សន្តិសុខសង្គម
នារីម្នាក់លោតសម្លាប់ខ្លួនពីលើអគារជាន់ទី១០ ដោយមិនដឹងមានវិបត្តិអ្វី
នារីម្នាក់បានលោតពីលើអគារជាន់ទី១០ មកក្រោមបណ្តាលឱ្យស្លាប់ ភ្លាមៗដោយមិនដឹងមូលហេតុបង្កការភ្ញាក់ផ្អេីលកាលពីវេលាម៉ោង ១៖៣០ នាទី រំលងអធ្រាត្រឈានចូលថ្ងៃទី៤ខែមេសាឆ្នាំ២០២៤ ស្ថិតនៅអគារយីហោអីស្តលេនអឹផាតមិន ពីជាន់ទី១០ នៅតាមបណ្តោយផ្លូវលេខ២១៤ សង្កាត់បឹងរាំង ខណ្ឌដូនពេញ។
![](https://www.kampucheathmey.com/wp-content/uploads/2024/04/photo_2024-04-04_10-16-28-1024x577.jpg)
សពមានឈ្មោះ វៀង អាយុ៣២ឆ្នាំ បច្ចុប្បន្នស្នាក់នៅជាមួយមិត្តភក្ដិមានគ្នា៣នាក់ នៅបន្ទប់ជាន់ទី១០ អគារកើតហេតុខាងលើ ក្នុងសង្កាត់បឹងរាំង ខណ្ឌដូនពេញ។
ប្រភពព័ត៌មានពីបុរសជាសន្តិសុខម្នាក់ ដែលឃើញហេតុការណ៍បានឱ្យដឹងថា មុនពេលកើតហេតុដោយឃើញនារីរងគ្រោះជាជនជាតិវៀតណាមបានទម្លាក់អីវ៉ាន់មួយចំនួនចេញពីមាត់បង្អួចនៃអគារកើតហេតុជាន់ទី១០ ធ្លាក់មកក្រោមចូលមកក្នុងផ្ទះពលរដ្ឋ ក្បែរអគារកើតហេតុ។
![](https://www.kampucheathmey.com/wp-content/uploads/2024/04/photo_2024-04-04_10-16-29-2-1024x768.jpg)
ក្រោយមកនារីរងគ្រោះក៏បានលោតមកតាមក្រោយធ្លាក់មកក្រោមបណ្តាលឱ្យបោកក្បាលស្លាប់ភ្លាមៗបង្កការភ្ញាក់ផ្អើលដល់អ្នកជិតខាងនិងមិត្តភក្តិរត់មកមើលរួចរាយការណ៍ទៅសមត្ថកិច្ចមូលដ្ឋានឱ្យចុះមកទីតាំងកើតហេតុភ្លាមៗផងដែរ។
ប្រភពព័ត៌មានពីនារីម្នាក់ត្រូវជាមិត្តនារីរងគ្រោះបានឱ្យដឹងថា ដោយនារីរងគ្រោះខាងលើគាត់តែងតែមានជំងឺប្រចាំកាយ និងស្មារតិមិនសូវល្អ ទើបមកដល់ម៉ោងកើតហេតុខាងលើស្រ្តីរងគ្រោះបានបិទទ្វារ និងប្រមូលអីវ៉ាន់មួយចំនួនដាក់នៅក្នុងថង់ទម្លាក់តាមបង្អួចមកក្រោម និងលោតសម្លាប់ខ្លួនមកតាមក្រោយតែម្តងទៅ។
![](https://www.kampucheathmey.com/wp-content/uploads/2024/04/photo_2024-04-04_10-16-29-1024x768.jpg)
បន្ទាប់ពីកើតហេតុសមត្ថកិច្ចមូលដ្ឋានបានចុះមកដល់ រួចយកខ្សែហ៊ុមព័ទ្ធទីតាំងខាងលើ ហើយក៏បានទំនាក់ទំនងទៅសមត្ថកិច្ចជំនាញកោសល្យវិច័យ របស់ស្នងការដ្ឋាននគរបាលរាជធានីភ្នំពេញចុះមកពិនិត្យសព។
ពេលជំនាញពិនិត្យរួចសមត្ថកិច្ចបានធ្វើកំណត់ហេតុប្រគល់សពឱ្យទៅក្រុមគ្រួសារយកទៅធ្វើបុណ្យតាមប្រពៃណី។ ចំពោះមូលហេតុសមត្ថកិច្ចជំនាញ នឹងធ្វើការស្រាវជ្រាវបន្តទៀត៕
អត្ថបទ៖សុខា
![](https://kampucheathmey.com/wp-content/uploads/2020/12/1-01-2-01-1.png)
-
សេដ្ឋកិច្ច១ សប្តាហ៍ ago
វ័យត្រឹម១៩ឆ្នាំសោះ កូនប្រុសអ្នកឧកញ៉ា គិត ម៉េង អាចនាំយកយីហោសណ្ឋាគារផ្កាយ៦ មកកាន់កម្ពុជា
-
ព័ត៌មានជាតិ១ សប្តាហ៍ ago
នាឡិកាធំ និងខ្ពស់ជាងគេនៅកម្ពុជា ចាប់ផ្ដើមដំឡើងជាផ្លូវការដើម្បីទាក់ទាញទេសចរណ៍
-
សេដ្ឋកិច្ច២ ថ្ងៃ ago
ស្ពានផ្សាររាត្រី-អរិយក្សត្រ ត្រៀមបើកការដ្ឋានសាងសង់នៅខែមិថុនា ឆ្នាំ ២០២៥
-
ព័ត៌មានអន្ដរជាតិ៣ ថ្ងៃ ago
យន្តហោះ Boeing ផ្ទុះកង់ ស្លាប់មនុស្ស២នាក់
-
សន្តិសុខសង្គម១ ថ្ងៃ ago
ផ្ទុះអាវុធជាច្រើនគ្រាប់ក្នុងប្រតិបត្តិការបង្ក្រាបជនបែកថ្នាំ ខណៈសមត្ថកិច្ចម្នាក់ស្លាប់
-
សេដ្ឋកិច្ច៣ ថ្ងៃ ago
ការសិក្សាផលប៉ះពាល់ពីគម្រោងស្ពានផ្សាររាត្រី-អរិយក្សត្រ បានបិទបញ្ចប់ និងត្រៀមបើកការដ្ឋានឆាប់ៗ
-
សន្តិសុខសង្គម៦ ថ្ងៃ ago
បុរសម្នាក់ ត្រូវម្ចាស់ផ្ទះបាញ់បាក់ជើងឆ្វេង របួសធ្ងន់ ខណៈកាន់កាំបិតចូលកាប់របស់របរផ្ទះគេ
-
ព័ត៌មានជាតិ៦ ថ្ងៃ ago
ពលរដ្ឋខេត្តបាត់ដំបងយ៉ាងច្រើនកុះករ សប្បាយខ្ញៀវខ្ញារពេល ព្រះអង្គ ចន្ទ មុនី និមន្តមកដល់ ដើម្បីប្រោះព្រំ