ព័ត៌មានអន្ដរជាតិ
កម្ពុជា ជាមេកន្ទ្រាញគ្រងលើអត្រាស្ទុះងើបឡើងវិញនៃវិស័យទេសចរណ៍ខ្ពស់ជាងគេនៅអាស៊ាន
វិស័យទេសចរណ៍របស់ព្រះរាជាណាចក្រកម្ពុជាកាលពីឆ្នាំ ២០២៣ កន្លងទៅបានប្រែមុខមាត់យ៉ាងស្រស់បំព្រង ពោលកម្ពុជាក្លាយជាមេកន្ទ្រាញ ប្រទេសដែលមានអត្រាស្ទុះងើបឡើងវិញនៃឧស្សាហកម្មគ្មានផ្សែងមួយនេះ ខ្ពស់ជាងប្រទេសណាៗទាំងអស់ប្រចាំនៅតំបន់អាស៊ាន ។
![](https://www.kampucheathmey.com/wp-content/uploads/2024/03/Angkor-wat-03-1.jpg)
យោងតាមរបាយការណ៍របស់ក្រុមហ៊ុនស្រាវជ្រាវទេសចរណ៍ Outbox Consulting បានឲ្យដឹងថា អត្រាស្ទុះងើបឡើងវិញនៃវិស័យទេសចរណ៍របស់កម្ពុជាក្នុងឆ្នាំ ២០២៣ ហក់ឡើង ៨២.៥ ភាគរយនៃកម្រិតមុនរោគរាតត្បាតកូវីដ ១៩ ខណៈលំដាប់រងបានទៅលើម៉ាឡេស៊ីមានត្រឹម ៧៧.២ ភាគរយប៉ុណ្ណោះ ។
ចំណែកប្រទេសតោងកន្ទុយពីក្រោយកម្ពុជា និងម៉ាឡេស៊ី គឺធ្លាក់ក្រោមកណ្ដាប់ដៃឥណ្ឌូណេស៊ីជាមួយនឹងអត្រានៃការស្ទុះងើបឡើងវិញប្រមាណ ៧១.៧ ភាគរយ បន្ទាប់មកលំដាប់ទី ៤ បានទៅលើសិង្ហបុរី មាន ៧១.៣ ភាគរយ ខណៈប្រទេសថៃ ៧០.៤ ភាគរយ ឯវៀតណាមសម្រេចបានអត្រាស្ទុះងើបឡើងវិញ ៧០ ភាគរយខ្ពស់ជាងហ្វីលីពីនដែលគ្រងបានត្រឹម ៦៦ ភាគរយប៉ុណ្ណោះ ។
![](https://www.kampucheathmey.com/wp-content/uploads/2024/03/Angkor-wat-02-1.jpg)
កាលពីឆ្នាំ ២០២៣ កន្លងទៅ កម្ពុជាទាក់ទាញភ្ញៀវទេសចរបរទេសបានជាង ៥.៤៥ លាននាក់ ស្របពេលដែលឆ្នាំ ២០២៤ នេះវិញ កម្ពុជារំពឹងនឹងមានចំនួនភ្ញៀវទេសចរកើនឡើងជាងឆ្នាំ ២០២៣ ទៅទៀត ខណៈមុខព្រួញទេសចរណ៍ដែលអូសដៃពិភពលោកនោះ ភាគច្រើនគឺប្រាសាទអង្គរវត្តក្នុងខេត្តសៀមរាប និងតំបន់ឆ្នេរសមុទ្រដ៏ស្រស់ស្អាតនៅខេត្តព្រះសីហនុ ។
ដោយឡែក យោងតាមការចេញផ្សាយដោយសារព័ត៌មាន VN Express កាលពីដើមខែមីនាបានឲ្យដឹងថា ប្រទេសម៉ាឡេស៊ីកាលពីឆ្នាំ ២០២៣ បានគ្រងជាអធិរាជនៃវិស័យទេសចរណ៍ក្នុងតំបន់អាស៊ានជាមួយនឹងការហោះហើរមកលេងកម្សាន្តរបស់ភ្ញៀវទេសចរបរទេសចំនួន ២៩ លាននាក់ ។
![](https://www.kampucheathmey.com/wp-content/uploads/2024/03/tourist-5-1-1024x695.jpg)
ចំណែកថៃដែលធ្លាប់ល្បីរន្ទឺមានទេសចរបរទេសហោះមកចុះចតច្រើនជាងគេនោះ បានធ្លាក់ខ្លួនមកលំដាប់ទី ២ វិញ ពោលកាលពីឆ្នាំ ២០២៣ ប្រទេសនេះទទួលភ្ញៀវទេសចរបរទេសចំនួន ២៨ លាននាក់ តោងពីក្រោយដោយសិង្ហបុរីមាន ១៣.៦ លាននាក់ ខណៈប្រទេសវៀតណាមស្ថិតក្នុងចំណាត់ថ្នាក់លេខ ៤ មានចំនួនភ្ញៀវទេសចរ ១២.៦ លាននាក់ ។
ស្របពេលជាមួយគ្នានេះដែរ ប្រទេសឥណ្ឌូណេស៊ីបានកត់ត្រាចំនួនភ្ញៀវទេសចរបរទេសហោះមកលេងកម្សាន្តក្នុងប្រទេសកាលពីឆ្នាំ ២០២៣ កន្លងទៅបានប្រមាណជា ១១.៧ លាននាក់ ខណៈហ្វីលីពីនក្នុងចំនួន ៥.៤ លាននាក់ ហើយដោយសារតតែមើលឃើញពីសក្ដានុពលនៃវិស័យទេសចរណ៍នេះហើយ ជាពិសេសក្រោយវិធានការដកការរឹតត្បិតពាក់ព័ន្ធនឹងរោគរាតត្បាតកូវីដ ១៩ បច្ចុប្បន្នបណ្ដាប្រទេសអាស៊ានមួយចំនួនសុទ្ធតែបញ្ឆេះការប្រកួតប្រជែងលើវិស័យទេសចរណ៍ក្នុងតំបន់ដើម្បីទាក់ចិត្តភ្ញៀវទេសចរបរទេស ខណៈផ្ទាំងស៊ីបនោះគឺអ្នកដំណើរមកប្រទេសចិនជាមួយនឹងគោលនយោបាយលើកលែងទិដ្ឋាការនេះឯង ៕
ដោយ ៖ សុខ ជីវ័ន្ត
-
សន្តិសុខសង្គម៤ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៧ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៤ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៤ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+១ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ