អ៊ីរ៉ង់ អំពាវនាវឱ្យដាក់ទណ្ឌកម្មប្រេងប្រឆាំងអ៊ីស្រាអែល

អ៊ីរ៉ង់​ជំរុញ​ឱ្យ​ប្រទេសនានាដែលប្រកាន់សាសនាអ៊ីស្លាម​ដាក់​ទណ្ឌកម្មប្រេងប្រឆាំង​អ៊ីស្រាអែល ​បន្ទាប់​ពី​ការ​វាយ​ប្រហារ​នៅ​មន្ទីរពេទ្យ​នៅ​ហ្គាហ្សាកាលពីពេលថ្មីៗនេះ បណ្ដាលឱ្យមនុស្ស ៦០០នាក់ស្លាប់ និងរងរបួសជាង ១,០០០នាក់។

សមាជិកនៃអង្គការសហប្រតិបត្តិការឥស្លាម (OIC) គួរតែដាក់ទណ្ឌកម្មប្រេង និងទណ្ឌកម្មផ្សេងទៀតលើអ៊ីស្រាអែល ហើយបណ្តេញឯកអគ្គរដ្ឋទូតអ៊ីស្រាអែលទាំងអស់ចេញពីប្រទេស ជុំវិញការវាយប្រហារដ៏សាហាវទៅលើមន្ទីរពេទ្យ al-Ahli Arab នៅហ្គាហ្សា។ នេះបើយោងតាមរដ្ឋមន្ត្រីការបរទេសអ៊ីរ៉ង់ លោក Hossein Amirabdollahian ។

ការលើកឡើងរបស់លោក Amirabdollahian ធ្វើឡើងនៅក្នុងសេចក្តីថ្លែងការណ៍មួយកាលពីថ្ងៃពុធ ចំពេលមានកិច្ចប្រជុំបន្ទាន់ OIC នៅទីក្រុង Jeddah អារ៉ាប៊ីសាអូឌីត ដើម្បីពិភាក្សាអំពីការកើនឡើងនៃជម្លោះអ៊ីស្រាអែល និងប៉ាឡេស្ទីន។

ក្រសួងបាននិយាយថា “រដ្ឋមន្ត្រីការបរទេសអំពាវនាវឱ្យមានការដាក់ទណ្ឌកម្មជាបន្ទាន់ និងពេញលេញលើអ៊ីស្រាអែលដោយប្រទេសអ៊ីស្លាម រួមទាំងទណ្ឌកម្មប្រេង បន្ថែមពីលើការបណ្តេញឯកអគ្គរដ្ឋទូតអ៊ីស្រាអែល ប្រសិនបើទំនាក់ទំនងជាមួយរបប Zionist ត្រូវបានបង្កើតឡើង” ។

បន្ថែមបីលើនោះលោក Amirabdollahian ក៏បានអំពាវនាវឱ្យមានការបង្កើតក្រុមមេធាវីអ៊ីស្លាម ដើម្បីចងក្រងឯកសារឧក្រិដ្ឋកម្មសង្គ្រាមដើម្បីថ្កោលទោសអ៊ីស្រាអែលនៅតំបន់ហ្គាហ្សា៕

ប្រែសម្រួល៖ សន្យា

ប្រភព៖ Aljazeera

ចុចអាន៖ ជប៉ុនផ្ដល់ជំនួយ ១០លានដុល្លារ ជួយជនស៊ីវិលនៅតំបន់ហ្គាហ្សា