សេដ្ឋកិច្ច
Elon Musk គំរាមហាមឧបករណ៍ Apple ក្នុង ក្រុមហ៊ុនខ្លួន ប្រសិនបើបំពាក់មុខងារ OpenAI ក្នុងប្រព័ន្ធប្រតិបត្តិការ
មហាសេដ្ឋី លោក អេឡុន ម៉ាសក៍ បាននិយាយគំរាមកាលពីថ្ងៃចន្ទថា លោកនឹងហាមឃាត់ការប្រើប្រាស់ឧបករណ៍អេឡិចត្រូនិកផលិតដោយក្រុមហ៊ុន Apple ក្នុងក្រុមហ៊ុនផ្សេងៗរបស់លោក ប្រសិនបើក្រុមហ៊ុនផលិតទូរស័ព្ទម៉ាក iPhone មួយនេះ ដាក់បញ្ជូលមុខងាររបស់ OpenAI ទៅក្នុងប្រព័ន្ធប្រតិបត្តិការរបស់ខ្លួន។
លោក ម៉ាសក៍ ដែលជានាយកប្រតិបត្តិនៃក្រុមហ៊ុនផលិតរថយន្តអគ្គិសនី Tesla និងក្រុមហ៊ុនផលិតរ៉ុក្កែត SpaceX បាននិយាយក្នុងការបង្ហាញសារនៅលើបណ្ដាញសង្គម X (អតីតធ្វីតធឺរ) ដែលជាក្រុមហ៊ុនរបស់លោកផងដែរនោះថា៖ «នោះ(ទង្វើរបស់ Apple)គឺជាការរំលោភលើសុវត្ថិភាពដែលមិនអាចទទួលយកបាន»។ លោកបន្តថា អ្នកទៅទស្សនា នឹងត្រូវឆ្លងកាត់ការត្រួតពិនិត្យរកមើលឧបករណ៍ Apple របស់ខ្លួននៅមាត់ទ្វារ ហើយរក្សាឧបករណ៍នោះនៅក្នុងទ្រុង Faraday ដែលគេសំដៅលើបន្ទប់ផ្ដាច់រលកអេឡិចត្រូម៉ាញេទិក។
ក្រុមហ៊ុនបច្ចេកវិទ្យា Apple ឬបញ្ញាសិប្បនិម្មិត (AI) OpenAI មិនបានប្រតិកម្មយ៉ាងណាភ្លាមៗនោះទេ ប៉ុន្តែគេមើលឃើញថា ការគំរាមរបស់លោក អេឡុន ម៉ាសក៍ ធ្វើឡើងប៉ុន្មានក្រោយក្រុមហ៊ុន Apple បានប្រកាសអំពីមុខងារ AI មួយចំនួននៅក្នុងកម្មវិធី និងវេទិកាប្រតិបត្តិការផ្សេងៗរបស់ខ្លួន និងភាពជាដៃគូជាមួយ OpenAI ដើម្បីដាក់បញ្ជូលសុសវ៉ែរឆ្លើយតបសារស្វ័យប្រវត្តិ ChatGPT ទៅក្នុងឧបករណ៍របស់ខ្លួន។
ក្រុមហ៊ុន Apple បាននិយាយថា ខ្លួនបានបង្កើត AI ដោយដាក់ឯកជនភាពជាស្នូល ហើយថាខ្លួននឹងប្រើការរួមបញ្ចូលគ្នានៃដំណើរការលើឧបករណ៍ និងបច្ចេកវិទ្យាពពក ដើម្បីដំណើរការមុខងារទាំងនោះ។
លោក ម៉ាសក៍ ថ្លែងបន្តយ៉ាងដូច្នេះថា៖ «វាជារឿងមិនសមហេតុផលទេ ដែល Apple មិនឆ្លាតគ្រប់គ្រាន់ក្នុងការបង្កើត AI ដោយផ្ទាល់ខ្លួនឯង ប៉ុន្តែបែរជាធានាថា OpenAI នឹងការពារសុវត្ថិភាព និងឯកជនភាពរបស់អ្នក»។
គួរគូសបញ្ជាក់ថា កាលពីមុន លោក ម៉ាសក៍ ធ្លាប់បានគាំទ្រ OpenAI ប៉ុន្តែក្រោយមកក៏ដកខ្លួនវិញ ហើយប្រកូកប្រកាសថា AI នឹងបង្កហានិភ័យដ៏ធ្ងន់ធ្ងរចំពោះសង្គម។ មិនបានប៉ុន្មានផង មហាសេដ្ឋីរូបនេះ ក៏បង្កើតក្រុមហ៊ុន AI ផ្ទាល់ខ្លួនថ្មីមួយ ដែលមានឈ្មោះថា xAI ដើម្បីជាគូប្រជែងនឹង OpenAI៕
រូបភាពរលំបាក់អគារគួររន្ធត់នៅថៃ ប៉ុន្តែអាជ្ញាធរបញ្ជាក់ថា ចំនួនអ្នកស្លាប់មាន៩នាក់ដល់ពេលនេះ
រហូតដល់ពេលនេះ មីយ៉ាន់ម៉ារកឃើញអ្នកស្លាប់និងរបួសជិត៩០០នាក់ក្នុងគ្រោះរញ្ជួយដី
ក្រុមហ៊ុនបច្ចេកវិទ្យាទំនើបចិន ប្ដេជ្ញាជំរុញកម្មវិធីសិក្សា TVET កម្ពុជា ឱ្យស្របតាមស្តង់ដារសិក្សានៃប្រទេសចិន និងអាល្លឺម៉ង់
មន្ត្រីក្រសួងសេដ្ឋកិច្ច ៖ ម្ចាស់អាជីវកម្ម ដែលប្រឈមហានិភ័យ ត្រូវមានធានារ៉ាប់រងសម្រាប់អាជីវកម្មខ្លួន
តើគ្រោះរញ្ជួយដីកើតនៅមីយ៉ាន់ម៉ាប៉ះពាល់និងជះឥទ្ធិពលដល់ណាខ្លះ?
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
អាស៊ីអាគ្នេយ៍ច្រើនប្រទេសជួបរញ្ជួយដី ប៉ុន្តែ ថៃនិងមីយ៉ាន់ម៉ា ធ្ងន់ជាងគេ
-
ព័ត៌មានអន្ដរជាតិ១៤ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?