សេដ្ឋកិច្ច
ឧកញ៉ា គីម ហ៊ាង ៖ មានលុយ ទិញដីមិនខុសទេ អត់លុយទិញ ដីទើបជាកំហុស
អ្នកជំនាញផ្នែកអចលនទ្រព្យចាស់វស្សាមួយរូប បានលើកឡើងថា មានលុយទិញដី គឺអត់ខុសទេ ប៉ុន្តែបើអត់លុយទិញ នោះគឺទើបជាកំហុស ហើយមានតែការវិនិយោគដីធ្លីទេ ទើបធ្វើឲ្យអ្នកមានខ្លាំង។ នេះជាការលើកឡើង របស់លោកឧកញ៉ាបណ្ឌិត គីម ហ៊ាង អគ្គនាយកក្រុមហ៊ុនKW Cambodia និងKhmer Real Estate។
លោកឧកញ៉ា គីម ហ៊ាង មានប្រសាសន៍ថា ការយល់ឃើញរបស់បុគ្គលម្នាក់ៗ ទៅលើការវិនិយោគដីធ្លី មិនដូចគ្នាទេ។ ចំពោះបុគ្គលខ្លះ ដែលថា មិនគួរយកលុយទៅវិនិយោគដីធ្លីនោះ តាមលោកបណ្ឌិត គីម ហ៊ាង យល់ថា មិនមានអ្វីខុសនោះទេ តែថា អ្នកមាននៅស្រុកខ្មែរភាគច្រើន គឺមានដោយសារដីធ្លី។
លោកថា «អញ្ចឹងខ្ញុំគិតថា អ្នកដែលនិយាយថា ពុំគួរវិនិយោគដីធ្លី ប្រហែលជាគាត់អត់មានលុយ ដើម្បីវិនិយោគ ប៉ុន្តែបើអ្នកមានលុយម៉ង គឺគេវិនិយោគហើយ យើងត្រូវទទួលស្គាល់ការពិត សម្ដីនីមួយៗ គឺមិនដូចគ្នា ព្រោះគំនិតមនុស្សខុសគ្នា ការយល់ឃើញខុសគ្នា អញ្ចឹងអ្នកមាននៅស្រុកខ្មែរយើង គឺភាគច្រើនបំផុត គាត់មានដោយសារដីធ្លី ដោយសារគាត់យកលុយវិនិយោគដីធ្លី បានគាត់ជាអ្នកមាន»។
លោកឧកញ៉ាបណ្ឌិត គីម ហ៊ាង បានសង្កត់ធ្ងន់ថា មានតែការវិនិយោគដីធ្លីទេ ទើបធ្វើឲ្យអ្នកមានខ្លាំង ហើយនៅស្រុកខ្មែរយើងក្នុងចំណោមមនុស្ស ១០០នាក់ គឺមានមនុស្សជាង ៩០នាក់ហើយ ដែលមានបានដោយសារវិនិយោគលើដីធ្លី។ លោកបន្ថែមថា «អញ្ចឹងអូខេ! គាត់និយាយវាត្រូវ សម្រាប់ចំណុចគាត់ ខ្ញុំអត់និយាយថា គាត់និយាយខុសទេ ប៉ុន្តែយើងអាចនិយាយថា ដោយសារគាត់មិនវិនិយោគហើយ ទើបគាត់មិនអាចក្លាយជាអ្នកមាន ដោយសារដីធ្លី ប៉ុន្តែអ្នកដែលវិនិយោគ ភាគច្រើនក្លាយជាអ្នកមាន ដោយសារដីធ្លី តែក៏មានអ្នកខ្លះក្ស័យធន ឬខាត ដោយសារដីធ្លីដូចគ្នាអញ្ចឹង…អញ្ចឹងទេតែលើស ៥១ភាគរយ គេហៅថា ជោគជ័យហើយ អញ្ចឹងជារួមសម្រាប់ខ្ញុំ មានលុយទិញដី គឺអត់ខុសទេ ប៉ុន្តែបើអត់លុយទិញ នោះគឺទើបជាកំហុស»។
អ្នកជំនាញផ្នែកអចលនទ្រព្យជិត ២០ឆ្នាំរូបនេះ ក៏បានឲ្យដឹងដែរថា ក្នុងរយៈពេលជិត ១០ខែ នៃឆ្នាំ២០២១នេះ សម្រាប់ ដីធ្លីទំហំធំៗ មិនមានការធ្លាក់ថ្លៃនោះទេ ហើយប្រសិនបើម្ចាស់ដីធំៗ ទាំងនោះ លក់មិនចេញ គឺពួកគេទុកលក់នៅឆ្នាំក្រោយៗ ទៀត។ លោកបណ្ឌិត គីម ហ៊ាង បានបញ្ជាក់ថា «ជារួមក្នុងរយៈពេល ១០ខែ ឆ្នាំ២០២១ហ្នឹង បើយើងនិយាយ ពីម៉ាក្រូសេដ្ឋកិច្ច សម្រាប់តែវិស័យដីធ្លី គឺយើងឃើញសញ្ញាវា មនុស្សជាច្រើនថា ដីធ្លីធ្លាក់ថ្លៃ ប៉ុន្តែខ្ញុំសូមបញ្ជាក់ឲ្យដឹងថា ១០ខែ ក្នុងឆ្នាំ ២០២១ហ្នឹង មនុស្សដែលនិយាយថា ដីចុះថ្លៃ គឺភាគច្រើនជាបុគ្គល ដែលអត់មានដី ឬក៏មានទ្រព្យសម្បត្តិតិចតួច»។
ឧកញ៉ា គីម ហ៊ាង បានបញ្ជាក់បន្ថែមថា «ប៉ុន្តែបើដីធំ ដីអ្នកមានវិញ គឺអត់មានចុះថ្លៃទេ សាធារណជន ឬក៏ប្រជាជនទូទៅថា កូវីដហើយ ដីធ្លីចុះថ្លៃ គឺជាសម្ដីរបស់មនុស្ស ដែលមិនមែនជាម្ចាស់ដីពិត ប៉ុន្តែបើម្ចាស់ដីពិតប្រាកដ អ្នកមានដីធំៗ ទូទៅ គឺគាត់អត់ចុះថ្លៃទេ លក់មិនចេញ គាត់ទុកចូលឆ្នាំ ២០២២ ២០២៣ ទើបគាត់លក់»៕
អត្ថបទ៖ ឃួន សុភ័ក្រ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ