វៀតណាម ប្រកាសរកឃើញអ្នកឆ្លងកូវីដ ១១១ករណី ព្រឹកនេះ

ក្រសួងសុខាភិបាលវៀតណាម បានប្រកាសរកឃើញអ្នកឆ្លងជំងឺកូវីដ-១៩ចំនួន ១១១ករណីទៀតនៅព្រឹកថ្ងៃអង្គារនេះ ដោយក្នុងនោះ មានពាក់កណ្តាល ជាប់ពាក់ព័ន្ធទៅនឹងបេសកកម្មសាសនាមួយ ក្នុងទីក្រុងហូជីមិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទីក្រុងនេះ បានកត់ត្រាអ្នកជំងឺចំនួន ៥១នាក់ ហើយពួកគេទាំងអស់សុទ្ធតែជាប់ទាក់ទងទៅនឹងបេសកកម្ម Revival Ekklesia ដែលជាក្រុមជំនុំគ្រិស្តសាសនា មានមូលដ្ឋាននៅខណ្ឌ Go Vap ដែលជាចង្កោមផ្ទុះកូវីដ ធំបំផុតមិនធ្លាប់មាននៅក្នុង ហូជីមិញ។

ករណីនៅសេសសល់ ដែលត្រូវបានគេរាយការណ៍នៅព្រឹកថ្ងៃអង្គារនេះ គឺក្នុងខេត្ត Bac Giang និងខេត្ត Bac Ninh ដែលជាសួនឧស្សាហកម្ម មានបណ្តុំរោងចក្របរទេសធំៗ។

នៅ Bac Giang អ្នកជំងឺចំនួន៤៥នាក់ គឺមានទំនាក់ទំនងជាមួយចង្កោមផ្ទុះនៅឯសួនឧស្សាហកម្មរបស់ខ្លួន​ ហើយពួកគេទាំងអស់ត្រូវបានដាក់ឲ្យធ្វើចត្តាឡីស័ក មុនពេលធ្វើតេស្តវិជ្ជមាន។

គួរបញ្ជាក់ថា ក្នុងរយៈពេលត្រឹមតែមួយខែនៃរលកទី៤ ប្រទេសវៀតណាមបានកត់ត្រានូវករណីឆ្លងចំនួន ៤,៣៥៧ករណីនៅក្នុង ខេត្តក្រុងចំនួន៣៦ ក្នុងចំណោមខេត្តក្រុងទាំង៦៣របស់ខ្លួន៕

ប្រែសម្រួល៖ Vann Vann

ប្រភព៖​ VN Express

ចុចអាន៖ វៀតណាម ផ្អាកជើងហោះហើរអន្តរជាតិចូលទីក្រុង ហាណូយ