ជីវិតកម្សាន្ដ
ស៊ីន យូប៊ីន ស៊ូកាន់ឈើច្រត់ដើរលើកម្រាលព្រំក្រហមមហោស្រពភាពយន្តពិភពលោក នៅបារាំង
កញ្ញា ស៊ីន យូប៊ីន ត្រូវបានគេដឹងថា នាងជាតារាស្រីដែលមានរូបសម្រស់ស្រស់ស្អាត និងមានសមត្ថភាពក្នុងការងារសម្ដែង ទាំងប្រភេទរឿងភាគ ,រឿងដុំ ,ថតបទចម្រៀង ,និងការផ្សាយពាណិជ្ជកម្មជាដើម។ មិនត្រឹមតែជាតារាមានឈ្មោះល្បី កញ្ញា ស៊ីន យូប៊ីន ក៏មានភាពជោគជ័យខ្លាំងលើការងារជំនួញផ្ទាល់ខ្លួនទាំងក្មេងវ័យ ស្ទើរតែមិនគួរឲ្យជឿ។
ចំពោះភាពជោគជ័យរបស់តារាស្រីកូនកាត់កញ្ញា ស៊ីន យូប៊ីន នេះ កើតចេញពីការតាំងចិត្តខ្ពស់ ការតស៊ូជម្នះរាល់ឧបសគ្គទាំងឡាយដែលទទួលបានការលើកទឹកចិត្ត និងគាំទ្រពីមហាជនទូទៅ។ រឿងដែលស្ងើចសរសើរទៀតនោះ បន្ទាប់ពីឃើញការចែករំលែកវីដេអូ និងរូបភាពបង្ហាញសកម្មភាពដែលនាងចូលរួមក្នុងកម្មវិធីដើរលើកម្រាលព្រំក្រហមក្នុងមហោស្រពភាពយន្តលើកទី ៧៦ នាប្រទេសបារាំង ដែលមានតារាល្បីៗ ជុំវិញពិភពលោកចូលរួមផងដែរ។
ក្នុងការបង្ហាញវត្តមាននៅលើកម្រាលព្រំក្រហមនោះ ស្រីស្អាត ស៊ីន យូប៊ីន ហាក់ខុសប្លែកពីតារាផ្សេងទៀត ដោយសារក្នុងដៃរបស់នាងមានកាន់ឈើច្រត់មកជាមួយ ព្រោះនាងទើបតែមានរបួសជើងកាលពីថ្មីៗ ដែលតម្រូវឲ្យនាងសម្រាកព្យាបាលមួយរយៈសិន ប៉ុន្តែដោយការស្រលាញ់ និងឆន្ទៈការងារខ្ពស់ ទើប យូប៊ីន បន្តការងារទាំងខ្លួននៅមានរបួស។
ស្របពេលជាមួយគ្នានេះក៏មានការបង្ហោះលើកទឹកចិត្តកញ្ញា ស៊ីន យូប៊ីន លាយឡំក្ដីរំភើបជាមួយការតាំងចិត្តរបស់នាងថា ពិតជាអស្ចារ្យពេកហើយ គ្រប់គ្នាពិតជាកោតសរសើរជាមួយការតស៊ូរបស់ ស៊ីន យូប៊ីន។ មានការលើកឡើងថា តារាល្បីៗទូទាំងពិភពលោកតែងតែចង់ដើរលើកម្រាលព្រំក្រហម ក្នុងកម្មវិធីមហោស្រពភាពយន្តពិភពលោក ទីក្រុងកាន ប្រទេសបារាំង។
កញ្ញា ស៊ីន យូប៊ីន គឺជាតារាស្រីខ្មែរដំបូងគេដែលបានដើរលើកម្រាលព្រំក្រហមមហោស្រពភាពយន្តពិភពលោកទីក្រុងកាន ប្រទេសបារាំង នាឆ្នាំ ២០២៣ នេះ។ គាត់មានការតាំងចិត្តខ្ពស់ តស៊ូជម្នះឧបសគ្គទាំងឡាយ ដើម្បីនាំមកនូវមោទនភាពសម្រាប់សិល្បៈភាពយន្តខ្មែរ៕
អត្ថបទ ៖ ចាន់រ៉ា
-
ព័ត៌មានអន្ដរជាតិ២ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
អត្ថាធិប្បាយ១ សប្តាហ៍ agoសេចក្ដីអធិប្បាយលើសុភាសិតខ្មែរ៖«អណ្តាតជាអាទិ៍កន្លង បានសុខទុក្ខផងពីព្រោះអណ្តាត»
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
សន្តិសុខសង្គម២ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម