ាងណាឲ្យហើយនៅមុនចូលឆ្នាំថ្មីនាពេលខាងមុខនេះ។
លោកស្រី ជិន សុវណ្ណ ដែលជាអាជីវករលក់ដូរគ្រឿងទេសនៅខាងកើតផ្សារបានលុងបានលើកឡើងថា ពួកគាត់ត្រេកអរនិងសប្បាយចិត្តបានផ្លូវចាក់បេតុងនាពេលឆាប់ៗនេះ ដោយសារភ្ញៀវចេញចូលស្រួលក្នុងការធ្វើដំណើរ ឬដឹកទំនិញចុះទៅតាមបណ្តាស្រុកឆ្ងាយៗ។
លោកស្រីបន្តថា គាត់បានអរគុណដល់ឯកឧត្តម ញ៉ែម សំអឿន អភិបាលខេត្តរតនគិរី ដែលឯកឧត្តមបានសម្រួលផ្លូវនៅជុំវិញផ្សារក្រុងបានលុង ដែលកន្លងមកពិបាកក្នុងការចេញចូលក្នុងផ្សារ ដោយសារមានជង្ហុកច្រើននិងមានភក់ផងនោះ៕
ដោយ ៖ វុទ្ធឦសាន
រដ្ឋមន្ត្រីឧស្សាកម្ម៖ សហគ្រាសធុនតូច-មធ្យម រួមចំណែក ៥៨% ផលិតផលក្នុងស្រុកសរុប
អ្នករត់តាក់ស៊ី៖ បច្ចុប្បន្ន របរដឹកអ្នកដំណើរមិនសូវកាក់កប ប៉ុន្ដែជំនួសដោយការផ្ញើអីវ៉ាន់
ធនាគារកណ្ដាលរុស្ស៊ីព្រួយបារម្ភពីហានិភ័យសេដ្ឋកិច្ច ជុំវិញការធ្លាក់ចុះតម្លៃប្រេង
របកគំហើញថ្មី! អ្នកវិទ្យាសាស្ត្រអាចបង្កាត់សត្វមួយប្រភេទដែលផុតពូជជាង ១ម៉ឺនឆ្នាំមុន
១សប្ដាហ៍ដំបូងនៃខែមេសា ក្រសួងបរិស្ថានរកឃើញភ្លើងឆេះព្រៃ២៧៤ករណី
លោក ជួន ណារិន្ទ៖ សមត្ថកិច្ចមិនអនុញ្ញាតឲ្យយកដងផ្លូវសាធារណៈជាទីលានលេងគប់ទឹក ឬប៉ាតម្សៅឡើយ
ទារលុយមិនបានហើយ ត្រូវកូនបំណុលប្តឹងពីបទគំរាមកំហែងហែកកេរ្តិ៍ទៀត! តើអ្វីទៅ ជាអំពើគំរាមកំហែងហែកកេរ្តិ៍?
ក្រឡាប់រថយន្តដឹកមាន់ សង្កត់រថយន្តអ្នកដំណើរ កៀបជាប់មនុស្ស ០៤ នាក់ នៅស្រុកមុខកំពូល
លោក ត្រាំ ឲ្យ EU ចាយលុយ៣៥០ពាន់លានដុល្លារទិញថាមពលពីអាមេរិក ដើម្បីបន្ធូរបន្ថយពន្ធ
ម៉ាក្រុង ទាមទារឲ្យប្រើធម៌ក្តៅលើរុស្ស៊ី បើពូទីន មិនព្រមឈប់បាញ់នៅអ៊ុយក្រែន
-
សន្តិសុខសង្គម២ ថ្ងៃ agoឥទ្ធិពលថ្នាំញៀន! កូនមេភូមិបែកថ្នាំចូលកាប់សម្លាប់ប្រពន្ធនាយកសាលានៅបាត់ដំបង
-
សន្តិសុខសង្គម១ ថ្ងៃ agoកុំចេះតែហ៊ាន! អ្នកចងការប្រាក់ម្នាក់ត្រូវកូនបំណុលប្ដឹងឲ្យជាប់ពន្ធនាគារ២ឆ្នាំ ក្រោយឆាតទារលុយតាមហ្វេសប៊ុក
-
សន្តិសុខសង្គម៣ ថ្ងៃ agoភរិយាមេព្រហ្មទណ្ឌកម្រិតធ្ងន់ខេត្តបាត់ដំបង និងបក្សពួកត្រូវចាប់ខ្លួន ករណីជួញដូរគ្រឿងញៀន
-
ព័ត៌មានជាតិ១ សប្តាហ៍ agoក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
-
ព័ត៌មានជាតិ១ ថ្ងៃ agoក្រសួងយុត្តិធម៌កំពុងសិក្សាលើករណីម្ចាស់បំណុលជាប់ពន្ធនាគារព្រោះទារលុយកូនបំណុលហើយ
-
ព័ត៌មានអន្ដរជាតិ៣ ថ្ងៃ agoបាតុភូតចម្លែក៖ ខេត្តថៃទាំង៧៧ កើតបាតុភូតព្រះអាទិត្យដើរចំពីលើក្បាល
-
ព័ត៌មានអន្ដរជាតិ១ សប្តាហ៍ agoនិស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
-
ព័ត៌មានជាតិ៥ ថ្ងៃ agoកម្ពុជា នឹងបន្តមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់ដល់ថ្ងៃទី៥មេសា