Connect with us

អត្ថាធិប្បាយ

នៅតុលាការបារាំង៖ សម្តេច ហ៊ុន សែន ទទួលបានយុត្តិធម៌ ឯ លោក សម រង្ស៊ី ទទួលបានភាពអាម៉ាស

បានផុស

នៅ

តុលាការបារាំងកាលពីថ្ងៃទី១០ ខែតុលា ឆ្នាំ២០២២ បានប្រកាសសាលក្រមឲ្យសម្តេចតេជោ ហ៊ុន សែន នា​យករដ្ឋមន្រ្តីនៃកម្ពុជា និងឯកឧត្តម ឌី វិជ្ជា អគ្គស្នងការរងនគរបាលជាតិឈ្នះក្តីលើលោក សម រង្ស៊ី។ សម្តេចតេជោ ហ៊ុន សែន បានចាត់ទុកសាលក្រមរបស់តុលាការបារាំងនេះថា ជាការផ្តល់យុត្តិធម៌ និងភាពស្អាតស្អំដល់រូបសម្តេច។ រីឯលោក សម រង្ស៊ី និងបក្ខពួកវិញ ទទួលបានតែភាពអាម៉ាស ព្រោះតុលាការបារាំង បានទាត់ចោលការចោទប្រកាន់របស់លោក សម រង្ស៊ី និងប្រកាសថា សម្តេចតេជោ ហ៊ុន សែន មិនពាក់ព័ន្ធនឹងការមរណភាពលោក ហុក ឡង់ឌីនោះទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រមុខរាជរដ្ឋាភិបាលកម្ពុជា បានប្រកាសថា យុត្តិធម៌ និងភាពស្អាតស្អំ គឺជាអ្វីដែលសម្តេចចង់បានបំផុតពីតុលាការបារាំង និងជាអ្វីដែលសម្តេចតាមប្តឹងលោក សម រង្ស៊ី ដល់ប្រទេសដែលជនរូបនេះកំពុងរស់នៅតែម្តង។ តែទោះជាយ៉ាងណា បន្ទាប់ពីទទួលបានយុត្តិធម៌នេះ សម្តេចតេជោ នាយករដ្ឋមន្រ្តី បានសម្រេចមិនប្តឹងឧទ្ធរណ៍ទេ ដោយចង់បញ្ចប់រឿងក្តីនេះត្រូវតែប៉ុណ្ណេះ។ ប៉ុន្តែ បើសិនលោក សម រង្ស៊ី ចង់ប្តឹងឧទ្ធរណ៍ប្រឆាំងនឹងសាលក្រមនេះ គឺសម្តេចអាចតាមកំដរលោក សម រង្ស៊ី រហូតដល់ទីបញ្ចប់។

អ្វីជាការកត់សម្គាល់ នៅថ្ងៃដែលតុលាការបារាំងប្រកាសសាលក្រម​ គឺមិនមានវត្តមានលោក សម រង្ស៊ី និងប​ក្ខ​ពួកទៅចូលរួមស្តាប់ទេ តែផ្ទុយទៅវិញ ក្រុមមេធាវីទាំងជនជាតិខ្មែរ និងបារាំងរបស់សម្តេចតេជោ ហ៊ុន សែន និងឯកឧត្តម ឌី វិជ្ជា បានទៅចូលរួមស្តាប់សាលក្រមនេះ។ សាលក្រមរបស់តុលាការបារាំង បានចាត់ទុកការចោទប្រកាន់របស់លោក សម រង្ស៊ី ទៅលើសម្តេចតេជោ ហ៊ុន សែន ថាជាអ្នកពីក្រោយមរណភា​ព​លោក ហុក ឡង់ឌី អតីតអគ្គស្នងការនគរជាតិនោះ គឺជារឿងមិនពិត គ្មានភស្តុតាង ហើយថែមទាំងចាត់ទុកថា ការចោទប្រកាន់នេះ ជារឿងបរិហាកេរ្តិ៍ដល់សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជាទៀតផង។

ប៉ុន្តែ បើទោះជាបែបនេះក្តី តុលាការបារាំង បានកំណត់ឲ្យលោក សម រង្ស៊ី រួចផុតពីទោសទណ្ឌលើបទល្មើសបរិហារកេរ្តិ៍នេះ ដោយសំអាងថា លោក សម រង្ស៊ី គឺជាជនសាមញ្ញម្នាក់ ខណៈសម្តេចតេជោ ហ៊ុន សែន គឺជាអ្នកកាន់អំណាចនៅក្នុងប្រទេសកម្ពុជា។ ត្រង់ចំណុចនេះ សម្តេចតេជោ ហ៊ុន សែន នៅព្រឹកថ្ងៃទី១១ ខែតុ​លា​នេះ បានអះអាងថា ការសម្រេចបែបនេះ គឺផ្អែកទៅតាមច្បាប់របស់អឺរ៉ុប ពីព្រោះថា បើកំណត់ឲ្យលោក សម រង្ស៊ី ដែលជាពលរដ្ឋសាមញ្ញម្នាក់ មានទោសលើបទបរិហារកេរ្តិ៍នេះ វាអាចនាំឲ្យប៉ះពាល់ដល់សិទ្ធិនៃការបញ្ចេញមតិ។ យ៉ាងណាក៏ដោយ សម្តេចតេជោ នាយករដ្ឋមន្រ្តី មិនបានទោមនស្សនឹងការសម្រេចរបស់តុលាការបារាំងនោះទេ ព្រោះតុលាការនេះ បានផ្តល់យុត្តិធម៌ និងភាពស្អាតស្អជូនសម្តេចរួចទៅហើយ។

សូមរំលឹកបន្តិចថា តុលាការទីក្រុងប៉ារីស ប្រទេសបារាំង កាលពីថ្ងៃទី០១ ខែកញ្ញា ឆ្នាំ២០២២ បានបើកសវនាការជំនុំជម្រះលើសំណុំរឿងបរិហារកេរ្តិ៍ជាសាធារណៈរបស់លោក សម រង្សី ទៅលើសម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា និងឯកឧត្តម ឌី វិជ្ជា អគ្គស្នងការរងនគរបាលជាតិពាក់ព័ន្ធនឹងបាត់បង់ជីវិតរបស់លោក ហុក ឡង់ឌី ដែលអតីតអគ្គស្នងការនគរបាលជាតិ។ នៅក្នុងសវនាការជជែកដេញដោលគ្នានេះ ក្រុមមេធាវីរបស់សម្តេចតេជោ និងឯកឧត្តម ឌី វិជ្ជា បានចោទសួររកភស្តុតាងទៅតាមផ្លូវច្បាប់ តែក្រុមមេធាវីលោក សម រង្ស៊ី បានលើកឡើងពីទិដ្ឋភាពនយោបាយនៅកម្ពុជាទៅវិញ។ ចំណែក លោក សម រង្ស៊ីវិញ បានបង្ហូរទឹកភ្នែកសម្តែងឲ្យចៅក្រមបារាំងអាណិតអាសូរ។

ត្បិតថា នៅក្នុងសវនាការដេញដោលគ្នានោះ ក្រុមមេធាវីរបស់សម្តេចតេជោ និងឯកឧត្តម ឌី វិជ្ជា មានសង្ឃឹមច្រើនក្នុងការយកឈ្នះក្តីនេះក៏ពិតមែន ប៉ុន្តែ ទាំងសម្តេចតេជោ ទាំងឯកឧត្តម ឌី វិជ្ជា និងក្រុមមេធាវី មិនបានបង្ហាញពីការព្យាករណ៍ទុក និងអបអរសាទរមុនការប្រកាសសាលក្រមនោះទេ។ ប៉ុន្តែ បើក្រឡេកទៅមើលលោក សម រង្ស៊ី និងបក្ខពួក ព្រមទាំង អ្នកគាំទ្រមួយចំនួនវិញ បានសម្តែងការអបអរសាទរមុនទៅហើយ ហាក់បីដូចជាដឹងមុនថា ខ្លួន នឹងឈ្នះក្តីមួយនេះអ៊ីចឹង។

ក៏ប៉ុន្តែ ក្តីរំពឹងរបស់លោក សម រង្ស៊ី និងបក្ខពួក ប្រៀបដូចជាអំបិលត្រូវទឹកអញ្ចឹង ដោយសារតែតុលាការបារាំង គេកាត់ក្តីដោយក្តីដោយផ្អែកលើទិដ្ឋភាពច្បាប់ ភស្តុតាង មិនមែនផ្អែកលើការបង្ហូរទឹកភ្នែកស្វែងរកការអាណិតអាសូរពីលោក សម រង្ស៊ីឡើយ។ ដូច្នេះហើយ អ្នកស្អាតស្អំដូចសម្តេចតេជោ ហ៊ុន សែន ត្រូវបានតុលាការបារាំងផ្តល់យុត្តិធម៌ជូន ខណៈអ្នកខូចដូចលោក សម រង្ស៊ី បានត្រឹមតែទទួលភាពអាម៉ាសនៅលើទឹកបារាំងតែប៉ុណ្ណោះ៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ១ ម៉ោង មុន

ជប៉ុន កាត់ទោសប្រហារជីវិតបុរសម្នាក់ ក្នុងករណីដុតស្ទូឌីយូគំនូរជីវចល KyoAni សម្លាប់មនុស្សជាង ៣០នាក់

ព័ត៌មានអន្ដរជាតិ២ ម៉ោង មុន

សិង្ហបុរី និងចិន ចុះហេត្ថលេខាព្រមព្រៀង ទៅលើការចូលប្រទេសគ្នាទៅវិញទៅមក ដោយមិនមានទិដ្ឋាការរយៈពេល ៣០ ថ្ងៃ

សេចក្ដីជូនដំណឹង៣ ម៉ោង មុន

វឌ្ឍនៈ ប្រ៊ូ​វើ​រី ដាក់​សម្ពោធ​ម៉ាក​សញ្ញា​គ្រុឌ​ថ្មី គឺ​ស្រា​បៀរ គ្រុឌ ឡៃ ផលិត​ពី​បច្ចេកវិទ្យា​ថ្មី​ចុងក្រោយ រក្សា​នូវ​រសជាតិ​ដើម ស្រាល​ស្រទន់ និង​ស្រស់​បំផុត

សន្តិសុខសង្គម៣ ម៉ោង មុន

ផ្តន្ទាទោស​ប្អូន​ថ្លៃ​ដាក់ពន្ធនាគារ ២ ឆ្នាំ ក្រោមរូបភាពបញ្ចុះបញ្ចូលធ្វើមន្តអាគម

ព័ត៌មានអន្ដរជាតិ៤ ម៉ោង មុន

Breaking News! សមាជិកសភាបក្សកាន់អំណាច កូរ៉េខាងត្បូង ត្រូវជនដៃ ដល់អាយុ ១៥ ឆ្នាំយកដុំថ្មវាយបែកក្បាល

ព័ត៌មានអន្ដរជាតិ៥ ថ្ងៃ មុន

ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?

ជីវិតកម្សាន្ដ៣ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ចរាចរណ៍៥ ថ្ងៃ មុន

ករណី​បុករះ​ស្លាប់​៤នាក់​នៅ​ស្ពាន​អាកាស​ឫស្សី​កែវ​ មាន​ម្នាក់​ជា​និស្សិត​ពូកែ​ជំនាញ​ស្ថាបត្យកម្ម និង​នគរូបនីយវិទ្យា

ព័ត៌មានអន្ដរជាតិ៣ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ព័ត៌មានជាតិ៥ ថ្ងៃ មុន

គម្រោង​ទឹកស្អាត​ធំបំផុត​ចាយ​ទុនជាង ១០០ លាន​​ដុល្លារ​នៅ​បាក់ខែង ​គ្រោង​​ចាប់ផ្តើម​សាងសង់​

Sokha Hotels

ព័ត៌មានពេញនិយម