ដឹង​ទេ ខេត្ត​ព្រះសីហនុ​មាន​កោះ​ចំនួន​ប៉ុន្មាន កំពុងអភិវឌ្ឍន៍ និង​ធ្វើ​អាជីវកម្ម ?
Connect with us
Helistar Cambodia - Helicopter Charter Services

ព័ត៌មានជាតិ

ដឹង​ទេ ខេត្ត​ព្រះសីហនុ​មាន​កោះ​ចំនួន​ប៉ុន្មាន កំពុងអភិវឌ្ឍន៍ និង​ធ្វើ​អាជីវកម្ម ?

Published

on

ខេត្ត​ព្រះសីហនុដែល​ត្រូវបាន​គេ​ស្គាល់​ថា ជា​ខេត្ត​មួយ​ដ៏​សំខាន់​របស់​ប្រទេស​កម្ពុជា​នោះ ក្រៅពី​មាន​កំពង់ផែ​អន្តរជាតិសម្រាប់​ចរាចរណ៍​ ទំនិញ​គ្រប់​ប្រភេទ ក៏មាន​រមណីយដ្ឋាន ឬ​កន្លែង​កំសាន្តដ៏​ពេញ​និយម​ផងដែរ គឺ​ឆ្នេរសមុទ្រ​ដ៏​ស្រស់ត្រកាល ដែល​ទាក់ទាញ​ភ្ញៀវ​ជាតិ និង​អន្តរជាតិ​បាន​យ៉ាងច្រើន​ក្នុង​មួយឆ្នាំៗ ហើយក៏​រក​ចំណូល​ចូល​ថវិកាជាតិ​មិនតិច​ដែរ​។

ក្រៅពី​កំពង់ផែ​សម្រាប់​ចរាចរ​ទំនិញនិង​ឆ្នេរសមុទ្រ​ដ៏​ស្រស់ស្អាត​នោះ ខេត្ត​ព្រះសីហនុ ក៏មាន​កោះ​ជាច្រើនដែល​កំពុងអភិវឌ្ឍន៍ និង​ទាក់ទាញ​ភ្ញៀវទេសចរ​ឲ្យ​ចូលទៅ​កម្សាន្ត​ផងដែរ​។ ក្នុងនោះក៏មាន​កោះ​មួយចំនួន​កំពុង​អភិវឌ្ឍ និង​កោះ​មួយចំនួន​ទៀត កំពុងដំណើរការ​អាជីវ​កម្ម យ៉ាង​គគ្រឹកគគ្រេង​។

លោក ឃាង ភារ​ម្យ អ្នកនាំពាក្យ​សាលាខេត្ត​ព្រះសីហនុ​ បាន​ថ្លែងប្រាប់​កម្ពុជា​ថ្មី​ថា ខេត្ត​ព្រះសីហនុ​មាន​កោះ​ចំនួន​៣២ ដែល​កំពុង​ស្ថិត​នៅក្នុង​ការគ្រប់គ្រង​របស់​ស​ម​ត្ថ​កិច្ច​​ខេត្ត ហើយ​ក្នុងនោះ មាន​កោះ​ចំនួន​២០កំពុង​អភិវឌ្ឍ និង​មាន៥​កោះ កំពុងដំណើរការ​អាជីវ​កម្ម គឺ​កោះ​សង្សារ (​កោះ​អូន​កោះ​បង​) កោះក្របី កោះ​តា​កៀវ កោះ​ឬ​ស្សី និង​មួយផ្នែក​នៃ​កោះរ៉ុង ដែលមាន​សណ្ឋាគារ Royal Sand របស់​ក្រុមហ៊ុន Royal Group​។

ចំណែកឯ​កោះពស់​វិញ ការអភិវឌ្ឍ​របស់​ក្រុមហ៊ុន​កោះពស់ ខេ​ម​បូ​ឌា អ៉ិ​ន​វេស​មេន​គ្រុប អិ​ល​ធី​ឌី រួម​មាន ស្ពាន​មួយ​ខ្សែ​ប្រវែង​៩០០​ម (​សាងសង់​រួច​១០០ ភាគរយ​) សាងសង់​ភូមិគ្រឹះ​ចំនួន​១៨​ខ្នងរួច​រាល់ និង​សាងសង់​ផ្លូវ​ប្រវែង​ជាង​៥គីឡូម៉ែត្រ ធ្វើ​ពី​បេតុង (​គិត​ជា​ភាគរយ៦០ភាគរយ​) និង​សំណង់​ភូមិ​គ្រឹៈ​មួយចំនួន​៕

អត្ថបទ ៖ កោះ​កែវ​

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services