កីឡា

កុំភ្លេច! ជម្រើសជាតិកម្ពុជា ២ ក្រុមប្រកួតនៅប្រទេសឥណ្ឌូណេស៊ី ល្ងាចថ្ងៃសៅរ៍នេះ

បានផុស

៩ នាទី មុន

នៅ

ថ្ងៃសៅរ៍ ៦ មិថុនា ២០២៦

ដោយ

ក្រុមបាល់ទាត់នារីជម្រើសជាតិកម្ពុជា និង ក្រុមយុវជកម្ពុជាអាយុ ១៩ ឆ្នាំ ត្រូវប្រកួតល្ងាចនេះហើយនៅប្រទេសឥណ្ឌូណេស៊ីទាំងពីរក្រុម។

នារីកម្ពុជា vs នារីសិង្ហបុរី

ក្រុមនារីកម្ពុជាត្រូវប្រកួតមិត្តភាពអន្តរជាតិជាមួយ ក្រុមនារីសិង្ហបុរី វេលាម៉ោង ៦ ល្ងាច ប្រហែលជា ៥ ល្ងាចនៅប្រទេសសិង្ហបុរី។ ក្រុមទាំងពីរធ្លាប់ជួបគ្នាតែម្តងគត់នៅក្នុងប្រវត្តិ គឺក្នុងព្រឹត្តិការណ៍កីឡាស៊ីហ្គេម ឆ្នាំ ២០២៣ ដែលពេលនោះ កម្ពុជា បានឈ្នះ សិង្ហបុរី ១-០។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមនារីសិង្ហបុរី ទើបតែបានឈ្នះម្ចាស់ផ្ទះ ឥណ្ឌូណេស៊ី ដោយលទ្ធផល ២-០ កាលពីថ្ងៃទី៣ ខែមិថុនា ហើយសម្រាប់ នារីកម្ពុជា នឹងប្រកួតជាមួយ ក្រុមនារីឥណ្ឌូណេស៊ី នៅថ្ងៃទី៩ ខែមិថុនា សម្រាប់ការប្រកួតមិត្តភាពអន្តរជាតិលើកទី២។

កម្ពុជា U19 vs ហ្វីលីពីន U19

ក្រុមបាល់ទាត់យុវជនកម្ពុជាអាយុ ១៩ ឆ្នាំ ត្រូវប្រកួតជាមួយ ក្រុមយុវជនហ្វីលីពីន វេលាម៉ោង ៨ យប់នេះ នៅប្រទេសឥណ្ឌូណេស៊ី សម្រាប់ការប្រកួតសន្សំពិន្ទុក្នុងពូលពានរង្វាន់ ASEAN U19 Boys Championship។

នេះជាការប្រកួតលើកទី២ ក៏ដូចជាការប្រកួតលើកចុងក្រោយរបស់ក្រុម U19 ហ្វីលីពីន បន្ទាប់ពីលើកទី១ ពួកគេបានចាញ់ U19 អូស្ត្រាលី យ៉ាងធ្ងន់គឺ ០-១០។ ចំណែកក្រុម U19 កម្ពុជា គឺជាការប្រកួតលើកទី១ វគ្គសន្សំពិន្ទុនៅក្នុងពូល C ដែលមានតែ ៣ ក្រុម។

ការប្រកួតចុងក្រោយ ក្រុម U19 កម្ពុជា ត្រូវជួប អូស្ត្រាលី នៅថ្ងៃទី៩ ខែមិថុនា ឆ្នាំ ២០២៦។ សូមបញ្ជាក់ថា ក្រុមលេខ ១ ក្នុងពូល A, B, C និងក្រុមលេខ ២ ល្អបំផុត១ក្រុម ឡើងទៅកាន់វគ្គ ពាក់កណ្តាលផ្តាច់ព្រ័ត្រ៕