ចរាចរណ៍

ស្ត្រីម្នាក់ ជិះម៉ូតូតាមផ្លូវត្រូវរថយន្តបុកទាំងកំរោល រងរបួសធ្ងន់ នៅសង្កាត់ទួលសង្កែ ២

បានផុស

១១ ខែ មុន

នៅ

ថ្ងៃសុក្រ ១១ កក្កដា ២០២៥

ដោយ

ស្ត្រីម្នាក់ ជិះម៉ូតូតាមផ្លូវ ត្រូវរថយន្ត RANGE ROVER ១ គ្រឿង បុកទាំងកំរោល ប៉ើងដូចសំឡី បណ្តាលឲ្យរបួសធ្ងន់ ចំណែកម៉ូតូខូចខាតទាំងស្រុង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍នេះបានកើតឡើងកាលពីវេលាម៉ោង ១០ និង ២០ នាទីយប់ ថ្ងៃទី ១០ ខែកក្កដា ឆ្នាំ ២០២៥ ស្ថិតនៅលើកំណាត់ផ្លូវ ៥៩៨ (ផ្លូវជាសុផារ៉ា) សង្កាត់ទួលសង្កែ ២ ខណ្ឌឫស្សីកែវ រាជធានីភ្នំពេញ។

តាមប្រភពព័ត៌មានពីប្រជាពលរដ្ឋបានឲ្យដឹងថា មុនពេលកើតហេតុ គេឃើញស្ត្រីរងគ្រោះ ជិះម៉ូតូហុងដា BEAT ពណ៌សខៀវ ពាក់ស្លាកលេខ ភ្នំពេញ 1JE-6546 ធ្វើដំណើរលើផ្លូវ ៥៩៨ ទិសដៅពីត្បូងទៅជើង ខណៈបើកមកដល់ចំណុចកើតហេតុ ក៏ស្រាប់តែមានរថយន្ត RANGE ROVER ពណ៌ស ១ គ្រឿង ពាក់ស្លាកលេខ កម្ពុជា NITA.668 បើកបរយ៉ាងលឿនទៅបុកពីក្រោយជនរងគ្រោះពេញទំហឹង បណ្តាលឲ្យប៉ើងមនុស្សរងរបួសធ្ងន់ ចំណែកម៉ូតូខ្ទាតបុកដើមចំប៉ីបែកបាក់ខ្ទេចគ្មានសល់។

ប្រភពព័ត៌មានដដែលបន្តថា បន្ទាប់ពីបុករួច រថយន្តបានបើកទៅមុខប្រមាណជិត ១ គីឡូម៉ែត្រ ទើបពលរដ្ឋឃើញហេតុការណ៍នាំគ្នាដេញតាមឃាត់បាន។ ខ្លះទៀតបានទាក់ទងទៅសមត្ថកិច្ច និងរថយន្តសាម៉ុយ។ ភ្លាមៗ ស្ត្រីរងគ្រោះ ត្រូវយកទៅសង្គ្រោះនៅមន្ទីរពេទ្យព្រះកុសុមៈ ចំណែកអ្នកបើកបររថយន្តបង្កខាងលើ ត្រូវបានសមត្ថកិច្ចនាំយកទៅធ្វើការសាកសួរនាំនៅប៉ុស្តិ៍។

ក្រោយកើតហេតុសមត្ថកិច្ចជំនាញធ្វើការវាស់វែង យករថយន្ត និងម៉ូតូ ទៅរក្សាទុកនៅការិយាល័យចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ រង់ចាំដោះស្រាយតាមនីតិវិធីច្បាប់នៅពេលក្រោយ៕

អត្ថបទ ៖ រដ្ឋា

Related Topics:ខណ្ឌឫស្សីកែវ គ្រោះថ្នាក់ចរាចរណ៍

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា