ព័ត៌មានជាតិ

គិតត្រឹមចុងឆ្នាំ ២០២៤ កម្ពុជាមានរោងចក្រឧស្សាហកម្មធំៗចំនួន ២ ៣៤៥ រោងចក្រ បើកដំណើរការទូទាំំងប្រទេស

បានផុស

២ years មុន

នៅ

ថ្ងៃអង្គារ ១៩ វិច្ឆិកា ២០២៤

ដោយ

គិតត្រឹមខែវិច្ឆិកា ឆ្នាំ ២០២៤ កម្ពុជាមានរោងចក្រឧស្សាហកម្មធំៗកំពុងបើកដំណើរការមានចំនួន ២ ៣៤៥ រោងចក្រ នៅ ២៥ ខេត្តក្រុង។ នេះបើតាមលោក ទឹង ស៊ីនី ថ្លែងក្នុងកម្មវិធិពិព័រណ៌ពាណិជ្ជកម្មអន្តរជាតិកម្ពុជានៅព្រឹកនេះ។

លោក ទឹង ស៊ីនី រដ្ឋលេខាធិការក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ បានបញ្ជាក់ថា រោងចក្រខ្នាតធំៗចំនួន ២ ៣៤៥ ដែលកំពុងបើកដំណើរការនៅកម្ពុជា ក្នុងនោះមានរោងចក្រផ្នែកវាយនភណ្ឌ សំលៀកបំពាក់ និងស្បែកជើងមានចំនួន ១ ២៩៧ រោងចក្រ ដែលប្រើប្រាស់កម្លាំងពលកម្មសរុបជាង ១លាន ១ សែននាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រៅពីរោងចក្រធំៗជាច្រើន លោក ទឹង ស៊ីនី បានឲ្យដឹងថា ក៏មានសហគ្រាសធុនតូចរាប់សិបម៉ឺនមូលដ្ឋានទៀត។ គិតត្រឹមខែវិច្ឆិកាឆ្នាំ ២០២៤ នៅទូទាំងប្រទេសមានសហគ្រាសខ្នាតតូច SME ចំនួន ៤៤ ៥៥០ មូលដ្ឋាន។ អ្វីដែលលោកកត់សម្គាល់នោះ ក្នុងចំណោមសហគ្រាសខ្នាតតូចជាង ៤ ម៉ឺនមូលដ្ឋាន មានសហគ្រាសចំនួន ៨ ២២១ ដឹកនាំដោយស្រ្តី។

រដ្ឋាភិបាលបានដាក់ចេញយុទ្ធសាស្ត្របញ្ចកោណដំណាក់កាលទី ១ មាន មនុស្ស ផ្លូវ ទឹក ភ្លើង និងបច្ចេកវិទ្យា ដើម្បីឆ្លើយតបបដិវត្តឧស្សាហកម្ម ៤.០។

គោលដៅចម្បងនៃយុទ្ធសាស្ត្របញ្ចកោណដំណាក់កាលទី ១ គឺធានាកំណើនសេដ្ឋកិច្ចដោយការកសាងពង្រឹងមូលដ្ឋានគ្រឹះ ជំរុញសន្ទុះការអភិវឌ្ឍន៍ប្រទេសជាតិតាមរយៈកសាងភាពធន់លើវិស័យទាំង ៥ មាន ភាពធន់វិស័យសាធារណ សេដ្ឋកិច្ច ហិរញ្ញវត្ថុ មូលធនមនុស្ស និងភាពធន់វិស័យបរិស្ថានឆ្លើយតបការប្រែប្រួលអាកាសធាតុ។

លោក ទឹង ស៊ីនី បានបញ្ជាក់ថា ជាធម្មតាកាលណាការអភិវឌ្ឍន៍សហគ្រាសនិងឧស្សាហកម្មកាន់តែខ្លាំង អាចកើតមានបញ្ហាប្រឈមដល់បរិស្ថាន។ ឧស្សាហកម្មកាន់តែកើន ផលប៉ះពាល់កាន់តែខ្លាំង ដូចជាកាកសំណល់ និងការបំពុលជាដើម។

លោកថា ក្រសួងឧស្សាហកម្ម វិទ្យាសាស្ត្របច្ចេកវិទ្យា និងនវានុវត្តន៍ បានដើរតួនាទីយ៉ាងសំខាន់ជំរុញការអភិវឌ្ឍវិស័យឧស្សាហកម្មឲ្យប្រសើរឡើង តាមរយៈការអនុវត្តឧស្សាហកម្មបៃតងដោយមានភាពទំនួលខុសត្រូវផ្នែកបរិស្ថាន។

ក្រសួងឧស្សាហកម្មបានអនុវត្តគម្រោងការផ្ទេរបច្ចេកវិទ្យាអំណោយផលដល់បរិស្ថាន (TEST) ដើម្បីជួយពង្រឹងគុណភាពផលិតផលរបស់សហគ្រាសឧស្សាហកម្ម បន្ថែមពីការសម្រួលកាត់បន្ថយថ្លៃដើមផលិតដូចជាការប្រើប្រាស់ទឹក អគ្គិសនី វត្ថុធាតុដើម រួមទាំងកាត់បន្ថយការប្រើប្រាស់សារធាតុពុលជាដើម។

ក្នុងនាមក្រសួងឧស្សាហកម្ម បច្ចេកវិទ្យា នឹងសហការរួមគ្នាជាមួយសហគ្រាសឧស្សាហកម្ម ក្នុងការពង្រឹងការផលិតឲ្យមានគុណភាពល្អ កាត់បន្ថយថ្លៃដើមផលិត ពង្រឹងផលិតផលឲ្យមានស្តង់ដា មានថ្លៃដើមផលិតទាបអាចនាំចេញប្រកួតប្រជែងនៅទីផ្សារខាងក្រៅ៕

ព័ត៌មានអន្ដរជាតិ២ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៤ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា