សេដ្ឋកិច្ច
ទំហំពាណិជ្ជកម្មទ្វេភាគីកម្ពុជាកូរ៉េងើបឡើងវិញនៅដើមឆ្នាំនេះ
ទំហំពាណិជ្ជកម្មទ្វេភាគីរវាងកម្ពុជា និងកូរ៉េខាងត្បូងបានចាប់ផ្តើមមានភាពប្រសើរឡើងវិញហើយនៅដើមឆ្នាំ ២០២១ នេះ។ តួលេខពីសមាគមពាណិជ្ជកម្មអន្តរជាតិកូរ៉េ (KITA) បានបង្ហាញថា ប្រទេសកម្ពុជាបាននាំចេញផលិតផលនានាក្នុងទំហំទឹកប្រាក់ចំនួន ៣២,៣ លានដុល្លារទៅកាន់ប្រទេសកូរ៉េខាងត្បូងក្នុងខែមករា ដែលកើនឡើង ២ភាគរយ។ ខណៈកូរ៉េខាងត្បូងនាំចូលផលិតផលមកកម្ពុជាមានទំហំទឹកប្រាក់ចំនួន ៥២,២លានដុល្លារ កើនឡើង១២,៥ភាគរយ បើប្រៀបធៀបនឹងរយៈពេលដូចគ្នាកាលពីឆ្នាំមុន។
ការងើបឡើងវិញនៃទំហំពាណិជ្ជកម្មទ្វេភាគីរវាងប្រទេសទាំងពីរស្របពេលដែលប្រទេសទាំងពីរគ្រោងនឹងចុះកិច្ចព្រមព្រៀងពាណិជ្ជកម្មសេរី (CKFTA) នៅក្នុងខែមិថុនា ឆ្នាំ២០២១ ខាងមុខនេះ បន្ទាប់ពីរដ្ឋមន្ត្រីពាណិជ្ជកម្មប្រទេសទាំងពីរបានប្រកាសបញ្ចប់ការចរចាជាផ្លូវការនៅព្រឹកថ្ងៃទី០៣ ខែកុម្ភៈ។
CKFTA មានគោលដៅពង្រឹងភាពជាដៃគូសេដ្ឋកិច្ច និងពង្រីកការធ្វើសេរីភាវូបនីយកម្មពាណិជ្ជកម្មទ្វេភាគីឲ្យកាន់តែមានភាពទូលំទូលាយ ដោយផ្តល់ប្រយោជន៍ឱ្យគ្នាទៅវិញ ទៅមក សំដៅបង្កើនផលប្រយោជន៍សេដ្ឋកិច្ច និងសុខមាលភាពប្រជាជន និងធុរកិច្ចនៃប្រទេសទាំងពីរ។
លើសពីនេះប្រទេសទាំងពីរជឿជាក់ថាកិច្ចព្រមព្រៀងពាណិជ្ជកម្ម សេរីទ្វេភាគីនេះអាចជួយស្តារឡើងវិញនូវសេដ្ឋកិច្ចបានឆាប់រហ័សក្នុងអំឡុងពេល និងក្រោយពេលវិបត្តិកូវីដ-១៩។
កម្ពុជាគឺជាគោលដៅនាំចេញទី៦០របស់កូរ៉េខាងត្បូងដែលមានទំនិញសំខាន់ៗដូចជាភេសជ្ជៈ គ្រឿងអេឡិចត្រូនិក ឱសថ និងរថយន្តដឹកទំនិញ។ ចំណែកឯកម្ពុជាវិញបាននាំ ទំនិញទៅកូរ៉េខាងត្បូងភាគច្រើនគឺជាសម្លៀកបំពាក់និងផលិតផលស្បែកជើង កាបូប ជាដើម។
លោក លឹម ហេង អនុប្រធានសភាពាណិជ្ជកម្មកម្ពុជាបានថ្លែងប្រាប់សារព័ត៌មានថា៖ “ខ្ញុំយល់ថាការកើនឡើងនៃទំហំពាណិជ្ជកម្មទ្វេភាគីរវាងប្រទេសទាំងពីរគឺជាសញ្ញាមួយ ល្អសម្រាប់ប្រទេសទាំងពីរដែលឈានទៅដល់ការចុះកិច្ចព្រមព្រៀងពាណិជ្ជកម្មសេរីកម្ពុជាកូរ៉េដែលនឹងធ្វើឱ្យទំហំពាណិជ្ជកម្មរវាងប្រទេសទាំងពីរកាន់តែមានទំហំធំជាងនេះ”។
លោក លឹម ហេង បានបន្តថា កម្ពុជាមានឱកាសពង្រីកនូវផលិតផលរបស់ខ្លួនតាមរយៈកិច្ចព្រមព្រៀងពាណិជ្ជកម្មសេរីនេះ។ លោកជឿថា ផលិតផលដែលកើតចេញពីវត្ថុធាតុក្នុងស្រុកជាពិសេសផលិតផលកសិកម្ម និងធនធានរ៉ែដែលកម្ពុជាមានអាចក្លាយជាផលិតសម្រាប់នាំចេញទៅកាន់ទីផ្សារកូរ៉េ ហើយបណ្តាក្រុមហ៊ុនបរទេសនានា រាប់ទាំង ក្រុមហ៊ុនកូរ៉េផងដែរនឹងចូលមកបណ្តាក់ទុននៅក្នុងប្រទេសកម្ពុជាកាន់តែច្រើនដើម្បីនាំចេញផលិតផលទៅកាន់ទីផ្សារអឺរ៉ុប និងអាមេរិកក៏ដូចជាសាធារណរដ្ឋកូរ៉េផងដែរ។
គួរបញ្ជាក់ឱ្យដឹងផងដែរថា ពាណិជ្ជកម្មទ្វេភាគីរវាងកម្ពុជា និងកូរ៉េខាងត្បូងមានទំហំទឹកប្រាក់ចំនួន ៨៨៤ លានដុល្លារ កាលពីឆ្នាំ២០២០ មានការថយចុះចំនួន ១៤ភាគរយបើ ប្រៀបធៀបទៅនឹងឆ្នាំ២០១៩កន្លងទៅ។ ចាប់ពីខែមករាដល់ខែធ្នូឆ្នាំ២០២០ប្រទេសកម្ពុជាបាននាំចេញផលិតផលក្នុងទំហំទឹកប្រាក់ចំនួន៣១៧លានដុល្លារទៅកាន់ប្រទេសកូរ៉េខាងត្បូង ពោលគឺធ្លាក់ចុះ១៨ភាគរយបើប្រៀបធៀបទៅនឹងឆ្នាំ២០១៩កន្លងទៅ៕
អត្ថបទ៖ ណារី
-
ព័ត៌មានជាតិ២៣ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សេដ្ឋកិច្ច៦ ថ្ងៃ ago
មួយឆ្នាំៗ វៀតណាម ប្រឈមខាតបង់ដំណាំជិត៣ពាន់លានដុល្លារ ដោយសារទឹកប្រៃ ហូរចូលដីបង្កបង្កើនផល