ព័ត៌មានជាតិ
មួយឆ្នាំកម្ពុជានាំចូលហ្គាសជាង ១០០ លានដុល្លារ ឆ្នាំ២០២០ ថយចុះជាង ១៧ លានដុល្លារ
ដោយសារតែការផ្ទុះរីករាលដាលនៃជំងឺកូវីដ ១៩ បានធ្វើឲ្យតម្រូវការនាំចូលហ្គាស មានការធ្លាក់ចុះ នៅ ២០២០ បើប្រៀបធៀបនឹងរយៈពេលដូចគ្នាកាលពីឆ្នាំ ២០១៩។ នេះបើតាមទិន្ន័យពីក្រសួងពាណិជ្ជកម្ម។
ទិន្ន័យដែលកម្ពុជាថ្មីទើបតែទទួលបានបង្ហាញថា នៅក្នុងរយៈពេលពេញមួយឆ្នាំ ២០២០ ការនាំចូល ថាមពលហ្គាស មានតម្លៃទឹកប្រាក់ជាង ១៤៣ លានដុល្លារ (១៤៣.៤៦) ធ្លាក់ចុះ ១៧ លានដុល្លារ បើប្រៀបធៀបនឹងរយៈពេលដូចគ្នាកាលពីឆ្នាំ ២០១៩ ដែលមានតម្លៃ ១៦០ លានដុល្លារ។
ទិន្នន័យឲ្យដឹងទៀតថា នៅឆ្នាំ ២០១៩ កម្ពុជានាំចូលហ្គាសជាង ៣៤០ លានគីឡូ (៣៤០,៩៥៥,០១៥) ហើយនៅឆ្នាំ ២០២០ នាំចូលត្រឹមតែជាង ៣១៥ លានគីឡូ (៣១៥,៧០៩,៩០៧)។
ម្ចាស់ហាងផ្គត់ផ្គង់ Hello Gas Investment លោក វីឬទ្ធិយុទ្ធ បានប្រាប់កម្ពុជាថ្មីថា វិបត្តិជំងឺកូវីដ១៩ ការលក់ហ្គាសនៅក្នុងហាងរបស់លោក មានការធ្លាក់ចុះ ពាក់កណ្តាល ដោយសារតែមិនសូវមានការធ្វើដំណើរ។
នៅមុនពេលនៃការរីករាលដាលនៃជំងឺកូវីដ១៩ មានការប្រើប្រាស់ច្រើនទៅលើវិស័យទេសចរណ៍ ភោជនីយដ្ឋាន សណ្ឋាគារ និងនាវាទេសចរផ្សេងៗ។
លោកបញ្ជាក់ថា “ពេលយើងជួបរលកទី១ និងទី២ គឺការលក់ធ្លាក់ចុះ ៥០ ភាគរយ ប៉ុន្តែមកដល់បច្ចុប្បន្នធ្លាក់ប្រមាណតែ៣០ ភាគរយទេ”។
លោកមានការជឿជាក់ទៅលើវិស័យថាមពលហ្គាសនេះ ប្រសិនបើមានការបើកច្រកព្រំដែនឡើងវិញ ការធ្វើដំណើរចរាចរឡើងវិញនៅក្នុងស្រុក នឹងក្រៅស្រុក នោះតម្រូវការប្រើប្រាស់នឹងមានការកើនឡើងវិញដូចមុនពេលជំងឺកូវីដ ១៩។
អ្នកប្រកបរបររត់តាក់ស៊ីម៉ូតូងកង់បី នៅរាជធានីភ្នំពេញ លោក ឆុន ឈឿង បានប្រាប់ថា សព្វថ្ងៃនេះខ្លួនចំណាយប្រាក់ជាង ១ ម៉ឺនរៀលក្នុងការបញ្ចូលហ្គាសម៉ូតូកង់បីរត់មួយថ្ងៃ ដែលមានបរិមាណប្រមាណ ៥ លីត្រ ខុសពីមុនពេលជំងឺកូវីដ១៩ ដែលរត់ក្នុង១ថ្ងៃជិត ១០ លីត្រ។
លោក សុផេង ក៏បម្រើសេវាដឹកជញ្ជូនភ្ញៀវដែរ បានប្រាប់ថា កាលៈទេសៈកូវីដ១៩ ធ្វើឲ្យសេវាដឹកជញ្ជូនធ្លាក់ចុះ ហើយតម្រូវការប្រើថាមពលហ្គាសក៏ធ្លាក់តាមហ្នឹងដែរ។
លោកថា ពីមុនមិនទាន់មានកូវីដ លោករត់មួយថ្ងៃអស់ហ្គាសប្រហែល ១០ លីត្រ ខណៈបច្ចុប្បន្នត្រឹមតែ ៥ លីត្រប៉ុណ្ណោះ។
លោក ចាន់ សុផល អ្នកវិភាគសេដ្ឋកិច្ចកម្ពុជា បានប្រាប់កម្ពុជាថ្មីថា លោកមិនបានស្រាវជ្រាវជាក់លាក់ទេ ប៉ុន្តែតាមការមើលឃើញរបស់លោក គឺអាចមកពីតម្រូវការក្នុងស្រុកថយចុះ ដោយសារបញ្ហាជំងឺកូវីដ១៩។
លោកថាម្យ៉ាងទៀត វិស័យទេស័យទេសចរណ៍ ភោជនីយដ្ឋាន សណ្ឋាគារថយចុះខ្លាំង នោះហើយអាចជាហេតុផល ដែលធ្វើឲ្យការប្រើប្រាស់ធ្លាក់ចុះទៅតាមហ្នឹងដែរ៕
អត្ថបទ៖ ឡេង ដេត
ចិនផ្តល់ជំនួយបរិក្ខារបច្ចេកទេស អាចមានសមត្ថភាពធ្វើតេស្តពិនិត្យបាន ១០០០សម្រាប់ក្នុងមួយថ្ងៃ
អាវុធហត្ថប្រកាសលេខទូរសព្ទ៣ខ្សែ ដើម្បីទទួលព័ត៌មានពីមហាជនឈានដល់ការចាប់ខ្លួនក្រុមឃាតកដៃដល់
អាជ្ញាធរខេត្ត ចេញទាំងយប់តាមយកមនុស្ស១០នាក់ ក្នុងព្រឹត្តិការណ៍ ២០ កុម្ភៈ ទៅធ្វើចត្តាឡីស័ក
មន្ទីរពេទ្យធំៗនៅភ្នំពេញមិនទាន់ចាក់វ៉ាក់សាំងកូវីដ១៩ស៊ីណូហ្វាមដូសទីពីរនៅឡើយទេ
មេទ័ពកម្ពុជា ប្រាប់អនុព័ន្ធយោធាមីយ៉ាន់ម៉ា អំពីជំហររបស់កម្ពុជា
(មានសំឡេង) ខ្ញុំឃើញភ្ញៀវរត់ចេញប្រសាច ស្ថានការណ៍ក្លាយជាច្របូកច្របល់ ពួកយើងភាន់ភាំង…
ដំណឹងដ៏រំភើប! កម្ពុជា នឹងទទួលបានវ៉ាក់សាំងកូវីដពី UNICEF
មកស្គាល់សាលាកូនអ្នកមានទាំង ៥ នៅភ្នំពេញ មួយឆ្នាំបង់លុយរៀនខ្ទង់ម៉ឺនដុល្លារ ទើបទៅរួច
ដំណឹងល្អ! កម្ពុជានិងប្រទេសអាស៊ីអាគ្នេយ៍៥ទៀតនឹងទទួលបានវ៉ាក់សាំងកូវីដ
ឃាត់ខ្លួនជនដៃដល់ដែលបាញ់ប្រហារស្រ្តីម្នាក់នៅខេត្តសៀមរាប
-
ជីវិតកម្សាន្ដ6 days agoមួយបទរបស់ ព្រាប សុវត្ថិ រួម តន់ ចន្ទសីម៉ា ផ្ទុះខ្លាំង ដល់ថ្នាក់ ឯកឧត្ដម ខៀវ កាញារីទ្ធ យក មកស៊ែរ ឌឺដងកូនចៅ
-
ចរាចរណ៏1 week agoយុវសិស្សម្នាក់បង្ហោះកង់ធ្វេសប្រហែស ធ្លាក់បាក់.កស្លាប់នៅនឹងកន្លែង
-
ព័ត៌មានជាតិ6 days agoបង្កប់ខ្លួនក្នុងទូកលួចឆ្លងដែនទាំងយប់ពីថៃ ចាប់បានកណ្តាលសមុទ្រខេត្តកោះកុង
-
ព័ត៌មានជាតិ7 days agoលិខិតពីរច្បាប់បញ្ជាក់បន្ថែមករណីស្លាប់អ្នកគ្រូបង្រៀននៅខេត្តក្រចេះ
-
ជីវិតកម្សាន្ដ6 days agoកូនក្រមុំវ័យជិត៥០ឆ្នាំ អតីតតារាចម្រៀង ដឹកដៃកូនកំលោះវ័យជាង២០ឆ្នាំចូលរោងការ
-
ព័ត៌មានអន្ដរជាតិ5 days agoលង់ស្នេហ៍រូបថតលើប្រូហ្វាល់ហ្វេសប៊ុក ចាញ់បោក៦ខែអស់លុយមិនចេះតិច
-
ព័ត៌មានអន្ដរជាតិ5 days agoទីបំផុត ចិន ដាច់ចិត្តទម្លាយតួលេខទាហានដែលស្លាប់ ក្នុងការប៉ះទង្គិចជាមួយឥណ្ឌានៅព្រំដែនជម្លោះ
-
ព័ត៌មានអន្ដរជាតិ1 day agoរឿងមួយកុំធ្វើដាច់ខាត ក្រោយចាក់វ៉ាក់សាំងកូវីដ
