កូវីដ-១៩
មិនទាន់ថយទេ ថ្ងៃនេះ ឥណ្ឌាឆ្លង និងស្លាប់កូវីដខ្ពស់ដដែល
ករណីឆ្លងថ្មី និងស្លាប់ថ្មីដោយកូវីដ-១៩នៅប្រទេសឥណ្ឌាក្នុងរយៈពេល២៤ម៉ោងចុងក្រោយនេះនៅតែខ្ពស់ដដែល បើទោះជាជំនួយវេជ្ជសាស្ត្រអន្តរជាតិបានទៅដល់ឥណ្ឌាជាបន្តបន្ទាប់ហើយ។
រយៈពេលមួយថ្ងៃចុងក្រោយ ឥណ្ឌាមានករណីស្លាប់ចំនួន ៣៧៨០នាក់ ដែលជាកំណត់ត្រាខ្ពស់ប្រចាំថ្ងៃ ប៉ុន្តែ ករណីឆ្លងថ្មីមានចំនួន ៣៨២ ៣១៥នាក់ ដែលទាបជាងកាលពីថ្ងៃទីសៅរ៍ ទី១ ខែឧសភា កន្លងទៅនេះដែលមានចំនួនជាង៤០ម៉ឺនករណី ជាប់ជាកំណត់ត្រាខ្ពស់បំផុតក្នុងពិភពលោក ។ នេះបើតាមទិន្នន័យក្រសួងសុខាភិបាលបានបង្ហាញនៅថ្ងៃពុធនេះ។ សរុបករណីឆ្លងទាំងអស់នៅប្រទេសឥណ្ឌាបានឡើងដល់ជាង២០លាននាក់ និងករណីស្លាប់សរុបជាង២២៦ពាន់។
ការកើនឡើងនៃការឆ្លងខ្ពស់បំផុតបានធ្វើឲ្យប្រព័ន្ធសុខាភិបាលឥណ្ឌាបានទទួលរងដុនដាបខ្លាំងបំផុតដែលជំរុញធ្វើឲ្យខ្វះគ្រែ និងអ៊ុកស៊ីសែនជាចាំបាច់។ យ៉ាងណា ប៉ុន្មានថ្ងៃចុងក្រោយនេះ បណ្តាប្រទេសជាច្រើនបានផ្តល់ជំនួយវេជ្ជសាស្ត្រជាបន្តបន្ទាប់ទៅដល់ប្រទេសឥណ្ឌា។
ក្រុមគ្រួសារអ្នកជំងឺឆ្លងកូវីដ-១៩បានប្រកាសស្វែងរកឲ្យជួយរកគ្រែនិងអ៊ុកស៊ីសែនតាមបណ្តាញទំនាក់ទំនងសង្គម។ ស្របពេលជាមួយគ្នានេះ អាជ្ញាធរសុខាភិបាលទៅរកតុលាការជាន់ខ្ពស់ដើម្បីឲ្យជួយអន្តរាគមន៍ក្នុងការផ្គត់ផ្គង់អ៊ុកស៊ីសែនទៅតាមបណ្តាលមន្ទីរពេទ្យនានា។
ឥណ្ឌាជាប្រទេសផលិតវ៉ាក់សាំងធំជាងគេបំផុតក្នុងពិភពលោកនេះ ប៉ុន្តែបានប្រឹងប្រែងចាក់ឲ្យមនុស្សដែលមានអាយុ៤៥ឆ្នាំឡើងទៅប៉ុណ្ណោះ។ ចាប់តាំងពីខែមករាមក ទើបបាន១០%នៃប្រជាជនអាយុ៤៥ឆ្នាំឡើងដែលបានចាក់ដូសទី១ និងប្រហែលជា១.៥%ដែលបានចាក់ដូសទាំងពីរ។
ប្រជាជនឥណ្ឌាដែលមានអាយុចាប់ពី៤៥ឆ្នាំឡើងទើបទទួលបានការចាក់វ៉ាក់សាំងដោយឥតគិតថ្លៃពីរដ្ឋាភិបាល។ ចំណែកមន្ទីរពេទ្យឯកជនចាក់គិតថ្លៃលើមនុស្សគ្រប់វ័យ។
រដ្ឋាភិបាលសហព័ន្ធគិតតម្លៃ២ដុល្លារក្នុងមួយដូស។ វិទ្យាស្ថាន Serum Institute គិតថ្លៃ៤ដុល្លារក្នុងមួយដូស ហើយមន្ទីរពេទ្យឯកជនតម្លៃ៨ដុល្លារ។ ចំណែក Bharat Biotech និយាយថា ខ្លួនគិតថ្លៃក្រោម ៥.៥០ដុល្លារក្នុងមួយដូស ហើយមន្ទីរពេទ្យឯកជនខ្លះទៀតតម្លៃជាង១៦ដុល្លារ។
តម្លៃនឹងមានការប្រែប្រួលគឺសម្រាប់មន្ទីរពេទ្យរដ្ឋ និងឯកជននឹងត្រូវបានកំណត់តម្លៃដោយក្រុមហ៊ុនវ៉ាក់សាំង។ បញ្ហាកំណត់តម្លៃអាចធ្វើឲ្យវិសមភាពកាន់តែច្រើនៗទៅដែលបានក្លាយជាឧបសគ្គថ្មីថែមទៀតសម្រាប់កិច្ចខិតខំប្រឹងប្រែងទប់ស្កាត់កូវីដ-១៩នៅឥណ្ឌា៕
ប្រែសម្រួល៖ វីរបុត្រ
ប្រភព៖ reuters
ក្រុមហ៊ុនផលិតកង់រថយន្តនៅស្វាយរៀង បោះទុនវិនិយោគ $១១០លាន បង្កើតរោងចក្រមួយទៀតនៅខេត្តកំពត
ទូកទេសចរណ៍ផ្ទុកមនុស្ស ៣៦នាក់ ផ្ទុះឆេះនៅ ថៃ
មន្ត្រីកសិកម្ម ជួបប្រធានសមាគមជប៉ុន-កម្ពុជា ពិភាក្សាគម្រោងវិនិយោគកែច្នៃគ្រឿងសម្អាង និងផលិតផលកសិកម្ម
សមាគមធនាគារនៅកម្ពុជា ចាត់ទុកកិច្ចការពារអតិថិជន ជាអាទិភាពចម្បងចំណោមសកម្មភាពផ្សេងទៀត
អ៊ីរ៉ង់ ព្រមានថានឹងផលិតអាវុធនុយក្លេអ៊ែរ បើត្រូវអាមេរិកវាយប្រហារមែន
នគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់
រថភ្លើងដឹកស្រូវក្រឡាប់ធ្លាក់ចេញពីផ្លូវ នៅស្រុកថ្មគោល
ផ្ទុះបំពង់បង្ហូរឧស្ម័ននៅម៉ាឡេស៊ី បណ្ដាលឲ្យរបួសមនុស្ស២៥នាក់
អ្នកស្លាប់ព្រោះរញ្ជួយដីនៅមីយ៉ាន់ម៉ា មានលើសពី ៣ ០០០នាក់ហើយ
សម្តេចធិបតី ហ៊ុន ម៉ាណែត និងលោកជំទាវផ្ដល់ការឧបត្ថម្ភជាប្រចាំខែដល់កុមារកំព្រា និងកុមារមានទុក្ខលំបាកនៅមណ្ឌលមែកឈើ
-
ព័ត៌មានអន្ដរជាតិ៤ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៥ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ៤ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានអន្ដរជាតិ១ សប្តាហ៍ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ១ សប្តាហ៍ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
សន្តិសុខសង្គម១៨ ម៉ោង agoនគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់
-
សន្តិសុខសង្គម៤ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
ព័ត៌មានអន្ដរជាតិ២ ថ្ងៃ agoកើតក្តីបារម្ភបាក់ទំនប់វារីអគ្គិសនីនៅថៃ ក្រោយរញ្ជួយដី