Connect with us

កីឡា

ក្រោយរង់ចាំ១២ឆ្នាំ ខ្សែក្រវាត់ ISKA ដាក់ឲ្យប្រកួតជាថ្មីលើដីកម្ពុជាចុងសប្តាហ៍នេះ

បានផុស

នៅ

នៅ​ថ្ងៃ​អាទិត្យ ទី​៧ ខែ​មេសា ឆ្នាំ​២០២៤ ចុង​សប្តាហ៍​នេះ​​នឹង​មាន​ការ​ប្រកួត​ដណ្តើម​ខ្សែ​ក្រវាត់​គុន​ខ្មែរ​ពិភព​លោក ISKA ជា​លើក​ដំបូង​នៅ​លើ​ទឹក​ដី​កម្ពុជា បន្ទាប់​ពី​ខក​ខាន​អស់​រយៈ​ពេល​ប្រមាណ​១២​ឆ្នាំ​កន្លង​ទៅ​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការ​ប្រកួត​ដណ្តើម​ខ្សែ​ក្រវាត់​ពិភព​លោក ISKA ជា​ថ្មី​​នៅ​សង្វៀន​បាយ័ន​នេះ​មាន​រហូត​ដល់​ទៅ​​​៣​គូ​នៅ​ពេលកីឡាករ​អ៉ីរ៉ង់​ហាត់​គុន​ខ្មែរ​ អាលៀ អាសក្កា ប្រកួត​ជា​មួយ​កីឡាករ​ថៃ ផន សសាវ៉ាន ជេអរ ដណ្តើម​ខ្សែ​ក្រវាត់​គុនខ្មែរ ISKA ទម្ងន់​​៦៥​គីឡូក្រាម។

​ម្ចាស់​ផ្ទះ​កម្ពុជា ប៊ុន សុធា ប្រកួត​ជា​មួយ​កីឡាករ​ម៉ាឡេស៊ី អ៊ូម៉ា រេដវូហ្វ ​ដណ្តើម​ខ្សែ​ក្រវាត់គុន​ខ្មែរ​​ ISKA ទម្ងន់​៥៧​គីឡូក្រាម។ ជា​មួយ​គ្នា​នេះ ខ្លា​ចាស់​ខ្មែរ-ប្រេស៊ីល សែន ចន្ទរិទ្ធីគុណ ប្រកួត​ជា​មួយ​កីឡាករ​តួកគី ស៊ីណាន ឆាឡា ដណ្តើម​ខ្សែ​ក្រវាត់​គុន​ខ្មែរ ISKA ទម្ងន់​៧៥​គីឡូក្រាម។

នេះ​អាចចាត់​ទុក​ជា​លើក​ទី​១​ដែល​មាន​ការ​ប្រកួត​ដណ្តើម​ខ្សែ​ក្រវាត់​ពិភព​លោក ISKA នៅ​លើ​ទឹក​ដី​ប្រទេស​កម្ពុជា​ក្នុង​រយៈ​ពេល​១២​ឆ្នាំ​ចុង​ក្រោយ បន្ទាប់​ពី​ធ្លាប់​មានការ​ប្រកួត​​​កាល​ពី​ឆ្នាំ​២០១២។ នៅ​ចាំ​បាន​ថា វ៉ន វីវ៉ា បាន​ប្រកួត​ឈ្នះ​កីឡាករអង់គ្លេស Ben Barwise ដើម្បី​ទទួល​បាន​ខ្សែ​ក្រវាត់ ISKA ពិភព​លោក​នៅ​ឆ្នាំ​២០០៨ ដែល​បាន​ក្លាយ​ជា​កីឡាករ​កម្ពុជា​ទី១​ទទួល​បាន​ខ្សែ​ក្រវាត់​នេះ។

បន្ទាប់​មក កីឡាករ​កម្ពុជា​ម្នាក់​ទៀត​គឺ មាស ចន្ថា បានប្រកួត​ឈ្នះ​កីឡាករអង់គ្លេស Tim Thomas ​ដើម្បី​ទទួល​បាន​ខ្សែ​ក្រវាត់ ISKA ពិភព​លោក​នៅ​​ខែ​សីហា ឆ្នាំ​២០០៨​ នៅ​ពហុកីឡដ្ឋាន​ជាតិ​អូឡាំពិក។ រូប​គេ​បាន​ក្លាយ​ជា​កីឡាករកម្ពុជា​ទី​២​ដែល​បាន​ឈ្នះ​ខ្សែ​ក្រវាត់​ពិភព​លោក​នេះ។

ទោះបី​ជា​យ៉ាង​ណា រយៈ​ពេល​​ជាង​៣​ឆ្នាំ​ក្រោយ​មក Tim Thomas ​បាន​វិល​ត្រឡប់​មក​ទឹក​ដី​កម្ពុជា​ជា​ថ្មី​ដើម្បី​ដណ្តើម​ខ្សែ​ក្រវាត់ ISKA ពី​កីឡាករកម្ពុជា​ មាស ចន្ថា វិញ​ម្តង។ នៅ​ពេលនោះ​កីឡាករ​កម្ពុជា​មិន​អាច​ការពារ​ខ្សែ​ក្រវាត់​របស់​ខ្លួន​បាន​ទេ​ដោយ​បាន​សន្លប់​ក្នុង​ទឹក​ទី​៥​​របូត​ខ្សែ​ក្រវាត់​ទៅ​ម្ចាស់​ដើម​វិញ​នៅ​ឆ្នាំ​២០១២។

រហូត​ដល់​ពេល​នេះ​មាន​តែ​អតីត​កីឡាករ វ៉ន វីវ៉ា ម្នាក់​គត់​ដែល​មាន​ខ្សែ​ក្រវាត់​ពិភព​លោក ISKA ប៉ុន្តែ​នៅ​ពេល​នោះ​មិន​ទាន់​ប្រើ​ឈ្មោះ​ខ្សែ​ក្រវាត់​គុន​ខ្មែរ ISKA ពិភព​លោក​ទេ។ សម្រាប់​ថ្ងៃ​ទី​៧ ខែ​មេសា នេះ​គឺ​ប្រើ​ឈ្មោះ ខ្សែ​ក្រវាត់​គុន​ខ្មែរ ISKA។

ជំនួបដណ្ដើមខ្សែក្រវាត់ពិភពលោក ISKA គុនខ្មែរ

  • កីឡាករ អាលៀ អាសហ្គា (អ៉ីរ៉ង់) Vs ផនសាវ៉ាន ជេអ័រ (ថៃ) ទម្ងន់​៦៥គ.ក
  • កីឡាករ ប៊ុន សុធា (កម្ពជា) Vs អ៊ូម៉ា វេដ វូហ្វ (ម៉ាឡេស៊ី) ទម្ងន់​៥៧​គ.ក
  • កីឡាករ សែន ចន្ទរិទ្ធីគុន (ខ្មែរ-ប្រេស៊ីល) Vs ស៊ីណាន ឆាឡា (តួកគី) ទម្ងន់៧៥​គ.ក

អត្ថបទ៖ វីរបុត្រ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២ នាទី មុន

ក្រុមប្រឹក្សាអភិវឌ្ឍន៍កម្ពុជាអនុម័តគម្រោងវិនិយោគជាង ១០០ សរុប​ទុន​ជាង ២ ពាន់លានដុល្លារ ក្នុងត្រីមាសទី១

ជីវិតកម្សាន្ដ១០ នាទី មុន

Dilraba តក់ស្លុតខ្លាំង ក្រោយបុរសម្នាក់ព្យាយាម​ចាប់ដៃ​នាងនៅ​ក្នុង​ហ្វូង​មនុស្ស​

ព័ត៌មានជាតិ១២ នាទី មុន

ឯកឧត្ដម ហ៊ុន ម៉ានី ៖ ក្រសួងមុខងារសាធារណៈ នឹងត្រូវប្រឹងប្រែងកាន់តែខ្លាំងក្លា ដើម្បីសម្រេចឲ្យបានសមិទ្ធផលថ្មីៗ បន្ថែមទៀត

កីឡា៣៤ នាទី មុន

ក្រោយរង់ចាំ១២ឆ្នាំ ខ្សែក្រវាត់ ISKA ដាក់ឲ្យប្រកួតជាថ្មីលើដីកម្ពុជាចុងសប្តាហ៍នេះ

ព័ត៌មានអន្ដរជាតិ៤៨ នាទី មុន

ទាហានរុស្ស៊ីរូបណា សម្លាប់បានទ័ពណាតូ នៅអ៊ុយក្រែន នឹងទទួលប្រាក់រង្វាន់ជាទីគាប់ចិត្ត 

Sokha Hotels

ព័ត៌មានពេញនិយម