វប្បធម៌ ជំនឿ
ឱកាសកម្រ ទស្សនាការប្រណាំងរទេះសាឡីគោលឿន ជិតមកដល់ហើយ
មន្ទីរវប្បធម៌ និងវិចិត្រសិល្បៈខេត្តកំពង់ស្ពឺ នៅថ្ងៃទី២៨ ខែមីនា ឆ្នាំ២០២៣ បានជូនដំណឹងថា ដោយបានការឯកភាពជាគោលការណ៍ពីរដ្ឋបាលខេត្តកំពង់ស្ពឺ មន្ទីរវប្បធម៌ និងវិចិត្រសិល្បៈខេត្តកំពង់ស្ពឺ បានសហការជាមួយ សហភាពសហព័ន្ធយុវជនកម្ពុជាខេត្តកំពង់ស្ពឺ រដ្ឋបាលក្រុងច្បារមន និងសមាគមគោលឿនខេត្តកំពង់ស្ពឺ ត្រៀមរៀបចំ ព្រឹត្តិការណ៍ប្រណាំងរទេះសាឡីគោលឿន ឆ្នាំ២០២៣។
ព្រឹត្តិការណ៍នេះ នឹងប្រព្រឹត្តទៅនៅថ្ងៃទី២ ខែមេសា ឆ្នាំ២០២៣ វេលាម៉ោង ៨:០០នាទីព្រឹក ស្ថិតនៅលើដីឡូត៍ លោកជំទាវ ជិន សុវណ្ណឌី សង្កាត់រការធំ ក្រុងច្បារមន ខេត្តកំពង់ស្ពឺ តាមបណ្ដោយ ផ្លូវជាតិលេខ៤ ត្រង់ចន្លោះបង្គោលគីឡូម៉ែត្រលេខ៤៣-៤៤ ទល់មុខស្ថានីយប្រេងឥន្ធនៈ PTT។
លោក ស៊ុន មានជ័យ ប្រធានមន្ទីវប្បធម៌ និងវិចិត្រសិល្បៈខេត្តកំពង់ស្ពឺ បានឱ្យ “កម្ពុជាថ្មី” ដឹងថា ដើមឡើយ សមាគមគោខេត្តកំពង់ស្ពឺ តែងណាត់គ្នាប្រណាំងរទេះសាឡីគោកម្សាន្តនាឱកាសមុនពិធីបុណ្យចូលឆ្នាំ មិនមែនជាការភ្នាល់ប្រាក់អ្វីនោះទេ។
លោក ស៊ុន មានជ័យ មានប្រសាសន៍ថា៖ “ដោយឃើញសារៈសំខាន់ អាចជាប្រពៃណី និងដើម្បីទាក់ទាញទេសចរជាតិ អន្តរជាតិទៀតនោះ មន្ទីរវប្បធម៌ សហការជាមួយ ស.ស.យ.ក បានរៀបចំការប្រណាំងនេះ កាន់តែអធិកអធម ដោយមានផ្ដល់ជា ជយលាភី ប័ណ្ណសរសើរ និងថវិកាអមមួយចំនួន”។
ប្រធានមន្ទីរវប្បធម៌ និងវិចិត្រសិល្បៈខេត្តកំពង់ស្ពឺ បញ្ជាក់ថា មន្ទីរបានសហការជាមួយនឹងសមាគមគោកំពង់ស្ពឺបានរៀបចំការប្រណាំងរទេះសាឡីគោលឿនេះបានចំនួន ៨ លើករួចមកហើយ អាក់ខានតែពីរឆ្នាំ កាលពីឆ្នាំ ២០២០ និងឆ្នាំ២០២១ ដោយសារតែការរីករាលដាលនៃជំងឺកូវីដ-១៩។ ដើម្បីចូលរួមលើកទឹកចិត្ត និងលើកកម្ពស់ដល់ប្រជាជនខេត្តកំពង់ស្ពឺ ដែលបាន អភិរក្សនូវប្រពៃណីដ៏ល្អ នៃការប្រណាំងរទេះសាឡីគោលឿនតាំងពីយូរលង់ណាស់មកហើយ លោកសូមអញ្ជើញសាធារណជនចូលរួមទស្សនាកម្សាន្តដោយរីករាយ។
គួររំលឹកថា បន្ទាប់ពីអាក់ខាន ២ឆ្នាំដោយសារបង្ការជំងឺកូវីដ-១៩ នៅឆ្នាំ២០២២ មន្ទីរវប្បធម៌ និងវិចិត្រសិល្បៈ បានសហការជាមួយសហភាពសហព័ន្ធយុវជនកម្ពុជា ខេត្តកំពង់ស្ពឺ និងសមាគមគោខេត្តកំពង់ស្ពឺ បានរៀបចំពិធីប្រណាំងរទេះសាឡីគោលឿនឡើងវិញ នៅភូមិដែកភ្លើង ឃុំរលាំងគ្រើល ស្រុកសំរោងទង ខេត្តកំពង់ស្ពឺ ដោយមានការចូលរួមយ៉ាងច្រើនកុះករពីប្រជាពលរដ្ឋគ្រប់ស្រទាប់៕
អត្ថបទ៖ ច័ន្ទ វីរៈ
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម៣ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល