Connect with us

ព័ត៌មានអន្ដរជាតិ

កម្មករ ឥណ្ឌា រាប់សិបនាក់ចេញទៅធ្វើសំណង់នៅ អ៊ីស្រាអែល

បានផុស

នៅ

កម្មករសំណង់ឥណ្ឌារាប់សិបនាក់បានចាកចេញពីស្រុកកំណើតដើម្បីទៅធ្វើការងារនៅប្រទេសអ៊ីស្រាអែលក្នុងសប្តាហ៍នេះ បើទោះបីជាភ្លើងសង្គ្រាមជិត ៦ ខែរវាងអ៊ីស្រាអែល និងក្រុមហាម៉ាសក្នុងតំបន់ហ្គាហ្សានៅតែបន្ទផ្ទុះឡើងក៏ដោយ ។ នេះបើយោងតាមការចេញផ្សាយរបស់សារព័ត៌មាន AP នៅថ្ងៃទី​៥ ខែមេសានេះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ៊ីស្រាអែលកំពុងប្រឈមនឹងការខ្វះខាតកម្លាំងពលកម្ម បន្ទាប់ពីរារាំងកម្មករប៉ាឡេស្ទីនរាប់ម៉ឺននាក់ ក្រោយការវាយប្រហារដ៏សាហាវរបស់ក្រុមហាម៉ាសកាលពីថ្ងៃទី៧ ខែតុលា ឆ្នាំ២០២៣ ទៅលើអ៊ីស្រាអែលដែលបានបង្កឲ្យមានសង្រ្គាមផ្ទុះឡើងធ្ងន់ធ្ងរទៅៗ ខណៈការខ្វះខាតកម្លាំងពលកម្មនេះត្រូវបានជំនួសដោយកម្មករបរទេសជាច្រើន ដូចជាឥណ្ឌាជាដើម ។

អ្នកនាំពាក្យក្រសួងកិច្ចការបរទេសឥណ្ឌា លោក Randhir Jaiswal បាននិយាយថា ទោះបីជាយ៉ាងណាក៏ដោយ កម្មករឥណ្ឌាដែលចាកចេញនៅសប្តាហ៍នេះ នឹងស្ថិតនៅក្រោមកិច្ចព្រមព្រៀងមួយ ដែលបានចុះហត្ថលេខាដោយប្រទេសទាំងពីរ ដើម្បីថែរក្សាសុវត្តិភាពកម្មករ ហើយថែមទាំងជំរុញឲ្យអាជ្ញាធរអ៊ីស្រាអែល ប្រឹងប្រែងឲ្យអស់ពីសមត្ថភាព ដើម្បីថែរក្សាសុវត្ថិភាព និងសុខុមាលភាពរបស់កម្មករឥណ្ឌាទាំងនោះ ។

ក្នុងដំណើរទស្សនកិច្ចទៅកាន់ប្រទេសឥណ្ឌាកាលពីខែឧសភាកន្លងទៅរបស់រដ្ឋមន្ត្រីការបរទេសអ៊ីស្រាអែលលោក Eli Cohen ប្រទេសទាំងពីរបានចុះហត្ថលេខាលើកិច្ចព្រមព្រៀងមួយដើម្បីអនុញ្ញាតឲ្យប្រជាជនឥណ្ឌាប្រហែល ៤០,០០០ នាក់ធ្វើការក្នុងវិស័យសំណង់ និងថែទាំនៅអ៊ីស្រាអែល ខណៈបច្ចុប្បន្នប្រជាជនឥណ្ឌា ១៨,០០០ នាក់ហើយកំពុងធ្វើការនៅក្នុងប្រទេសអ៊ីស្រាអែល ដែលភាគច្រើនជាអ្នកមើលថែ ។

គួរបញ្ជាក់ថា ឥណ្ឌាបានថ្កោលទោសការវាយប្រហាររបស់ក្រុមហាម៉ាសលើអ៊ីស្រាអែល ប៉ុន្តែបានបោះឆ្នោតគាំទ្រសេចក្តីសម្រេចរបស់មហាសន្និបាតអង្គការសហប្រជាជាតិកាលពីខែធ្នូឆ្នាំមុន ដែលបានអំពាវនាវឲ្យអ៊ីស្រាអែលបញ្ឈប់ការប្រយុទ្ធដើម្បីអនុញ្ញាតឲ្យមានជំនួយមនុស្សធម៌ ហើយក៏បានគាំទ្រចំពោះដំណោះស្រាយរដ្ឋពីរក្នុងជម្លោះអ៊ីស្រាអែល និងប៉ាឡេស្ទីនផងដែរ ៕

អត្ថបទ ៖ ប៊ុន សុភាព

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សេចក្ដីជូនដំណឹង១១ ម៉ោង មុន

ក្រុមហ៊ុន ហនុមាន ប៊ែវើរីជីស បោះជំហានឆ្ពោះទៅកាន់វិសាលភាពអន្តរជាតិជាមួយម្ចាស់ជើងឯកប្រដាល់ពិភពលោក ម៉ានី ប៉ាគីអាវ!

ព័ត៌មានជាតិ១៦ ម៉ោង មុន

បង្កើតផ្លូវថ្មីតភ្ជាប់ពីផ្លូវជាតិលេខ១ រហូតដល់គល់ស្ពានព្រែកប្រា-ចាក់អង្រែ

ព័ត៌មានជាតិ១៦ ម៉ោង មុន

UPDATE៖ ករណីឡានទំនើបបុកម៉ូតូ បណ្តាលឱ្យបុរសម្នាក់ស្លាប់ គ្រួសាររងគ្រោះប្ដឹងឱ្យសមត្ថកិច្ចជួយរកយុត្តិធម៌

វប្បធម៌ ជំនឿ១៨ ម៉ោង មុន

សាស្ត្រាចារ្យ ព្រឿង ឈៀង៖ ចាស់កុំមាក់ងាយក្មេង ឯក្មេងកុំបោះបង់ចោលចាស់

សេចក្ដីជូនដំណឹង១៣ ម៉ោង មុន

កម្មការិនីរោងចក្រកាត់ដេរម្នាក់នៅស្រុកអង្គស្នួល ខេត្តកណ្តាល ឈ្នះរង្វាន់១២៥លានរៀលពីភេសជ្ជៈប៉ូវកម្លាំង ខារ៉ាបាវ

Sokha Hotels

ព័ត៌មានពេញនិយម