កូវីដ-១៩

ខេត្តព្រៃវែងរកឃើញអ្នកវិជ្ជមានកូវីដ-១៩ ចំនួនច្រើនបំផុត មិនធ្លាប់មាន

បានផុស

៣ years មុន

នៅ

ថ្ងៃអង្គារ ១ មិថុនា ២០២១

ដោយ

រដ្ឋបាលខេត្តព្រៃវែងនៅថ្ងៃទី៣១ ខែឧសភា ឆ្នាំ២០២១ នេះ បានប្រកាសរកឃើញករណីវិជ្ជមានជំងឺកូវីដ-១៩ ថ្មីចំនួន៦៥នាក់បន្ថែម ដែលជាចំនួនច្រើនបំផុតមិនធ្លាប់មាន ក្នុងចំណោមក្រុង ស្រុកចំនួន៦ នៃខេត្តព្រៃវែង។

រដ្ឋបាលខេត្តបានបញ្ជាក់ថា ក្រុង ស្រុកដែលមានករណីឆ្លងជំងឺកុវីដ-១៩នេះ រួមមាន ១- ក្រុងព្រៃវែង មានចំនួន១៣នាក់ ២- ស្រុកព្រះស្ដេច មានចំនួន២៦នាក់ ៣-ស្រុកបាភ្នំ មានចំនួន១៤នាក់ ៤- ស្រុកពាមជរ មានចំនួន៤នាក់ ៥- ស្រុកមេសាង មានចំនួន៧នាក់ ៦- ស្រុកកំពង់ត្របែក មានចំនួន១នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បច្ចុប្បន្ន អ្នកវិជ្ជមានជំងឺកូវីដ-១៩ ទាំង៦៥នាក់ខាងលើ កំពុងសម្រាកព្យាបាលនៅមន្ទីរពេទ្យបង្អែកខេត្ត និងតាមមន្ទីរពេទ្យបង្អែកស្រុករបស់ពួកគេនីមួយៗ។

រដ្ឋបាលខេត្តសូមអំពាវនាវចំពោះអ្នកដែលបានប្រាស្រ័យទាក់ទងប៉ះពាល់ដោយផ្ទាល់ ឬប្រយោលជាមួយបុគ្គលវិជ្ជមានកូវីដ១៩ ខាងលើ សូមដាក់ខ្លួនដាច់ដោយឡែកតាមដានសុខភាពរយៈពេល១៤ថ្ងៃ និងរាយការណ៍មកអាជ្ញាធរដើម្បីយកសំណាក និងធ្វើចត្តាឡីស័កឲ្យបានត្រឹមត្រូវតាមការណែនាំរបស់ក្រសួងសុខាភិបាល៕