កីឡា

លីគបាល់ទះ Nations League ២០២៥-២០២៧ កំពុងស្វែងប្រទេសធ្វើម្ចាស់ផ្ទះ

បានផុស

២ years មុន

នៅ

ថ្ងៃសុក្រ ៥ មេសា ២០២៤

ដោយ

ការប្រកួតលីគបាល់ទះពិភពលោក Volleyball Nations League (VNL) ដែលជាព្រឹត្តិការណ៍ធំប្រចាំឆ្នាំដ៏មានកិត្យានុភាពបំផុតក្នុងពិភពលោក បានធ្វើកំណែទម្រង់ពីឆ្នាំ២០២៥ ដល់ឆ្នាំ២០២៧ និងកំពុងដាក់ដេញថ្លៃស្វែងរកប្រទេសទទួលធ្វើជាម្ចាស់ផ្ទះជាផ្លូវការ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជើងឯក Volleyball Nations League ទទួលបានការគាំទ្រយ៉ាងខ្លាំងទូទាំងពិភពលោក ពីព្រោះជាព្រឹត្តិការណ៍ប្រកួតបាល់ទះប្រជុំដោយក្រុមខ្លាំងៗនិងកីឡាករកំពូលៗបង្ហាញសមត្ថភាព។ កាលពីឆ្នាំមុនមានកំណើនអ្នកទស្សនាផ្ទាល់ជិត២០%។ លើសពីនេះទៅទៀត ប្រាក់ឧបត្ថម្ភពីដៃគូសហការបានកើនឡើង២៧%។ អ្វីគួរឱ្យចាប់អារម្មណ៍អត្រាទស្សនិកជនទស្សនាទូទាំងពិភពលោកកើនឡើងដល់៤៨% គិតពីឆ្នាំ២០២២ ដល់ឆ្នាំ២០២៣ ខណៈអ្នកទស្សនាលើកញ្ចក់ទូរទស្សន៍កើនឡើង១៣%។

ការប្រកួត Volleyball Nations League ឆ្នាំ២០២៣ បានទាក់ទាញអ្នកទស្សនាខ្លាំងតាមបណ្តាញទំនាក់ទំនងសង្គមចំនួន២១៤លាននាក់។ ថ្មីៗនេះ Volleyball Nations League បានប្រកាសពីការផ្លាស់ប្តូរទម្រង់សំខាន់ៗ ដូចជាបង្កើនចំនួនក្រុមពី១៦ ទៅ១៨ បង្កើនចំនួនការប្រកួតក្នុងពូល ក្រុមនៅក្នុងតំបន់ពីចំនួន២ ទៅ៣ ក្នុងមួយសប្តាហ៍។ ការផ្លាស់ប្ដូរទាំងនេះនឹងមិនត្រឹមតែជាការលើកកម្ពស់គុណភាពបាល់ទះ ប្រព័ន្ធផ្សព្វផ្សាយ អ្នកឧបត្ថម្ភប៉ុណ្ណោះទេ ប៉ុន្តែថែមទាំងពង្រីកឱកាសដល់វិស័យពាណិជ្ជកម្ម ដល់ទីក្រុងដែលជាម្ចាស់ផ្ទះថែមទៀត។

ការប្រកួតធ្លាប់បានរៀបចំក្នុងតំបន់អាស៊ីរហូតដល់តំបន់អាមេរិកខាងត្បូង កាណាដា សហរដ្ឋអាមេរិក ប៉ូឡូញ និងតួកគី ក្នុងរយៈពេល៥ឆ្នាំចុងក្រោយនេះ។ វាបានជះឥទ្ធិពលវិជ្ជមានដល់វិស័យសេដ្ឋកិច្ច ប្រព័ន្ធផ្សព្វផ្សាយ និងទេសចរណ៍ ក្នុងប្រទេសម្ចាស់ផ្ទះ។

បន្ទាប់ពីការប្រកួតសន្សំពិន្ទុក្នុងពូលរយៈពេល១សប្ដាហ៍ចប់ ក្រុមម្ចាស់ផ្ទះត្រូវបានជ្រើសរើសឲ្យឡើងទៅកាន់វគ្គ៨ក្រុមចុងក្រោយជាមួយក្រុម៧ផ្សេងទៀត។ ដូច្នេះមានន័យថា ប្រទេសជាម្ចាស់ផ្ទះ ទោះលទ្ធផលយ៉ាងណានៅវគ្គសន្សំពិន្ទុក្នុងពូល ក៏ពួកគេទទួលបានឱកាសឡើងវគ្គ៨ក្រុមចុងក្រោយដែរ៕