ធនាគារកណ្តាល ថៃ បន្ថយច្បាប់ប្រាក់កម្ចីទិញផ្ទះពីបង់ពេញ ១០០ ភាគរយមកត្រឹម ៧០ ទៅ ៩០ ភាគរយ
Connect with us
Helistar Cambodia - Helicopter Charter Services

សេដ្ឋកិច្ច

ធនាគារកណ្ដាល ថៃ បន្ថយច្បាប់ប្រាក់កម្ចីទិញផ្ទះពីបង់ពេញ ១០០ ភាគរយមកត្រឹម ៧០ ទៅ ៩០ ភាគរយ

បានផុស

នៅ

ធនាគារកណ្តាលរបស់ប្រទេសថៃបានបន្ធូរបន្ថយច្បាប់ស្តីពីប្រាក់កម្ចីទិញផ្ទះដើម្បីជំរុញវិស័យអចលនទ្រព្យដែលកំពុងជួបការលំបាកពីផលប៉ះពាល់នៃជំងឺរាតត្បាតកូវីដ ១៩ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មន្រ្តីបាននិយាយថា ដែនកំណត់សមាមាត្រប្រាក់កម្ចីត្រូវបានដកចេញពី ១០០ ភាគរយមក ៧០ ទៅ ៩០ ភាគរយរហូតដល់ចុងឆ្នាំ ២០២២ ដើម្បីបង្កើនសកម្មភាពនៅក្នុងវិស័យអចលនទ្រព្យ ដែលនឹងចំណាយពេលច្រើនឆ្នាំដើម្បីស្តារឡើងវិញ ។

លោកស្រី Roong Mallikamas ជំនួយការទេសាភិបាលធនាគារថៃ (BOT) បានប្រាប់សន្និសីទសារព័ត៌មានមួយថា “ភាពមិនប្រាកដប្រជានៅតែខ្ពស់ ហើយវិស័យមួយចំនួននៅតែមានភាពផុយស្រួយ ដូច្នេះវិធានការនានាត្រូវបានណែនាំដើម្បីជំរុញសេដ្ឋកិច្ច និងបង្កើនការងារ” ។

លោកស្រី Roong Mallikamas ជំនួយការទេសាភិបាលធនាគារថៃ (BOT)

លោកស្រីបាននិយាយថា វិធានការនេះគឺសម្រាប់កិច្ចសន្យាប្រាក់កម្ចីទិញផ្ទះទាំងអស់ រួមទាំងការផ្តល់ហិរញ្ញប្បទានឡើងវិញ ខណៈពេលដែលមានសញ្ញាតិចតួចនៃការរំពឹងទុកថា វិស័យនេះនឹងងើបឡើងវិញ ។

ចំណែកលោក Don Nakornthab អគ្គនាយកជាន់ខ្ពស់ BOT បាននិយាយថា វិស័យអចលនទ្រព្យមានប្រហែល ១០ ភាគរយនៃផលិតផលក្នុងស្រុកសរុបរបស់ថៃ និងមានបុគ្គលិកចំនួន ២.៨ លាននាក់ ។

លោក Don Nakornthab អគ្គនាយកជាន់ខ្ពស់ BOT

ទន្ទឹមនោះ BOT បានព្យាករណ៍ពីកំណើនផលិតផលក្នុងស្រុកសរុប ០.៧ ភាគរយនៅឆ្នាំនេះ និង ៣.៩ ភាគរយនៅឆ្នាំ ២០២២ បន្ទាប់ពីធ្លាក់ចុះ ៦.១ ភាគរយកាលពីឆ្នាំមុន ។

លោក Don បាននិយាយថា សេដ្ឋកិច្ចធំទី ២ របស់ប្រទេសនៅអាស៊ីអាគ្នេយ៍មួយនេះ ត្រូវបានគេរំពឹងថានឹងវិលត្រឡប់ទៅរកភាពប្រក្រតីវិញនៅដើមឆ្នាំ ២០២៣ ប៉ុន្តែវិស័យអចលនទ្រព្យនឹងចំណាយពេលយូរជាងនេះដើម្បីធ្វើឲ្យមានលក្ខណៈធម្មតា ក្រោយជួបរោគរាតត្បាតកូវីដ ១៩ ។

លោក Don បាននិយាយទៀតថា​ការបន្ធូរបន្ថយច្បាប់រួមជាមួយវិធានការបន្ថែមណាមួយត្រូវបានគេរំពឹងថា នឹងបង្កើនប្រាក់កម្ចីទិញផ្ទះប្រហែល ៥០ ពាន់លានបាត (១.៥ ពាន់លានដុល្លារ) ក្នុងមួយឆ្នាំ ខណៈក្រសួងហិរញ្ញវត្ថុក៏កំពុងពិចារណា ពង្រីកវិធានការអចលនទ្រព្យមួយចំនួនដើម្បីជួយដល់វិស័យនេះផងដែរ ៕

ប្រែសម្រួលដោយ ៖ ជីវ័ន្ត

ប្រភព ៖ CNA

ចុចអាន ៖ ទេសចរខ្មែរ ទៅ ថៃ មិនចាំបាច់ធ្វើចត្តាឡីស័កទេ បើបំពេញតាមលក្ខខណ្ឌទាំងនេះ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ជីវិតកម្សាន្ដ៣ ម៉ោង មុន

ស្រស់ស្អាត​ណាស់​! បវរកញ្ញា​កម្ពុជា ភុំ សោ​ភ័ណ្ឌ គ្រង​សំលៀក​បំពាក់​បែបនេះ​ក្នុង​វគ្គ​មួយ​នៅ​ឆាក​Miss World

ជីវិតកម្សាន្ដ៤ ម៉ោង មុន

ពេជ្រ សោភា ប្រតិកម្ម​នឹង​សម្តី​បុរស​ម្នាក់​ មើល​ងាយ​តម្លៃ​ស្ត្រី​ខ្មែរ​ ដែល​ចេញទៅ​ប្រកួត​លើ​ឆាក​អន្តរជាតិ

ជីវិតកម្សាន្ដ៤ ម៉ោង មុន

ជុំ លី​ណូ ៖ អ្នក​ជោគជ័យ​ពិតប្រាកដ​គេ​គ្មាន​ពេល​មក​បង្រៀន​យើង​ទេ

ព័ត៌មានជាតិ៥ ម៉ោង មុន

ប្រ​ជា​ពលរដ្ឋ​អស់​ក្ដី​បារម្ភ​ទៀតហើយ ​ពេល​មាន​ផ្លូវ​វាង​សម្រាប់​ធ្វើដំណើរ

ព័ត៌មានជាតិ៥ ម៉ោង មុន

ស្អែក​នេះ សម្តេច​តេ​ជោ នឹង​អញ្ជើញ​ទៅ​ពិនិត្យ​វឌ្ឍនភាព​នៃ​ការសាងសង់​ព្រលានយន្តហោះ​ភ្នំពេញ​ថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services