កូវីដ-១៩
ក្រសួងក្រើនរំលឹកអភិបាលរាជធានី-ខេត្តពង្រឹងវិធានការទប់ស្កាត់កូវីដ១៩ និងការធ្វើចត្តាឡីស័ក
ភ្នំពេញ៖ លោកសាស្ត្រាចារ្យ ម៉ម ប៊ុនហេង រដ្ឋមន្ត្រីក្រសួងសុខាភិបាលបានធ្វើការក្រើនរំលឹក និងណែនាំដល់អភិបាលរាជធានី-ខេត្តទាំងអស់ត្រូវពង្រឹងបន្ថែមនូវវិធានការទប់ស្កាត់ការរាតត្បាតជំងឺកូវីដ-១៩ និងការធ្វើចត្តាឡីស័កនៅក្នុងមូលដ្ឋានឱ្យមានប្រសិទ្ធភាពខ្ពស់។
ការក្រើនរំលឹកនេះបានធ្វើឡើងបន្ទាប់ពីមានរាជធានីខេត្តមួយចំនួនកំពុងទទួលរងនូវការឆ្លងជំងឺកូវីដ‑១៩យ៉ាងធ្ងន់ធ្ងរដូចជានៅខេត្ត កំពង់ចាម តាកែវ កំពង់ស្ពឺ ដែលឆ្លងភាគច្រើនកម្មកររោងចក្រ ក៏ដូចជាខេត្តបន្ទាយមានជ័យ ខេត្តកណ្តាល និងខេត្តព្រះសីហនុជាដើម ខណៈនៅរាជធានីភ្នំពេញហាក់មានការថយចុះ។
តាមរយៈលិខិតចុះកាលពីល្ងាចថ្ងៃទី២០ ខែឧសភានេះ លោករដ្ឋមន្ត្រីមានប្រសាសន៍ថាអភិបាលខេត្តផ្សេងៗគួរយកវិធានការបិទខ្ទប់នៅភូមិសាស្ត្ររាជធានីភ្នំពេញ និងក្រុងតាខ្មៅ នៃខេត្តកណ្តាលកន្លងមកនេះគឺជាមេរៀនបទពិសោធន៍ ដែលគួរត្រូវបានដកស្រង់ ដើម្បីប្រតិបត្តិនៅតាមមូលដ្ឋានរបស់ខ្លួន ទៅតាមស្ថានភាពជាក់ស្តែង។
លោករដ្ឋមន្ត្រីបានបន្តទៀតថា ជាងនេះទៀតត្រូវបន្តពង្រឹងការអនុវត្តច្បាប់ វិធានការសុខាភិបាល ការធ្វើចត្តាឡីស័ក និងវិធានការរដ្ឋបាល ដើម្បីទប់ស្កាត់ការឆ្លងរាលដាលជំងឺកូវីដ-១៩ និងជំងឺឆ្លងកាចសាហាវ និងប្រកបដោយគ្រោះថ្នាក់ធ្ងន់ធ្ងរផ្សេងទៀត ឱ្យមានប្រសិទ្ធភាពខ្ពស់។
ជាមួយគ្នានេះ លោក ម៉ម ប៊ុនហេង បានណែនាំឱ្យខេត្តនីមួយៗត្រូវលើកកម្ពស់ការយល់ដឹងអំពីវិធានការបង្ការជំងឺកូវីដ-១៩ ឱ្យកាន់តែស៊ីជម្រៅទៅដល់បុគ្គល គ្រួសារ និងសហគមន៍៕
អត្ថបទ៖ សំអឿន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ