ព័ត៌មានជាតិ

គម្រោងដាក់លូប្រអប់ធំៗ នៅខណ្ឌសែនសុខ សម្រេចជាង ៧៥០ ម៉ែត្រ និងតៀមចាក់បេតុងឆ្អឹងដែកឡើងវិញ

បានផុស

១១ ខែ មុន

នៅ

ថ្ងៃសៅរ៍ ៣ សីហា ២០២៤

ដោយ

គម្រោងដាក់លូប្រអប់ធំៗ ទទឹង ២,៥ ម៉ែត្រ ១ ខ្សែ មានប្រវែងសរុបជាង ១ ៦០០ ម៉ែត្រ របស់សាលារាជធានីភ្នំពេញ មន្ទីរសាធារណការ និងដឹកជញ្ជូនរាជធានីភ្នំពេញ សម្រេចដាក់លូបានប្រមាណជាង ៧៥០ ម៉ែត្រ និងត្រៀមចាក់បេតុងឆ្អឹងដែកឡើងវិញ ស្ថិតក្នុងសង្កាត់អូរបែកក្អម ខណ្ឌសែនសុខ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មន្ទីរសាធារណការ និងដឹកជញ្ជូនរាជធានីភ្នំពេញ សាលាខណ្ឌសែនសុខ បានបញ្ជាក់ថា ការងារដាក់ប្រព័ន្ធលូប្រអប់ធំ ១ ខ្សែ នៅលើកំណាត់ផ្លូវ ឌួង ងៀប ២ ចាប់ពីកែងផ្លូវប្រឡាយបារាំង ដល់កែងផ្លូវលេខ ២០០៤ សម្រេចបានប្រមាណជាង ៧៥០ ម៉ែត្រ ក្នុងប្រវែងសរុប ១ ៦០០ ម៉ែត្រ និងត្រៀមចាក់បេតុងឆ្អឹងដែកឡើងវិញ បន្ទាប់ពីធ្វើការជីកដាក់ប្រព័ន្ធលូមានទំហំធំ ដើម្បីរំដោះការជន់លិចក្នុងភូមិសាស្ត្ររាជធានីភ្នំពេញ។

មន្ទីរសាធារណការ និងដឹកជញ្ជូនរាជធានីភ្នំពេញ និងសាលាខណ្ឌសែនសុខ បានសំណូមពរដល់ប្រជាពលរដ្ឋ ពេលការដ្ឋានអនុវត្តការងារ ទៅដល់ សូមចូលរួមទុកដាក់សម្ភារៈផ្សេងៗ ឲ្យបានត្រឹមត្រូវ។ បន្ថែមនេះ ចំពោះអ្នកធ្វើដំណើរនៅលើដងផ្លូវ ឌួង ងៀប ២ សូមមេត្តាថែរក្សាអនាម័យ ទុកដាក់សំរាមឲ្យមានរបៀប ជាពិសេសត្រូវគោរពច្បាប់ចរាចរណ៍ ដើម្បីពលរដ្ឋធ្វើដំណើរបានស្រួល និងសុវត្ថិភាពខ្ពស់៕

អត្ថបទ ៖ ម៉េង