សេដ្ឋកិច្ច
មកដឹងទំហំវិនិយោគសាងសង់ព្រលានយន្តហោះទាំងអស់នៅកម្ពុជា
កម្ពុជា បាននិងកំពុងអភិវឌ្ឍន៍ព្រលានយន្តហោះជាបន្តបន្ទាប់ ដើម្បីសម្រួលដល់វិស័យអាកាសចរណ៍ និងដើម្បីទាក់ទាញភ្ញៀវទេសចរ វិនិយោគិនបរទេស ក៏ដូចជា រក្សាកំណើនសេដ្ឋកិច្ចជាតិ តាមរយៈការប្រមូលពន្ធពីវិស័យនេះ។
យោងតាមរបាយការណ៍របស់អាកាសចរស៊ីវិល បានបង្ហាញថា ការវិនិយោគរយៈពេលវែងលើហេដ្ឋារចនាចសម្ព័ន្ធអាកាសចរណ៍ពីឆ្នាំ ១៩៩៥-២០២៤ សរុបជាទឹកប្រាក់ប្រមាណ ៣,៨៤៧ លានដុល្លារ។
សម្រាប់គម្រោងវិនិយោគចាប់ពីឆ្នាំ ១៩៩៥-២០១៣ រួមមាន៖
អាកាសយានដ្ឋានអន្តរជាតិភ្នំពេញ មានចំនួន ១១៥លានដុល្លារ, អាកាសយានដ្ឋានអន្តរជាតិសៀមរាប ១២៥លានដុល្លារ, អាកាសយានដ្ឋានអន្តរជាតិខេត្តព្រះសីហនុ ៦២លានដុល្លារ, ផ្នែកគ្រប់គ្រង និងបញ្ជាចរាចរណ៍ដែនអាកាស ២២លានដុល្លារ សរុបទាំងអស់ស្មើនឹង ៣២៤លានដុល្លារ។
ដោយឡែកគម្រោងវិនិយោគបន្តពីឆ្នាំ ២០១៤-២០១៨ រួមមាន៖
អាកាសយានដ្ឋានអន្តរជាតិភ្នំពេញ មានចំនួន ៣៣២ លានដុល្លារ, អាកាសយានដ្ឋានអន្តរជាតិសៀមរាប ១៧៤លានដុល្លារ, អាកាសយានដ្ឋានអន្តរជាតិខេត្តព្រះសីហនុ ១៨០ លានដុល្លារ, ផ្នែកគ្រប់គ្រង និងបញ្ជាចរាចរណ៍ដែនអាកាស ៧លានដុល្លារ សរុបទាំងអស់ស្មើនឹង ១០១៧លានដុល្លារ។
ចំណែកតាមការប៉ាន់ប្រមាណលើទំហំវិនិយោគអាកាសយានដ្ឋានពីឆ្នាំ ២០១៩-២០២៤ រួមមាន៖
អាកាសយានដ្ឋានអន្តរជាតិតេជោ(ភ្នំពេញថ្មី) មានទំហំវិនិយោគ ១,៥០០ លានដុល្លារ, អាកាសយានដ្ឋានអន្តរជាតិសៀមរាបអង្គរ ៨៨០លានដុល្លារ, អាកាសយានដ្ឋានអន្តរជាតិតារាសាគរ ២០០លានដុល្លារ, អាកាសយានដ្ឋានកោះកុង ៨០លានដុល្លារ, អាកាសយានដ្ឋានប៉ោយប៉ែត ៦៥ លានដុល្លារ, អាកាសយានដ្ឋានមណ្ឌលគិរី ១០០លានដុល្លារ និងអភិវឌ្ឍន៍ផ្នែកគ្រប់គ្រង និងបញ្ជាចរាចរណ៍ដែនអាកាស ៥ លានដុល្លារ សរុបស្មើនឹង ២,៨៣០លានដុល្លារ។
សព្វថ្ងៃនេះកម្ពុជា មានអាកាសយានដ្ឋានអន្តរជាតិចំនួន៣ កំពុងតែដំណើរការ គឺអាកាសយានដ្ឋានអន្តរជាតិភ្នំពេញ អាកាសយានដ្ឋានអន្តរជាតិសៀមរាប អាកាសយានដ្ឋានអន្តរជាតិ ខេត្តព្រះសីហនុ ដែលគ្រប់គ្រង និងធ្វើទំនើបកម្មអាកាសយានដ្ឋាន ដោយក្រុមហ៊ុន SCA របស់បារាំង។
លោក ស៊ិន ចាន់សេរីវត្ថា អ្នកនាំពាក្យអាកាសចរស៊ីវិល បានថ្លែងថា វិស័យអាកាសចរណ៍ បានបង្កើតការងារជាង ១លាន ៧សែននាក់ នៅកម្ពុជា ដែលចំនួននេះ គឺជិតស្មើ ២០ភាគរយ នៃទំហំការងារនៅក្នុងប្រទេសកម្ពុជាទាំងមូល។ លោកថា នេះបើតាមការសិក្សារបស់អង្គការអន្តរជាតិ កាលពីឆ្នាំ ២០១៧។
ជាមួយគ្នានេះ វិស័យអាកាសចរស៊ីវិល បានផ្តល់អត្ថប្រយោជន៍ទាំងផ្ទាល់ និងប្រយោលប្រមាណ ១៧ភាគរយ នៃ GDP៕
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ